ឡានអគ្គិសនី Nio Firefly នឹងចាប់ផ្តើមដឹកជញ្ជូនទៅកាន់ទីផ្សារអឺរ៉ុបនៅថ្ងៃទី 14 សីហានេះ

Firefly ដែលជាម៉ាកយីហោឡានប្រណិតខា្នតតូចរបស់ក្រុមហ៊ុន Nio នៅថ្ងៃនេះ បានប្រកាសពីការចាប់ដឹកញ្ជូនឡានអគ្គិសនីរបស់ខ្លួនទៅកាន់ទីផ្សារអឺរ៉ុបជាមួយនិងក្តីរំពឹងខ្ពស់ពីការលក់នៅតាមប្រទេសមួយចំនួនទៀតផង។ យោងតាមការបង្ហោះនៅលើបណ្តាញ Weibo របស់ក្រុមហ៊ុន Nio កាលពីថ្ងៃទី 14 ខែសីហាខាងមុខនេះ ឡានអគ្គិសនី Nio Firefly នឹងធ្វើដំណើរដល់ប្រទេសណ័រវេ និងប្រទេសហូឡង់ហើយ។ ជាមួយនិងការប្រកាសចេញនូវគម្រោងការខាងលើនេះ ត្រូវបានក្រុមហ៊ុនបញ្ជាក់នៅក្នុងខួប 10 ឆ្នាំនៃមជ្ឈមណ្ឌល global design center របស់ខ្លួននៅទីក្រុងម៉ុយនិលប្រទេសអាល្លឺម៉ង់។

សូមជំរាបថា នៅក្នុងរយៈពេលជាង 10 ឆ្នាំនេះ ក្រុមហ៊ុន Nio បានប្រកាសឈានជើងចូលទៅកាន់ទីផ្សារចំនួន 5 នៅតំបន់អឺរ៉ុន ដែលក្នុងនោះមានដូចជា ប្រទេស ណ័រវេ, អាល្លឺម៉ង់, ហូឡង់, ស៊ុយអែត, និងដាណឺម៉ាកអ ដោយថែមទាំងមានការសាងសង់នូវហេដ្ឋារចនាសម្ព័ន្ធរបស់ខ្លួនជាច្រើនដូចជា មជ្ឈមណ្ឌលសេវាកម្ម, ផ្នែកទំនាក់ទំនងអតិថិជន និងការបំរើសេវាថាមពលអគ្គិសនីជាដើម។ ហើយសម្រាប់ឆ្នាំក្រោយនេះ ក្រុមហ៊ុននេះ នឹងបន្តពង្រីកទីផ្សារ 11 បន្ថែមទៀតសម្រាប់តំបន់អឺរ៉ុប។ 

គួរបញ្ជាក់ថា Firefly គឺបានចាប់ផ្តើមបង្ហាញខ្លួនជាផ្លូវការនៅលើទីផ្សារប្រទេសចិនកាលពីថ្ងៃ 19 ខែមេសា នឹងបានដាក់លក់ជាមួយតម្លៃចាប់ពី 119,800 យ៉ន់ ដែលប្រហាក់ប្រហែល $16,690 ដុល្លារ ដោយមានការបូកបញ្ចូលទាំងអាគុយ។ ឡានអគ្គិសនី Nio Firefly ផ្តើមធ្វើការដឹកជញ្ជូនអោយអតិថិជនចាប់ពីថ្ងៃទី 29 ខែងមេសារយៈពេល 10 ថ្ងៃបន្ទាប់។

សម្រាប់ម៉ូដែល Firefly ថ្មីនេះ ត្រូវបានគេចាត់ទុកថា គឺជាឡានប្រណិតខា្នតតូចរបស់ Nio ដែលនឹងមានការប្រកួតប្រជែងជាមួយនិង BMW Mini និង Mercedes-Benz Smart បានសម្រាប់ទីផ្សារអឺរ៉ុប។