Sony ប្រកាសចេញលក់កាមេរ៉ាប្រភេទ Vlogging Camera ជំនាន់ថ្មីម៉ូដែល ZV-1 II ក្នុងតម្លៃខ្ទង់ $900

ក្រុមហ៊ុន Sony ទើបតែបានប្រកាសចេញសមាជិកកាមេរ៉ាស៊េរីថ្មីចុងក្រោយក្នុងស្រឡាយ ZV ដែលជាប្រភេទ Vlogging Camera ដោយបានប្រកាសចេញម៉ូដែល ZV-1 II ដែលជាជំនាន់ទីពីរបន្តពីជំនាន់ ZV-1 ដែលបានប្រកាសចេញកាលពី 3 ឆ្នាំមុន។

បើយើងមើលទៅលើក្រដាសយើងឃើញថាជំនាន់ថ្មីនេះ មិនមានការបង្កើនសមត្ថភាពខ្លាំងជាងជំនាន់ដំបូងរបស់វានោះទេ។ អ្វីដែលជាការផ្លាស់ប្តូរធំនៅលើជំនាន់ថ្មី ZV-1 II គឺការប្រើប្រាស់នូវប្រភេទ Wide-lens ខ្នាត 18-50mm ជាមួយ Aperture f1.8-4 ធៀបនឹងជំនាន់មុនគឺប្រើខ្នាត 24-70mm ជាមួយ Aperture f1.8-2.8។ ចំនុចផ្លាស់ប្តូរមួយចំនួនទៀតនៅលើ Sony ZV-1 II គឺការប្រើប្រាស់រន្ធ USB-C connector រួមជាមួយ 3-capsule microphone និងជើង Tripod ជាប្រភេទ relocated tripod mount ក៏ដូចជាប្រព័ន្ធ UI Camera និងមុខងារថ្មីៗមួយចំនួនទៀត។

ចំនែកប្រព័ន្ធសែនស័រកាមេរ៉ាដែលប្រើនៅលើ Sony ZV-1 II គឺដូចគ្នាទាំងស្រុងទៅនឹងជំនាន់ ZV-1 ដែរ ដោយមានទំហំ 20.1MP ខ្នាត 1.0" ជាប្រភេទ stacked Exmor RS CMOS sensor។ ព្រមជាមួយផ្នែកមួយចំនួនទៀតដូចជា អេក្រង់ (3.0-inch 921k dot LCD), ប្រព័ន្ធទប់លំនឹង(optical/digital image stabilization),  ប្រព័ន្ធ Autofocus, ថ្ម, សមត្ថភាពថតរូប ហើយនិងវីដេអូ ([email protected])។ Sony ZV-1 II នឹងមានចេញដាក់លក់ផ្លូវការណ៍នៅខែមិថុនាខាងមុខនេះជាមួយតម្លៃខ្ទង់ $ 900៕