នេះគឺជាឡានភីកអាប់ Nissan Frontier ស៊េរីឆ្នាំ 2026 ដែលបានបង្ហាញខ្លួនជាផ្លូវការ សម្រាប់ទីផ្សារសហរដ្ឋអាមេរិក ជាមួយនឹងតម្លៃចាប់ពីខ្ទង់ $32,150 ថ្លៃជាងស៊េរីឆ្នាំ 2025 ត្រឹមតែ $100 ប៉ុណ្ណោះ។ ភីកអាប់ Nissan Frontier ឆ្នាំ 2026 ថ្មីនេះ នឹងផ្តល់ជម្រើសចំនួន 4 ប្រភេទ គឺ S, SV, Pro-X និង Pro-4X ហើយមានតួខ្លួន និងប្រវែងគ្រែដឹកជាច្រើនប្រភេទ។
.jpg)
ឡានភីកអាប់ថ្មីនេះ គឺមានការបំពាក់ម៉ាស៊ីនសាំង ចំណុះ 3.8L ទំហំ 6 ស៊ីឡាំង មានកម្លាំង 310 HP និង កម្លាំងរមួល 381 NM ដំណើរការដោយប្រអប់លេខអូតូ 9 វគ្គ ហើយមានទាំងជម្រើសប្រើប៉ុង 1 (RWD) និង ប៉ុង 2 (4WD) និងមានសមត្ថភាពអូសសណ្តោងទម្ងន់ 3.5 តោន។
សម្រាប់ស៊េរីឆ្នាំ 2026 ភីកអាប់ Nissan Frontier មានបំពាក់ Option ទំនើបៗមកជាច្រើន ដូចជា ចង្កៀងមុខ LED ថ្មី, កៅអីមុខចុចសារ៉េអូតូ 8 បែប មានមុខងារកម្តៅ, ដៃចង្កូតមានមុខងារកម្តៅ, ប្រព័ន្ធម៉ាស៊ីនត្រជាក់ 2 តំបន់ និង ប្រព័ន្ធបញ្ជាបញ្ឆេះម៉ាស៊ីនពីចម្ងាយ ជាដើម។ ក្រៅពីនោះ វាក៏នៅមាន កុងទ័រឌីជីថល ទំហំ 8 អ៊ីញ, អេក្រង់កម្សាន្ត Touchscreen ទំហំ 12.3 អ៊ីញ អាចភ្ជាប់មុខងារ Apple CarPlay & Android Auto ដោយមិនចាំបាច់ប្រើខ្សែ, Speaker 10 គ្រាប់, កន្លែងសាកថ្មទូរសព្ទឥតខ្សែ ជាដើម។
អ្វីដែលពិសេសនោះគឺ វាមានបន្ថែម Drive Mode Selector ថ្មី ដូចជា Rock, Sand, Mud, On-Road និង Hill Descent Control សម្រាប់ជំនួយនៅពេលចុះចំណោត ទៀងផង។ ក្រុមហ៊ុន Nissan បានអះអាងថា សម្រាប់ស៊េរីថ្មី ឆ្នាំ 2026 នេះ ពួកគេបានកែកុនទៅលើ Frontier ច្រើន ជាពិសេសទៅលើផ្នែក Performance និង សមត្ថភាព Off-road សម្រាប់ការបើកបរគ្រប់ស្ថានភាពផ្លូវ តែម្តង៕
