បើក Roll-Royce Phantom VII ចុះចូលលេងក្នុងអាងហែលទឹកដើម្បីអបអរខួបគម្រប់ 100 ឆ្នាំ

មិនមែនមានតែឡានចិនទេដែលអាចចុះហែលលេងក្នុងទឹកបាន ឡានរបស់អាល្លឺម៉ង ក៏អាចចុះលេងក្នុងទឹកបានដូចគ្នា។ ដោយកាលពីពេលថ្មីៗនេះ ក្រុមហ៊ុនផលិតរថយន្តម៉ាកល្បីបំផុតរបស់អាល្លឺម៉ង Roll-Royce បានបើករថយន្តម៉ាក Roll-Royce Phantom VII ចុះចូលទៅលេងក្នុងអាងហែលទឹកដើម្បីអបអរខួប 100 ឆ្នាំនៃម៉ាក Roll-Royce Phantom របស់ខ្លួនបើគិតត្រឹមឆ្នាំ 2025 នេះ។កាលពី 55 ឆ្នាំមុន គឺនៅទសវត្សឆ្នាំ 1970 អ្នកវាយស្គរដ៏ល្បីឈ្មោះលោក Keith Moon ក៏ធ្លាប់បានដាក់រថយន្ត Roll-Royce ចូលត្រាំក្នុងទឹកផងដែរ។ 

លោក Chris Brownridge ដែលជានាយកប្រតិបត្តិរបស់ Rolls-Royce បាននិយាយថា “ក្នុងរយៈពេល 100 ឆ្នាំចុងក្រោយនេះ សិល្បករតន្ត្រីបានប្រើប្រាស់ រថយន្ត Phantom ដើម្បីបង្ហាញពីអត្តសញ្ញាណ និងការប្រកួតប្រជែងរបស់ពួកគេ”។ ដែល "រថយន្ត ឬម៉ូតូរបស់ពួកគេជាញឹកញាប់បានក្លាយជារូបតំណាងនៅក្នុងសិទ្ធិរបស់ពួកគេដោយមានកន្លែងស្ថិតស្ថេរនៅក្នុងប្រវត្តិសាស្ត្រតន្ត្រីសម័យទំនើប"។

លោក Brownridge បានបន្ថែមថា "ទំនាក់ទំនងដ៏យូរអង្វែងនេះនឹងរំឭកយើងថា Rolls-Royce និងបុគ្គលដ៏អស្ចារ្យដែលជាផ្នែកមួយនៃរឿងរបស់ Marque ត្រូវបានរួបរួមដោយមហិច្ឆតាតែមួយ ដើម្បីធ្វើឱ្យវត្តមានរបស់ពួកគេមានអារម្មណ៍កាន់តែអស្ចារ្យ"។ Roll-Royce គឺជាម៉ាករថយន្តដ៏ប្រណិតបំផុត និងមានតម្លៃថ្លៃបំផុតមួយនៅក្នុងឧស្សាហកម្មរថយន្តនៅលើពិភពលោក។ ម៉ាករថយន្តរបស់អាល្លឺម៉ងមួយនេះត្រូវបានពេញនិយមប្រើប្រាស់សម្រាប់ថ្នាក់អភិជន សេដ្ឋី និងអ្នកជំនួញជោគជ័យ។

Roll-Royce Phantom VII បំពាក់នូវម៉ាស៊ីន 6.75-liter V12 petrol មានកម្លាំង 454 bhp និងកម្លាំងរមួល 720 Nm ដំណើរការដោយប្រអប់លេខស្វ័យប្រវត្តិ 8-speed ZF automatic (សម្រាប់ម៉ូដែល 2012 ដល់ 2018) ដែលទាញបង្វិលកង់ដោយប្រព័ន្ធ Rear-wheel drive ហើយអាចជាន់ល្បឿនពី 0-100km/h ចាយពេលប្រមាណ 5.9 វិនាទី និងអាចជាន់ល្បឿន Top Speed ដល់ 240km/h៕