កាលពីដើមខែនេះ មានរបាយការណ៍ជាច្រើន បាននិយាយថា ក្រុមហ៊ុន Huawei បានត្រៀមខ្លួនក្នុងការប្រកាសចេញនូវកុំព្យូទ័រ MateBook Xនិង X Pro ស៊េរីថ្មីរបស់ខ្លួននៅលើទីផ្សារ ដែលជំនាន់ថ្មីនៃកុំព្យូទ័រ Notebooks ទាំងនេះ ត្រូវបានគេដឹងថា នឹងប្រើប្រាស់នូវបន្ទះឈីប Core+low voltage MX450 ជំនាន់ទី 11 ថែមទៀតផង។ បន្ថែមពីនេះទៀតនោះ សម្រាប់កុំព្យូទ័រ Huawei MateBook 13 និង 14 ក៏នឹងមានការ upgrade ទៅលើបន្ទះឈីបរបស់ពួកគេផងដែរ។
នាពេលថ្មីៗនេះ យោងតាមការបញ្ជាក់នៅក្នុងរបាយការណ៍ជាច្រើន បានបញ្ជាក់ថា កិច្ចប្រជុំនៅក្នុងការបង្ហាញនូវកុំព្យូទ័រ Huawei MateBook គឺនឹងធ្វើឡើងនៅក្នុងទីក្រុងប៉េកាំងនៅថ្ងៃទី 13 ខែមករាស្អែកនេះហើយ ដែលនេះ គឺជាម៉ូឌែល 2021 version របស់កុំព្យូទ័រត្រកូល MateBook X, X Pro និង MateBook ដែលនឹងប្រកាសបង្ហាញខ្លួននៅក្នុងព្រឹត្តិការណ៍នេះផងដែរ។ បន្ថែមពីលើការ upgrades ទៅលើផ្នែក Hardware របស់វានោះ ក្រុមហ៊ុន Huawei នឹងបង្ហាញនូវការអាប់ដេតទៅលើកម្មវិធី Software ផងដែរ។
ក្រុមហ៊ុន Huawei បានបន្តថា សម្រាប់កុំព្យូទ័រទាំងនេះ គឺមានភ្ជាប់ជាមួយនឹង Huawei App Store រួចជាស្រេចផងដែរ។ តាមការបញ្ជាក់នៅក្នុងរបាយការណ៍ជាច្រើននោះ បានអោយដឹងទៀតថា ម៉ូឌែលមួយ គឺប្រើប្រាស់នូវបន្ទះឈីប Intel i7-1160G7 processor ចុងក្រោយបំផុត។ សម្រាប់ i7-1160G7 គឺជាបន្ទះឈីបជំនាន់ទី 11 ដែលប្រើប្រាស់នូវថាមពលថ្ម 7W-15W។ មានការរំពឹងថា ក្រុមហ៊ុន Huawei នឹងបង្ហាញនូវកុំព្យូទ័រម៉ូឌែល High-End ជាច្រើននៅក្នុងត្រកូល MateBook 13/14 series ថែមទៀតផងដែរ។
គួរបញ្ជាក់ថា ខណៈពេលដែលទីផ្សារស្មាតហ្វូនរបស់ក្រុមហ៊ុន Huawei គឺមានការរងគ្រោះនៅក្នុងលទ្ធផលនៃការហាមប្រាមរបស់សហរដ្ឋអាមេរិកនោះ គឺមិនមានការប៉ះពាល់ដល់ទីផ្សាររបស់កុំព្យូទ័រនោះទេ។ នៅក្នុងរយៈពេលប៉ុន្មានខែមុននេះ ក្រុមហ៊ុន Huawei គឺពិតជាខិតខំប្រឹងប្រែងយ៉ាងខ្លាំងនៅក្នុងទីផ្សារកុំព្យូទ័ររបស់ខ្លួន។ សម្រាប់ពេលនេះ នៅមិនទាន់មានការទម្លាយច្រើននោះទេអំពីកុំព្យូទ័រ MateBook នោះទេ ប៉ុន្តែមានរបាយការណ៍ជាច្រើន គឺបានបញ្ជាក់ថា ក្រុមហ៊ុននេះ នឹងបន្តក្នុងការឌីស្សាញទៅលើកុំព្យូទ័រ MateBoo 13/14 series៕