Mazda ផ្តើមសង្វាក់ផលិតកម្មទៅលើ Mazda EZ-60 ជាមួយនិងការកក់ទុកមុន 38,000 គ្រឿង

យោងតាមរបាយការណ៌ថ្មីនៅថ្ងៃនេះ បានបញ្ជាក់ថា Mazda បានប្រកាសចាប់ផ្តើមនូវសង្វាក់ផលិតកម្ម ទៅលើឡានអគ្គិសនីម៉ូដែល SUV ដំបូងរបស់ខ្លួន ដែលមានការអភិវឌ្ឍរួមគ្នាជាមួយនិង Changan ដែលជាក្រុមហ៊ុនផលិតរថយន្តអគ្គិសនីរបស់ប្រទេសចិនហើយ។ តាមដំណឹងផ្លូវការណ៌បញ្ជាក់ថា ឡានអគ្គិសនី Mazda EZ-60 នេះ គឺបានចូលក្នុងសង្វាក់ផលិតកម្មកាលពីថ្ងៃទី 4 ខែសីហានេះ នៅក្នុងរោងចក្រ Changan Mazda ដែលមានទីទាំងនៅខេត្ត Nanjing ប្រទេសចិន។

ក្រុមហ៊ុន Mazda បានបញ្ជាក់កាលពីថ្ងៃទី ខែសីហានេះថា គិតមកដល់ពេលនេះ ក្រុមហ៊ុនមានការបញ្ជាទិញមុនសម្រាប់ម៉ូដែលនេះ ចំនួនជាង 38,000 គ្រឿងហើយ។ EZ-60 នេះ នឹងក្លាយជាឡានអគ្គិសនីទីពីរបស់ក្រុមហ៊ុន Changan Mazda ដែលនឹងមានការនាំចេនៅលើទីផ្សារសកលនាពេលខាងមុខ បន្ទាប់ពីម៉ូដែលទី មួយ Mazda EZ-6 sedan ដែលគ្រប់គ្នាស្គាល់ថា Mazda 6e នៅលើទីផ្សារសកលបានបង្ហាញវត្តមានរួចហើយ។ សម្រាប់ម៉ូដែលនេះ គឺនៅតែបន្តការឌីស្សាញរូបរាងស្ទីល “Kodo” របស់ Mazda ដដែល។ 

ទាក់ទងជាមួយនិងការប្រើប្រាស់វិញ ឡាននេះ គឺមានការចូលរួមដោយវិស្វករចិន ជប៉ុន រួមនិងអឺរ៉ុបផងដែរ នៅក្នុងការធ្វើអោយថាមពលនៅលើឡាននេះមានស្ថិរភាព។ ចំពោះការឌីស្សាញផ្នែកខាងក្នុងរបស់ Mazda EZ-60 គឺមានការបំពាក់នូវប្រព័ន្ធបច្ចេកវិទ្យាបើកបរទំនើបមានការគាំទ្រដោយបន្ទះឈីប 4nm automotive-grade chip ហើយនឹងមានការទ្រទ្រង់នូវប្រព័ន្ធបញ្ជាថ្មីៗ ដែលមានការអភិវឌ្ឍរួមគ្នាជាមួយនិង Doubao AI, Mianbi Intelligent និង Alibaba’s Qianwen ទៀតផង។ សម្រាប់ប្រព័ន្ធសុវត្ថិភាពវិញ នៅលើឡានេះ គឺមានប្រើប្រាស់នូវដែកថែប 2,000 MPa ultra-high-strength steel។

សូមជំរាបថា មុននឹងសម្រេចផ្តើមនូវសង្វាក់ផលិតកម្មទៅលើ Mazda EZ-60 នេះ ក្រុមហ៊ុនបានធ្វើតេស្តទៅលើឡាននេះចំនួនទៅ 800 គ្រឿង និងមានការតេស្តចម្ងាយដល់ទៅ 500,000km នៅលើបណ្តាប្រទេសចំនួន 8 នៅក្នុងទ្វីបអឺរ៉ុប។ យោងតាមការបញ្ជាក់ពីក្រុមហ៊ុននេះបានអោយដឹងថា EZ-60 គឺមានការប្រើប្រាស់នូវថាមពលថ្មីរបស់ប្រទសចិន ហើយនឹងមានការផលិតចេញដោយយកតាមស្តង់ដារពិភពលោក ដែលក្រុមហ៊ុន Mazda ធ្លាប់បានប្រើប្រាស់កន្លងមកអញ្ចឹង។