GWM Off-Road SUV ស៊េរីថ្មី ជម្រើសប្រើម៉ាស៊ីន និង Hybrid ចេញលក់តម្លៃចាប់ពីជាង 4 ម៉ឺនដុល្លារ

ក្រុមហ៊ុន Great Wall Motors (GWM) បានធ្វើការប្រកាសចេញលក់រថយន្ត Luxury off-road SUV ស៊េរីថ្មីរបស់ខ្លួនម៉ូដែល Tank 500 នៅទីផ្សារប្រទេសចិន ដោយមានជម្រើសពីរម៉ូដែល គឺម៉ូដែលប្រើម៉ាស៊ីនចំហេះក្នុង (ICE) និងម៉ូដែលកូនកាត់ (Plug-in-hybrid)  ហើយនិងមានជម្រើស 4 option ដែលមានតម្លៃចាប់ពីខ្ទង់ $46,800 ដល់ $52,400។

GWM Tank 500 ត្រូវក្រុមហ៊ុនបានការធ្វើការឌីស្សាញដំបូលថ្មីដោយមានភ្ជាប់មកជាមួយប្រព័ន្ធសែនស័រ LiDAR នៅលើដំបូងខាងមុខ និងជាម៉ូដែលរថយន្តទីបួនដែលគាំទ្រនូវប្រព័ន្ធជំនួយការបើកបរ Coffee Pilot Ultra advanced driver assistance system របស់ GWM។ តាមការបញ្ជាក់ពីក្រុមហ៊ុន ត្រឹមរយះពេល 2 ម៉ោងបន្ទាប់ពីការប្រកាសចេញលក់ផ្លូវការណ៍ Tank 500 មានការកក់មុនចំនួន 12,257 គ្រឿង។ 

Tank 500 ថ្មីនេះ មានប្រវែងតួរខ្លួន 5,078mm/ ទទឹង 1,934mm/ កម្ពស់ 1,905mm និងប្រវែងចន្លោះកង់មុខទៅកង់ក្រោយ 2,850mm។ រថយន្ត off-road ដ៏ប្រណិតមួយនេះ មានបំពាក់នូវប្រព័ន្ធសែនស័រជុំវិញរថយន្តចំនួន 27 គ្រាប់ សម្រាប់ភ្ជាប់ដំណើរការជាមួយប្រព័ន្ធ Coffee Pilot Ultra advanced driver assistance system ដែលក្នុងនោះរួមមាន LiDAR Sensor មួយគ្រាប់, millimeter-wave radar ចំនួន 3 គ្រាប់, ultrasonic radar ចំនួន 12 គ្រាប់ និង កាមេរ៉ាសែនស័រចំនួន 11 គ្រាប់។

បន្ថែមពីនេះ Tank 500 នៅមានប្រព័ន្ធចាប់សញ្ញានៅពេលយប់ Coffee Night Vision Far-infrared system ដែលមានសមត្ថភាពខ្ពស់អាចចាប់សញ្ញាឧបគ្គសបានក្នុងរយះចម្ងាយ 120 ម៉ែត្រ និងចាប់សញ្ញាអ្នកថ្មើរជើងបានចម្ងាយ 90 ម៉ែត្រ បើទោះបីជាស្ថិនក្នុងស្ថានភាពមេឃភ្លៀង ធ្លាក់ព្រឹល និងព្យុះខ្សាច់ក៏ដោយ។ 

សម្រាប់ជម្រើសម៉ូដែល Tank 500 Hi4-T Version ប្រើប្រាស់ម៉ាស៊ីន 2.0T engine និងម៉ូទ័រអគ្គិសនីមួយមានកម្លាំងសរុប 402 សេះ និងកម្លាំងរមូល 750Nm ភ្ជាប់ដំណើរការដោយប្រអប់លេខ 9HAT អាចជាន់ល្បឿនពី 0-100km/h ចាយពេល 6.9 វិនាទី។ ម៉ូដែលនេះប្រើកញ្ចប់ថ្មប្រភេទ ternary lithium battery ទំហំ37.1 kWh ដែលសាកភ្លើងពេញម្តងអាចជិះបានដចម្ងាយ 110km ដោយប្រើថាមពលអគ្គិសនីសុទ្ធ។ សម្រាប់កម្រិតស៊ីសាំងរបស់ម៉ាស៊ីន 2.0T វិញ គឺប្រមាណជា 2.06L/100km ហើយការសាកភ្លើង និងចាក់សាំងពេញម្តងអាចជិះបានចម្ងាយសរុបដល់ 900km តាមការធ្វើតេស្តពី WLTC។

ចំនែកម៉ូដែល Tank 500 Hi4-Z វិញ ប្រើម៉ាស៊ីន 2.0T ដូចគ្នា គ្រាន់តែប្រើប្រាស់ម៉ូទ័រអគ្គិសនីពីរដែលអាចផលិតកម្លាំងសរុបបានដល់ 852 សេះ និងកម្លាំងរមូល 1,195Nm ភ្ជាប់ដំណើរការដោយប្រព័ន្ធប្រអប់លេខ 3-speed DHT អាចជាន់ល្បឿនពី 0-100km/h ប្រើពេល 4.3 វិនាទី។

ម៉ូដែលនេះ ប្រើកញ្ចប់ថ្ម ternary lithium battery ទំហំ 59.05kWh ដែលសាកភ្លើងពេញម្តងអាចជិះបានចម្ងាយ 201km និងដល់ 1,096km នៅពេលប្រើគូបជាមួយម៉ាស៊ីន។ ចំពោះកម្រិតស៊ីសាំងវិញ គឺត្រឹមតែ 0.76L/100km ប៉ុណ្ណោះ។ ចំនែកម៉ូដែលប្រើម៉ាស៊ីនសាំងសុទ្ធវិញ ត្រូវបានបំពាក់ដោយម៉ាស៊ីន 3.0T V6 engine កម្លាំង 355 សេះ និងកម្លាំងរមួល 500Nm ភ្ជាប់ដំណើរការដោយប្រព័ន្ធប្រអប់លេខ 9AT។

នៅផ្នែកកាប៊ីនខាងក្នុងរបស់ Tank 500 Series មានការរៀបចំយ៉ាងប្រណិតជាមួយការបំពាក់ដៃចង្កូតអេឡិចត្រូនិច, កៅអីស្បែក Nappa leather seats មានមុខងារក្តៅត្រជាក់, ទូរទឹកកក 50W refrigerator, កន្លែងសាកទូរសព្ទឥតខ្សែកម្លាំង 50W ចំនួនពីរ, អេក្រង់កម្សាន្តទំហំ 14.6-inch មាននាឡិកា Classic Style ស្ថិតនៅពីក្រោម, អេក្រង់បង្ហាញព័ត៌មានឌីជីថលទំហំ 12.3-inch, អេក្រង់ភ្ជាប់នៅលើដំបូងកម្រិតបង្ហាញ 3K ទំហំ 17.3-inch, មុខងារ HUD រួមនឹងមុខងារពិសេសៗជាច្រើនទៀត។ សម្រាប់ប្រព័ន្ធខួរក្បាលបញ្ជា Tank 500 ស៊េរីថ្មី គឺជា Qualcomm Snapdragon 8295 chip រួមនិងប្រតិបត្តិការ Coffee OS 3 របស់ GWM ផ្ទាល់៕