no-alternative title
no-alternative title
no-alternative title
no-alternative title
no-alternative title
no-alternative title
no-alternative title

MSI P65 Creator 8SE កុំព្យូទ័រយួដៃស៊េរីថ្មី ដែលមានការរចនាយ៉ាងស្រស់ស្អាតសម្រាប់ Designers, Video Editors និង Content Creators

ក្រុមហ៊ុន MSI បាននឹងកំពុងតែកាក់កបខ្លាំងក្នុងការលក់ម៉ាស៊ីនកុំព្យូទ័រស៊េរីថ្មីៗរបស់ខ្លួន ម្ល៉ោះហើយបានជម្រុញទឹកចិត្តអោយក្រុមហ៊ុននាគរាជរបស់កោះ តៃវ៉ាន់មួយនេះបានបញ្ចេញម៉ាស៊ីនកុំព្យូទ័រស៊េរីថ្មីរបស់ខ្លួនជាបន្តបន្ទាប់ដើម្បីផ្តល់អោយអ្នកប្រើប្រាស់នូវជម្រើសច្រើនក្នុងការជ្រើសរើសយកទៅប្រើប្រាស់បំពេញក្នុងកិច្ចការងារប្រចាំថ្ងៃក៏ដូចជាការកម្សាន្តរបស់ពូកគេ។

no-alternative title

MSI P65 Creator 8SE គឺជាម៉ាស៊ីនកុំព្យូទ័រស៊េរីថ្មីមួយម៉ូដែលទៀតដែលត្រូវបានក្រុមហ៊ុនមួយនេះធ្វើការផលិតឡើងសម្រិតសម្រាំងយ៉ាងពិសេសរំលេចចេញនូវសោភ័ណ្ឌភាពខាងក្រៅយ៉ាងប្រណិតទាក់ភ្នែកជាមួយនឹងការបំពាក់នូវគ្រឿងម៉ាស៊ីនខ្លាំងចុងក្រោយដើម្បីផ្តល់ជូនអោយការទាញកម្មវិធីប្រើការទូទៅបានរលូនដែលធ្វើអោយការបំពេញកិច្ចការងារប្រចាំថ្ងៃបានលឿនរហ័សទាន់ចិត្ត។

ផ្នែកខាងក្រៅរចនាឡើងមានភាពស្រស់ស្អាតទាន់សម័យ

តួរខ្លួនរបស់ម៉ាស៊ីនកុំព្យូទ័រស៊េរីថ្មី MSI P65 Creator 8SE ត្រូវបានស្រោបពេញដោយលោហះធាតុអាលុយមីញ៉ូមបែបសរសៃកាបោនប្រភេទ Aluminum Chassis ដែលមានការដុសខាត់យ៉ាងភ្លឺរលោង និងមានសភាពហាប់ជិតរឹងមាំផ្តល់នូវទំនុកចិត្តខ្ពស់ក្នុងការប្រើប្រាស់។ ផ្នែកអេក្រង់ និងផ្នែកម៉ាស៊ីនត្រូវបានភ្ជាប់ដោយកងដែលមានភាពរឹងមាំព្រមទាំងអាចកាច់ពន្លាបានក្នុងកម្រិតមុំ 180 ដឺក្រេថែមទៀតផង។ MSI P65 Creator មានកម្រាស់សរុប 17.9mm ជាមួយទំងន់សរុបត្រឹមតែ 1.8 គីឡូក្រាម ដូច្នេះវាផ្តល់នូវភាពងាយស្រួលក្នុងការកាន់ប្រើប្រាស់ និងយកទុកដាក់តាមខ្លួន។ សម្រាប់ក្តារចុចវាយអត្ថបទវិញជាប្រភេទ Backlight Keyboard Single Color ដែលមនាភ្លើង LED ពណ៌សនៅខាងក្រោមក្តារចុចដែលមានផ្ទៃទាលធំល្មមងាយស្រួលក្នុងការដាក់ម្រាមដៃជាមួយល្បឿនឆ្លើយតបរហ័ស និងមានសំឡេងស្អាតល្អ។

បន្ថែមពីនេះវានៅមានប្រព័ន្ធបច្ចេកវិទ្យាចាក់សោរសុវត្ថិភាពម៉ាស៊ីនដោយការស្កែនក្រយ៉ៅម្រាមដៃថែមទៀតផងដែលស្ថិតនៅលើផ្ទាំង Key Pad ដែលធ្វើអោយការប្រើប្រាស់កាន់តែមានភាពទំនើប និងមានសុវត្ថិភាពខ្ពស់ថែមមួយកម្រិតទៀត។ ងាកមកមើលរន្ធតំណរភ្ជាប់ជាមួយនឹងឧបករណ៍បន្ថែមក្រៅ ឬសម្រាប់ចែករំលែកទិន្នន័យឃើញថាមានគ្រប់គ្រាន់សម្រាប់ការប្រើប្រាស់ដូចជារន្ធដោតចម្លងទិន្នន័យប្រភេទ USB-A3.1, USB-C3.1 ឬរន្ធ Thunderbolt 3, HDMI សម្រាប់ភ្ជាប់ទៅកាន់ទូរទស្សន៍ស្មាតធីវីដែលទ្រទ្រង់ការបញ្ជូនរូបភាព- វីដេអូក្នុងកម្រិត 4K, រន្ធ mini-Display Port សម្រាប់ភ្ជាប់ទៅកាន់អេក្រង់ម៉ូនីទ័របន្ថែមបានចំនួនបី, រន្ធដោតខ្សែ LAN ប្រភេទ RJ45, រន្ធដោត 3.5mm mic-in និង 3.5 headphone jack ដែលទ្រទ្រង់នូវប្រព័ន្ធសំឡេង Hi-Fi ជាដើម។

អេក្រង់ធំទូលាយផ្តល់ភាពងាយស្រួលក្នុងការបំពេញកិច្ចការងារ និងការកម្សាន្ត

MSI P65 Creator 8SE បំពាក់នូវបន្ទះអេក្រង់បង្ហាញប្រភេទ IPS LCD កម្រិតល្បឿន 144Hz ទំហំ 15.6” ដែលមានកម្រិតបង្ហាញពីរជម្រើសគឺ Full-HD (1920x1080px) និង UHD (3840x2160px)។ អេក្រង់របស់វាមានភាពទូលាយស្រលះល្អព្រោះថាវាត្រូវបានកាត់គែមផ្នែកសងខាង និងខាងលើអោយនូវកម្រាស់តូចស្តើង។ អេក្រង់របស់វាភ្ជាប់នូវបច្ចេកវិទ្យាលាយពណ៌ 100% sRGB Color Gamut និងបច្ចេកវិទ្យា ពណ៌ True Color Technology ដែលធ្វើអោយការលាយពណ៌ផ្ទៃអេក្រង់របស់វាបានត្រឹមត្រូវ និងបង្ហាញចេញបានច្បាស់ដិតស្រស់ស្រទន់ភ្នែកមើលឃើញបានច្បាស់គ្រប់ជ្រុងព្រមទាំងជួយកាត់បន្ថយចំនាំងពន្លឺពីមជ្ឈដ្ឋានខាងក្រៅបានយ៉ាងប្រសើរផងដែរ ដូច្នេះយើងអាចបំពេញកិច្ចការងាររបស់យើងបានគ្រប់ពេលគ្រប់ទីកន្លែង។

កំលាំងម៉ាស៊ីនខ្លាំងអូសកម្មវិធីប្រើការទូទៅបានយ៉ាងរលូន

សម្រាប់កំលាំងម៉ាស៊ីនដែលបានភ្ជាប់នៅខាងក្នុងតួរខ្លួនរបស់ MSI P65 Creator 8SE គឺឈីប Intel-8th Gen- Core-i7 លេខ 8750H Processor ដែលជាឈីបខ្លាំងភ្ជាប់នូវលើផ្ទាំង Mainboard ស៊េរី Intel® HM370។ កំលំាងម៉ាស៊ីនរបស់វាទ្រទ្រង់ដោយអង្គគណនាបណ្តោះអាសន្នទំហំ 16 GB RAM ប្រភេទ DRR4 ល្បឿនរត់ 2666Hz ព្រមទាំងអាចបង្កើនទំហំឡើងដល់ 32GB ជាមួយរន្ធបន្ថែមប្រភេទ DIMM Slot ចំនួនពីររន្ធស្របតាមទំហំនៃការប្រើប្រាស់របស់យើង។

សម្រាប់ប្រព័ន្ធអង្គក្រាហ្វិចវិញវាប្រើពពួក NVIDIA GeForce RTX™ 2060 ជាមួយកំលាំង random ទំហំ 6GB ប្រភេទ GDDR6 ដែលធ្វើអោយការប្រើប្រាស់កម្មវិធីដែលមានក្រាហ្វិចខ្ពស់ដូចជាកម្មវិធីរចនា Design, Video Editing, និងContent creator ជាដើម គឺមានភាពរលូនជាមួយសាច់ក្រាហ្វិចច្បាស់ត្រជាក់ភ្នែក។ MSI P65 Creator 8SE ប្រើប្រាស់អង្គផ្ទុកទិន្នន័យពីរប្រភេទគឺM.2 SSD ប្រើប្រាស់បច្ចេកវិទ្យា NVMe PCIe Gen3 និង M.2 SSD Combo slot ប្រើប្រាស់បច្ចេកវិទ្យា NVMe PCIe Gen3 / SATA។ នៅលើផ្នែកម៉ាស៊ីនរបស់វាត្រូវបានភ្ជាប់នូវបច្ចេកវិទ្យា Cooler Boost Trinity ដើម្បីរក្សាភាពត្រជាក់របស់ម៉ាស៊ីននៅពេលបើកដំណើរការយូរជាមួយប្រព័ន្ធកង្ហាបំភាយកំដៅចេញពីម៉ាស៊ីនចំនួនបី។

ផ្នែកសំខាន់ៗមួយចំនួនទៀត

-កំលាំងថ្ម : សម្រាប់ថ្មដែលភ្ជាប់មកជាមួយម៉ាស៊ីនកុំព្យូទ័រ MSI មួយនេះជាប្រភេទថ្ម Li-Polymer មាន 4-Cell ជាមួយទំហំផ្ទុកថាមពល 82 វ៉ាត់ម៉ោងដែលទ្រទ្រង់ការសាកចូលជាមួយដុំឆ្នាំងសាកកំលាំង 230 វ៉ាត់ ប្រើប្រាស់បានរហូតដល់ ៨ម៉ោង។

-ប្រព័ន្ធបំពងសំឡេង: សម្រាប់ការកម្សាន្តដូចជាការចាក់តន្ត្រីស្តាប់ ទស្សនាខ្សែភាពយន្ត ឬលេងហ្គេមគឺយើងទទួលបានភាពសប្បាយរីករាយជាមួយប្រព័ន្ធបំពងសំឡេងពីរគ្រាប់ដែលមានកំលាំងបញ្ចេញសំឡេងបានលឺខ្លាំងច្បាស់ល្អក្នុងកម្រិត 2 វ៉ាត់ជាមួយបច្ចេកវិទ្យាសំឡេង Nahimic3 Hi-Res Audio ដែលបន្លឺចេញបែប 3D Surround sound។

-កាមេរ៉ាវ៉ិបខេម : នៅលើម៉ាស៊ីនកុំព្យូទ័រ P65 Creator 8SE មានបំពាក់នូវប្រព័ន្ធកាមេរ៉ាវ៉ិបខេមមួយគ្រាប់ដែលអាចថតរូប និងវីដេអូលេងកម្សាន្តក៏ដូចជាភ្ជាប់ទំនាក់ទំនងតាមរយះបណ្តាញសង្គមបានក្នុងកម្រិត HD ក្នុងល្បឿន 30fps។

-បច្ចេកវិទ្យាចែករំលែងទិន្នន័យឥតខ្សែ : ក្រៅពីការចែករំលែកទិន្នន័យតាមរយះរន្ធដោត USB និង Ethernet port (LAN) ទៅម៉ាស៊ីនកុំព្យូទ័រជំនាន់ថ្មីមួយនេះមានភ្ជាប់នូវបច្ចេកវិទ្យាតភ្ជាប់ឥតខ្សែក្នុងការភ្ជាប់បណ្តាញ និងផ្ទេរទិន្នន័យតាមរយះប្រព័ន្ធ  802.11 ac Wi-Fi និង Bluetooth v5។

សរុបសេចក្តីមកវិញ… MSI P65 Creator 8SE គឺម៉ាស៊ីនកុំព្យូទ័រស៊េរីថ្មីមានគុណសម្បតិ្តល្អប្រសើរជាច្រើនសម្រាប់ជួយសម្រួលដល់កិច្ចការងារទូទៅប្រចាំថ្ងៃ របស់ Designer, Video Editor និងContent Creator អោយកាន់តែរលួន និងទាន់ពេលវេលា។ ម៉ាស៊ីនកុំព្យូទ័រនេះមានរូបរាងប្រកបដោយភាពប្រណិតស្រស់ស្អាតទំនើបទាន់សម័យ ភ្ជាប់នូវបច្ចេកវិទ្យាប្រើប្រាស់ទំនើបៗ និងកំលាំងម៉ាស៊ីនខ្លាំងអាចរត់បត់បែនតម្រូវទៅតាមកិច្ចការងារទូទៅប្រចាំថ្ងៃរបស់យើងបាន។ ដូច្នេះប្រសិនបើលោកអ្នកកំពុងតែស្វែងរកម៉ាស៊ីនកុំព្យូទ័រយកទៅប្រើប្រាស់ក្នុងកិច្ចការងារផ្ទាល់ខ្លួន លោកអ្នកអាចគិតគន់គួរមើលម៉ាស៊ីនកុំព្យូទ័រម៉ាក MSI P65 Creator 8SE នេះបាន៕

 

 

no-alternative title
no-alternative title

no-alternative title
ព័ត៌មានពាណិជ្ជកម្ម