MSI គឺជាក្រុមហ៊ុនផ្តល់នូវដំណោះស្រាយទៅលើភាពច្នៃប្រឌិតខ្ពស់ និងម៉ាស៊ីនដែលមានភាពខ្លាំងក្លាបំផុតនោះទើបតែប្រកាសបង្ហាញនូវម៉ូនីទ័រ PRO MP161 ដែលជាប្រភេទ 15.6-អ៊ីង FHD portable monitor ដែលមានបំពាក់នូវអេក្រង់ anti-glare IPS និងតួខ្លួនស្តើង (ultra-slim) មែនទែន។ ម៉ូនីទ័រនេះមានទម្ងន់ 0.75 kg (1.65 lbs) ហើយវាមានកម្រាស់ត្រឹមតែ 1.08 cm (0.4 អ៊ីង) ប៉ុណ្ណោះ។ បន្ថែមពីនេះ ទៀតនោះ វាក៏មាន 2 speakers ផងដែរ។ វាក៏មាននូវសម្បកការពារដែលអ្នកងាយស្រួលក្នុងការយកតាមខ្លួនគ្រប់ទីកន្លែងផងដែរ។
ភាពងាយស្រួលនៃការធ្វើការងារគ្រប់ពេលវេលា និងគ្រប់ទីកន្លែង
ម៉ូនីទ័រ PRO MP161 របស់ក្រុមហ៊ុន MSI នេះជួយអ្នកអាចពង្រីកទៅលើអេក្រង់របស់អ្នកចេញពី Laptop ឬអេក្រង់ចេញពីស្មាតហ្វូនរបស់អ្នកបាន។ ជាលទ្ធផល អ្នកអាចធ្វើការទំនាក់ទំនងកាន់តែងាយស្រួលប្រសើរជាងមុន ឬការចែករំលែកទិន្នន័យយ៉ាងមានប្រសិទ្ធិភាពជាមួយអ្នកដទៃផ្សេងទៀតគ្រប់ទីកន្លែង។ មិនថាអ្នកឆែកមើលទិន្នន័យ ការធ្វើការងារ ឬមើលវីដេអូនៅលើរថភ្លើង ការសម្រេចចិត្តដ៏សំខាន់នៅក្នុងពេលហោះហើរ ការមើលទៅលើមាតិកា ឬការលេងហ្គេមជាច្រើនជាមួយនឹងមិត្តភក្តិនោះ ម៉ូនីទ័រ PRO MP161 ធ្វើអោយជីវិតរបស់អ្នកកាន់តែមានភាពងាយស្រួល។
បច្ចេកវិទ្យា MSI EyesErgo Technology ផ្តល់នូវបរិយាកាសការងារប្រកបដោយផាសុខភាព
គោលដៅរបស់យើងគឺសម្រេចបាននូវកន្លែងការងារប្រកបដោយផាសុខភាពបំផុត។ ជាមួយនឹងការប្រើប្រាស់នូវ MSI Anti-Flicker, Less Blue Light Technology, user-friendly I/O ports និង adjustable kickstandបានធ្វើអោយម៉ូនីទ័រនេះមានភាពងាយស្រួលក្នុងការប្រើប្រាស់បំផុត។ PRO MP161 នេះមាន 1x mini-HDMI និង 2x USB Type-C hybrid-signal connections ដែលអាចបញ្ចូនទិន្នន័យ និងថាមពលបានយ៉ាងប្រសើរ។ សម្រាប់ USB Type-C នេះក៏ងាយស្រួលក្នុងការភ្ជាប់ទំនាក់ទំនងទៅកាន់ laptops ឬឧបករណ៍ជាច្រើនទៀតដូចជាស្មាតហ្វូនដែល Type-C & DP Alternate modes ទ្រទ្រង់នូវ Type-C & DP Alternate modes ថែមទៀត។
ម៉ូនីទ័រ PRO MP161 នេះក៏មានភ្ជាប់ជាមួយនឹង fold-out kickstand សម្រាប់ការដាក់បង្ហាញនៅលើផ្ទៃរាបស្មើដែលងាយស្រួលក្នុងការធ្វើការងារបានថែមទៀត។ សម្រាប់ fold-out kickstand នេះគឺមានការឌីស្សាញកម្រិត 0° ~ 180° ដែលងាយក្នុងការបង្ហាញជាទម្រង់ portrait និង landscape modes ។ វាពិតជាងាយស្រួលក្នុងការធ្វើបទបង្ហាញ និងឯកសារ spreadsheets ថែមទៀត។
កម្មវិធីផ្តាច់មុខ Display Kit App
កម្មវិធី Display Kit software ផ្តាច់មុខរបស់ក្រុមហ៊ុន MSI នេះអនុញ្ញាតអោយអ្នកប្រើប្រាស់ជាច្រើនអាចបែងចែកអេក្រង់នៅក្នុងវីដេអូដែលងាយស្រួលក្នុងការមើលទៅលើឯកសារ ឬរូបភាពជាច្រើនក្នុងពេលដំណាលគ្នា។ អ្នកអាចតម្លើងនូវ color modes សម្រាប់ការលេងហ្គេម ភាពយន្ត ឬ eye-saver ផងដែរ។
