ស្មាតហ្វូន Xiaomi Redmi4 ប្រហែលជាទើបតែដាក់លក់នៅក្នុងប្រទេសឥណ្ឌាថ្មីៗនេះប៉ុណ្ណោះ ប៉ុន្តែស្មាតហ្វូនជំនាន់ថ្មីរបស់ Xiaomi Redmi 4 បែកធ្លាយនៅលើអនឡាញទៀតហើយ។ នៅក្នុងរូបភាពបែកធ្លាយបង្ហោះនៅលើបណ្តាញសង្គម Weibo (តាមរយៈ FoneArena) បង្ហាញអំពីលក្ខណៈសម្បត្តិ និងតម្លៃរបស់ស្មាតហ្វូនស៊េរីថ្មី Redmi 5។ ដូចគ្នាទៅនឹងស្មាតហ្វូន Redmi 4 ដែរ ស្មាតហ្វូន Xiaomi Redmi 5 ត្រូវគេដឹងថានឹងមានពីរជម្រើសសម្រាប់ជ្រើសរើស គឺមួយម៉ូដែលនឹងភ្ជាប់ជាមួយបន្ទះឈីប Snapdragon 625 chip (ភ្ជាប់ជាមួយក្រាហ្វិកកាត Adreno 506 GPU) និងមួយម៉ូដែលទៀតនឹងបំពាក់បន្ទះឈីប Snapdragon 630 processor (ភ្ជាប់ជាមួយក្រាហ្វិកកាត Adreno 508 GPU)។
ស្មាតហ្វូនស៊េរីថ្មីនេះ និងភ្ជាប់ជាមួយអេក្រង់ទំហំ 5 អ៊ីងកម្រិតភាពច្បាស់ Full HD (1920x1080 ភិចសែល) អេក្រង់គែមកោង និងដំណើរការ MIUI 9 នៅលើប្រព័ន្ធប្រតិបត្តិការ Android 7.1.1 Nougat ។ កាមេរ៉ាខាងក្រោយរបស់ស្មាតហ្វូនស៊េរីថ្មីនេះត្រូវគេដឹងថានឹងមានទំហំ 16MP ភ្លើងអំពូល LED Flash ភ្ជាប់ជាមួយមុខងារ Phase Detection Autofocus ខណៈពេលដែលកាមេរ៉ាមុខនឹងមានទំហំ 5MP ។ថាមពលថ្មរបស់ស្មាតហ្វូន Redmi 5 ត្រូវគេដឹងថានឹងមានទំហំ 3680mAh ហើយស្មាតហ្វូននេះក៏ភ្ជាប់ផងដែរនូវប្រព័ន្ធស្កែនក្រយ៉ៅដៃ Fingerprint Scanner និងរន្ធដោត microSD ទំហំដល់ទៅ 128GB ។
ខាងក្រោមនេះជាតម្លៃរបស់ស្មាតហ្វូន Redmi 5៖
1. ជំនាន់ Snapdragon 625 version
3 GB RAM + 16 GB មានតម្លៃប្រហែល 859 យន់ (~$125 / Rs. 8160)
3 GB RAM + 32 GB មានតម្លៃប្រហែល 1039 យន់ (~$155 / Rs. 9875)
2. ជំនាន់ Snapdragon 630 version
3 GB RAM + 32 GB មានតម្លៃប្រហែល 1099 យន់ (~$160 / Rs. 10,445)
4 GB RAM + 32 GB មានតម្លៃប្រហែល 1199 យន់ (~$175 / Rs. 11,395)
4 GB RAM + 64 GB មានតម្លៃប្រហែល 1299 យន់ (~$190 / Rs. 12,345)
ស្មាតហ្វូន Redmi 5 នឹងបង្ហាញខ្លួននៅក្នុងត្រីមាសទី 3 ឆ្នាំ 2017 នេះ ឬនៅដើមត្រីមាសទី 4។ ប្រសិនបើព័ត៌មានបែកធ្លាយនេះ គឺជាការពិតនោះ វាពិតជាដំណឹងដ៏ល្អសម្រាប់អ្នកគាំទ្រផលិតផល Redmi Series ព្រោះនេះគឺជាស្មាតហ្វូនដែលទ្រទ្រង់នូវកម្រិតអេក្រង់ដល់កម្រិត 1080p ៕
