ថ្មីៗនេះ ក្រុមហ៊ុន Epson ទើបតែបានប្រកាសចេញនូវផលិតផលថ្មីរបស់ខ្លួន FastFoto FF-680W ដែលជាម៉ាស៊ីនល្បឿនលឿនក្នុងការផ្តល់គុណភាពរូបភាពកម្រិតខ្ពស់ និងប្រព័ន្ធស្កេនឯកសារ (Document Scanning System)។ ផលិតផលថ្មីនេះ ត្រូវបានគេអះអាងថា គឺជាម៉ាស៊ីនផ្ទាល់ខ្លួនដែលមានល្បឿនលឿនបំផុតនៅក្នុងការស្កេនរូបភាព។ ម៉ាស៊ីន FastFoto FF-680W អាចធ្វើការស្កេនរូបភាពគ្រប់វិនាទីនៅក្នុងល្បឿន 300dpi (ដែលមួយឈុតរបស់វាមាន 36 រូបភាព)។
FF-680W គឺជាម៉ាស៊ីនដែលផ្អែកទៅលើមូលដ្ឋានម៉ូដែល FF-640 ដែលទ្រទ្រង់នូវប្រភេទនៃ Media បានច្រើនដូចជាប្រភេទ Polaroids, Postcards និងរូបភាព Panoramic Photo រួមទាំងការស្កេននៅក្នុងកម្រិត 300dpi (ងាយស្រួលក្នុងការចែករំលែក) 600dpi TIFF (ការប្រមូលផ្តុំ) និង 1200dpi (ការពង្រីក)។ វាអាចប្រើប្រាស់បានច្រើនជាងមួយទម្រង់ (Mode) ទៅលើរូបភាពមួយឈុតនោះ។ សម្រាប់ម៉ាស៊ីនស្កេននេះ ក៏អាចធ្វើការស្កេនឯកសារជាមួយនឹង OCR ផងដែរ។ ម៉ាស៊ីននេះ ក៏ធ្វើការតភ្ជាប់ជាមួយនឹងប្រព័ន្ធ wireless connectivity ។
.jpg)
អ្នកប្រើប្រាស់ជាច្រើន អាចធ្វើការចែករំលែកនូវរូបភាពដែលធ្វើការស្កេនជាច្រើននេះទៅកាន់ Google Drive និង Dropbox ផងដែរ ហើយលោកអ្នកក៏អាចធ្វើការកែប្រែនូវរូបភាពដែលស្កេននេះដោយប្រើប្រាស់កម្មវិធី ScanSmart Software របស់ក្រុមហ៊ុន Epson ផងដែដែរ។ ម៉ាស៊ីន Epson FastFoto FF-680W Scanner ពេលនេះ មានដាក់លក់ហើយនៅលើវេបសាយរបស់ក្រុមហ៊ុន និងហាងលក់រាយជាច្រើន ដែលជាដៃគូសហការដែលមានដូចជាក្រុមហ៊ុន Amazon នៅក្នុងតម្លៃ ប្រហាក់ប្រហែលជា $599.99 USD ៕
