MSI ដែលជាក្រុមហ៊ុនកុំព្យូទ័រនាំមុខគេរបស់ពិភពលោក ថ្មីៗនេះ ទើបតែរៀបចំនូវព្រឹត្តិការណ៍និម្មិត MSIology: The Leap to Singularity ដែលជាការបោះជំហានទៅរកភាពអស្ចារ្យនៃកុំព្យូទ័ររបស់ខ្លួន ជាមួយនឹងការបំពាក់នូវក្រាហ្វិកកាត NVIDIA GeForce RTX 40 series GPUs ចុងក្រោយ និងបន្ទះឈីប 13th Gen Intel® Core™ HX series processors នៅលើកុំព្យូទ័រជំនាន់ចុងក្រោយរបស់ខ្លួន។ ហើយនៅពេលនេះ កុំព្យូទ័រទាំងនេះ ក៏មានការដាក់អោយធ្វើការកម្មង់ទិញមុន (pre-order) បានហើយ។
ក្រុមហ៊ុន MSI បានបោះជំហានទៅកាន់ភាពល្អឥតខ្ចោះ និងបទពិសោធន៍ដ៏ប្រណិតនៅក្នុងត្រកូលកុំព្យូទ័រដែលមានបំពាក់នូវបច្ចេកវិទ្យាដ៏អស្ចារ្យដែលធ្វើអោយម៉ាស៊ីនកាន់តែខ្លាំងក្លាបំផុត និងការឌីស្សាញថ្មីកាន់តែសម្បូរបែប។ លោក Derek Chen ប្រធានផ្នែកលក់ និងទីផ្សាររបស់កុំព្យូទ័រ MSI Notebook និយាយថា “យើងមានភាពឈានមុខគេទៅលើកុំព្យូទ័រ High-end ជាច្រើន ហើយយើងនឹងបន្តទៅមុខទៀត!”
កុំព្យូទ័រ Stealth Series
ក្រុមហ៊ុន MSI ទើបតែប្រកាសបង្ហាញនូវកុំព្យូទ័រ Stealth 16 Studio និង Stealth 14 Studio ដែលជាបានឈ្នះនូវពានរង្វាន់នៅក្នុងព្រឹត្តិការណ៍ 2023 CES ចុងក្រោយបំផុតនេះផងដែរ។ កុំព្យូទ័រទាំងពីរម៉ូឌែលនេះគឹមានភាពស្រស់ស្អាតទាក់ភ្នែកជាមួយនឹងពណ៌ pure white និង star blue ។ បន្ថែមជាមួយនឹងតួខ្លួនផលិតឡើងចេញពីអាលុយមីញ៉ូមម៉ាញ៉េស្យូម (aluminum-magnesium) កុំព្យូទ័រ Stealth 16 Studio នេះមានទម្ងន់តិចជាង 2 គីឡូ ហើយកម្រាស់ត្រឹមតែ 2cm ។
ខណៈពេលដែលកុំព្យូទ័រ Stealth 14 Studio នេះបំពាក់នូវប្រព័ន្ធ MSI Vapor Chamber thermal បានធ្វើអោយកុំព្យូទ័រលេងហ្គេម 14-inch gaming laptop នេះមានបទពិសោធន៍នៃការលេងហ្គេមដ៏អស្ចារ្យ និងអាចធ្វើការជាច្រើនបានយ៉ាងមានប្រសិទ្ធិភាព។ លោក Linus Sebastian និយាយថា “នេះគឺជាកុំព្យូទ័រ 14-inch ដ៏ខ្លាំងក្លាបំផុតនៅលើភពផែនដីនេះ! កុំព្យូទ័រ Stealth Studio ថ្មីរបស់ក្រុមហ៊ុនMSI នេះគឺល្អបំផុតនៅក្នុងការបង្កើតនូវ content, ការលេងហ្គេម ឬការងារជាច្រើនទៀតដោយគ្មានបញ្ហានោះទេ!”
សមត្ថភាពកាន់តែខ្លាំងក្លាជាមួយនឹងកុំព្យូទ័រ Titan GT series/ Raider GE series
កុំព្យូទ័រ Titan GT77 HX បំពាក់នូវបន្ទះឈីបដ៏ខ្លាំងក្លា i9-13980HX processor ហើយវាមានក្រាហ្វិកកាត GeForce RTX 4090 Laptop GPU ជាមួយនឹងបច្ចេកវិទ្យា MSI OverBoost Ultra technology ផ្តាច់មុខដែលជម្រុញកម្លាំងសរុបដល់ទៅ 250W ហើយវាទ្រទ្រង់នូវបច្ចេកវិទ្យា 5.2GHz frequency នៅលើ 8 P-cores ។ បន្ថែមពីនេះទៀតនោះ កុំព្យូទ័រ Titan GT77HX នេះក៏មានអេក្រង់ 4K/144Hz MiniLED ដំបូងបំផុតរបស់ពិភពលោក ហើយនេះគឺជាអេក្រង់ប្រណិតបំផុតដែលមាននៅលើកុំព្យូទ័រនេះ។
កុំព្យូទ័រ Raider GE series នេះគឺមានការជម្រុញពីរថយន្តស្ព័រ ហើយវាមានការឌីស្សាញយ៉ាងប្រណិតបំផុតថែមទៀត។ វាក៏មានការ upgrade ទៅលើ matrix light bar ដែលធ្វើអោយកុំព្យូទ័រ Raider GE នេះមានរូបរាងប្រណិតបំផុតក្នុងការប្រើប្រាស់។លោក Eddie Chen ប្រធានផ្នែកផលិតផល និងទីផ្សាររបស់កុំព្យូទ័រ MSI Notebook និយាយថា “សមត្ថភាពដ៏ខ្លាំងក្លាគឹជា DNA របស់ក្រុមហ៊ុន MSI ហើយនៅក្នុងឆ្នាំនេះ យើងក៏បានបង្កើតនូវកុំព្យូទ័រដែលមានភាពខ្លាំងក្លាបំផុតជាមួយនឹងវត្តមានរបស់កុំព្យូទ័រ Titan GT HX & Raider GE HX ចុងក្រោយបំផុតនេះ។” ក្រុមហ៊ុន MSI ក៏នាំយកនូវ Smart TouchPad នៅលើ Raider GE78 HX ។លោក Eddie Chen និយាយថា នេះគឺជា touchpad ដ៏អស្ចារ្យ និងងាយស្រួលក្នុងការប្រើប្រាស់បំផុត។
Cyborg: ជម្រើសថ្មីនៃការលេងហ្គេមប្រចាំថ្ងៃ
នៅក្នុងការប្រកាសបង្ហាញនូវកុំព្យូទ័រម៉ូឌែលថ្មីសម្រាប់ការលេងហ្គេមប្រចាំថ្ងៃនោះ Cyborg 15 នេះគឺមានការឌីស្សាញយ៉ាងប្រណិតសម្រាប់អ្នកលេងហ្គេម។ Cyborg 15 នេះមានភាពទាក់ភ្នែកដូចជាទម្រង់ sci-fi futuristic នាពេលអនាគត ហើយវាមានបំពាក់នូវក្រាហ្វិកកាត និងបន្ទះឈីបចុងក្រោយបំផុតដែលនេះធ្វើអោយកុំព្យូទ័រនេះក្លាយជាជម្រើសកំពូលនៅក្នុងការលេងហ្គេមប្រចាំថ្ងៃផងដែរ។
Creator Z Series: កុំព្យូទ័រដ៏មានភាពខ្លាំងក្លាបំផុតសម្រាប់ Creator
កុំព្យូទ័រ Creator Z17 HX Studio ចុងក្រោយបំផុតនេះមានប្រព័ន្ធ Vapor Chamber Cooler thermal ហើយវាមានបន្ទះឈីប 13th gen Intel HX series processors និងក្រាហ្វិកកាត NVIDIA RTX 40 series GPUs ។ កុំព្យូទ័រ Creator Z17 HX នេះបានក្លាយជាកុំព្យូទ័រ HX creator laptop ដ៏ខ្លាំងក្លាបំផុតនៅលើទីផ្សារ។ សម្រាប់ MSI Pen 2 បានប្រើប្រាស់នូវបច្ចេកវិទ្យា MPP2.6 Technology ចុងក្រោយបំផុតដែលមានល្បឿនលឿនក្នុងការប្រើប្រាស់ផងដែរ។ MSI Pen 2 ផ្តល់នូវបទពិសោធន៍នៃការប្រើប្រាស់ដូចនៅលើក្រដាសពិតៗតែម្តង។
កុំព្យូទ័រស៊េរីថ្មី Prestige Series
ក្រុមហ៊ុន MSI ទើបតែបង្ហាញនូវកុំព្យូទ័រ Prestige 13 Evo ដែលមានទម្ងន់ស្រាលជាង 1Kg ហើយវាពិតជាស្តើងមែនទែនក្នុងការប្រើប្រាស់។ វាមានបំពាក់នូវថាមពលថ្ម 75Whrs ហើយវាពិតជាសក្តិសមបំផុតនៅក្នុងការប្រើប្រាស់បានពេញមួយថ្ងៃសម្រាប់ការប្រជុំ ឬការធ្វើដំណើរ។ វាក៏មានជម្រើសកុំព្យូទ័រ 16 inch ផងដែរ។ កុំព្យូទ័រ Prestige 16 Studio នេះមានក្រាហ្វិកកាត GeForce RTX 40 Series Laptop GPUs ដែលធ្វើអោយកុំព្យូទ័រនេះមានប្រសិទ្ធិភាពក្នុងការប្រើប្រាស់ថែមទៀត។
ការបោះជំហានទៅកាន់ភាពល្អឥតខ្ចោះជាមួយនឹងកុំព្យូទ័រ MSI Laptops
កុំព្យូទ័រ MSI laptop series ចុងក្រោយបំផុតនេះគឺមានបច្ចេកវិទ្យាថ្មីប្រកបដោយភាពច្នៃប្រឌិតខ្ពស់ ហើយវាមានកម្លាំងម៉ាស៊ីនខ្លាំងក្លា និងការឌីស្សាញយ៉ាងប្រណិតយ៉ាងមានប្រសិទ្ធិភាពបំផុត។ “ក្រុមហ៊ុន MSI គឺជាអ្នកនាំមុខគេនៅក្នុងឧស្សាហកម្មកុំព្យូទ័រ។” ជាចុងក្រោយ កុំព្យូទ័រ notebooks ថ្មីរបស់ក្រុមហ៊ុន MSI នេះពេលនេះគឺអាចដាក់អោយធ្វើការ pre-order ហើយនៅពេលនេះ!
