ក្រុមហ៊ុន Zeekr ដែលជា Brand រថយន្តប្រណិតរបស់ Geely ទើបតែបានបញ្ចេញរថយន្ត Luxury Plug-in-hybrid SUV ថ្មីម៉ូដែល Zeekr 9X នៅទីផ្សារប្រទេសចិន ដែលមានតម្លៃចាប់ពីខ្ទង់ $67,080។ ឡាន Full-size Luxury PHEV SUV ស៊េរីថ្មីនេះមានការឌីស្សាញរូបរាងឡើងយ៉ាងប្រណិត និងមានភាពអំណាចខ្លាំង។
.jpg)
ឡានស៊េរីថ្មីនេះប្រើប្រាស់ប្រព័ន្ធគ្រោងឆ្អឹងប្រភេទថ្មី SEA-S modular ដែលផ្តល់នូវលំនឹងល្អ និងផាសុខភាពក្នុងការបើកបរបានគ្រប់ស្ថានភាពផ្លូវ។ វាមានបណ្តោយ 5,239mm/ ទទឹង 2,029mm/ កំពស់ 1,819mm និងគម្លាតពីកង់មុខទៅកង់ក្រោយ 3,169mm។ Zeekr 9X មានជម្រើសពណ៌ស ខ្មៅ ទឹកប្រាក់ ប្រផេះ និងស្វាយ ជាមួយជម្រើសពណ៌ខាងក្នុងខៀវចាស់ ទឹកមាសលឿង និងត្នោត។
ផ្នែកខាងក្នុងរបស់ Zeekr 9X មានកៅអីចំនួន 6 តំរៀបជា 2+2+2 ហើយនៅផ្នែកកណ្តាលលើតាបឡូមានបំពាក់អេក្រង់ទំហំ 16-inch ចំនួនពីរ, អេក្រង់បង្ហាញព័ត៌មាន Digital Instrument Panel, មុខងារ AR-HUD ដែលអាចបង្ហាញបានទំហំ 47-inch រួមនឹងអេក្រង់សម្រាប់អ្នកអង្គុយកៅអីជួរខាងក្រោយភ្ជាប់លើដំបូលទំហំ 17-inch កម្រិតបង្ហាញ 3K ផងដែរ។ Zeekr 9X មានជម្រើស 3-options ផ្សេងគ្នា គឺ Max, Ultra និង Hyper។ សម្រាប់ម៉ូដែលស្តង់ដារ 9X មានតម្លៃខ្ទង់ $67,080 ហើយម៉ូដែលនេះបំពាក់នូវម៉ាស៊ីនចំនុះ 2.0-liter ICE និងប្រព័ន្ធម៉ូទ័រពីរមានកម្លាំងសរុប 885 សេះ អាចជាន់ស្ទុះល្បឿនពី 0-100km/h ចាយពេលខ្ពស់ 3.9 វិនាទី។
Zeekr 9X Max បំពាក់កញ្ចប់ថ្មទំហំ 55kWh សាកភ្លើងពេញអាចជិះដោយប្រើថ្មសុទ្ធបានចម្ងាយ 300km ហើយបើប្រើគូបជាមួយម៉ាស៊ីនចាក់សាំងពេញម្តងអាចជិះបាន 1,200km តាមស្តង់ដាររបស់ CLTC។ សម្រាប់ប្រព័ន្ធគ្រឿងក្រោមរបស់ Zeekr 9X Max ជាប្រភេទ dual-chamber air suspension ដែលដំណើរការដោយប្រប័ន្ធ dual-valve continuous damping control (CDC) system, មានសែនស័រ LiDAR នៅលើដំបូល ដំណើរការជាមួយប្រព័ន្ធជំនួយការបើកបរឆ្លាតវៃ G-Pilot H7 ដែលគាំទ្រដោយបន្ទះឈីប Nvidia Drive Thor-U chip កម្រិត 700TOPS។ ហើយ 9X Max ក៏មានបំពាក់មកជាមួយប្រព័ន្ធបំពងសំឡេង Naim sound system សរុបដល់ទៅ 32 គ្រាប់ផងដែរ។
សម្រាប់ម៉ូដែល 9X Ultra វិញមានម្លៃខ្ទង់ $69,880។ ម៉ូដែលនេះមានបន្ថែមកូនកៅអីបត់សម្រាប់កៅអីជួរខាងក្រោយ ជាមួយមុខងារ four-way lumbar និងម៉ាស៊ីន 22-point massage សម្រាប់កៅអីជួរទីមួយ និងទីពីរ រួមនឹងមានរីដូបង្អួចសម្រាប់បាំងការពារកម្តៅថ្ងៃថែមទៀតផង។ ម៉ូដែល Ultra បំពាក់នូវចង្កៀងខាងមុខឆ្លាតវៃ intelligent headlights និងទ្វារអេឡិចត្រូនិចផងដែរ។ សម្រាប់កម្លាំង និងកញ្ចប់ថ្ម គឺដូចគ្នានឹងម៉ូដែល Max ដែរ គ្រាន់តែ Zeekr បានផ្តល់នូវជម្រើសកញ្ចប់អាគុយទំហំ 70kWh មួយទៀតសម្រាប់ម៉ូដែល Ultra។
ចំពោះម៉ូដែល Zeekr 9X Hyper គឺជា Top-model មានតម្លៃខ្ទង់ $79,660។ ម៉ូដែលនេះមានភាពទំនើបខ្លាំងដោយវាមានមុខងារ 48V active stabilizer bar, active side សម្រាប់កៅអីអ្នកបើក និង rotating second-row seats សម្រាប់កៅអីជួរទីពីរ។ 9X Hyper គាំទ្រនូវប្រព័ន្ធ G-Pilot H9 system ដំណើរការជាមួយសែនស័រ LiDAR ចំនួន 5 គ្រាប និងគាំទ្រដំណើរការដោយបន្ទះឈីបឆ្លាតវៃ Nvidia Drive Thor-U ចំនួនពីរជាមួយកម្រិតនៃភាពឆ្លាតវៃ 1,400 TOPS ដែល Zeekr ហៅប្រព័ន្ធនេះថា “ L3-ready model”៕
