នៅទីបំផុត ស្មាតហ្វូន Honor Magic V5 អាចនឹងប្រជែងជាមួយនឹងស្មាតហ្វូនបត់បានហើយ ខណៈពេលដែលវត្តមានរបស់ស្មាតហ្វូននេះ សម្រាប់ទីផ្សារសកល គឺចំថ្ងៃនៃការប្រកាសចេញញស្មាតហ្វូន Samsung Galaxy Z Fold 7។ ក្រុមហ៊ុនបច្ចេកវិទ្យាយក្សរបស់ចិននេះ បានត្រៀមខ្លួននៅក្នុងការបង្ហាញស្មាតហ្វូនបត់បានរបស់ខ្លួននៅក្នុងប្រទេសម៉ាឡេស៊ី នាថ្ងៃទី 15 ខែកក្កដាឆ្នាំ 2025 នេះ។
កាលពីថ្ងៃទី 2 ខែកក្កដានេះ ក្រុមហ៊ុន ទ្យា Honor ទើបតែបង្ហាញស្មាតហ្វូនបត់បានស្តើងបំផុត Magic V5។ ស្មាតហ្វូនមិនត្រឹមតែស្តើងបំផុតនោះទេ ប៉ុន្តែស្មាតហ្វូននេះ ក៏មានការ upgrade ទៅលើថាមពលថ្ម បច្ចេកវិទ្យា AI អេក្រង់ និងផ្នែកជាច្រើនទៀតផង។ សម្រាប់ពេលនេះ ក្រុមហ៊ុន Honor ទើបតែប្រកាសអំពីកាលបរិច្ឆេទនៃការប្រកាសជាសកលទៅលើស្មាតហ្វូន Magic V5 ដើម្បីប្រជែងជាមួយនឹងស្មាតហ្វូនបត់បានរបស់ក្រុមហ៊ុន Samsung នៅថ្ងៃទី 9 ខែកក្កដានេះ ខណៈដែលស្មាតហ្វូននេះ នឹងចាប់ផ្តើមលក់នៅលើទីផ្សារពីប្រទេសម៉ាឡេស៊ី នៅថ្ងៃទី 15 ខែកក្កដា។
សម្រាប់ក្រុមហ៊ុន Honor នៅចក្រភពអង់គ្លេស និងអាល្លឺម៉ង់ក៏ត្រៀមបញ្ចេញនូវស្មាតហ្វូនបត់បានថ្មីនេះផងដែរ។ អតិថិជនដែលចាប់អារម្មណ៍ទិញស្មាតហ្វូននេះ អាចកក់ទិញនៅលើវេបសាយផ្លូវការរបស់ក្រុមហ៊ុនបានផងដែរ។ ខណៈពេលដែលស្មាតហ្វូនបត់បាន Galaxy Z Fold 7 ជិតបង្ហាញខ្លួនជាផ្លូវការហើយនោះ វត្តមានរបស់ស្មាតហ្វូន Magic V5 នេះ ពិតជាក្លាយជាគូប្រជែងដ៏ពិតប្រាកដរបស់ស្មាតហ្វូននេះ ទៅលើភាពស្តើង និងថាមពលថ្មនៅលើស្មាតហ្វូននេះ។
ស្មាតហ្វូនបត់បាន Samsung Galaxy Z Fold 7 នេះ នឹងមានកម្រាស់ 4.2mm នៅពេលដែលបើក ហើយនិងមានការបំពាក់នូវថាមពលថ្មទំហំ 6100mAh ជាមួយនឹងបន្ទះឈីប Snapdragon 8 Elite រ៉េម 16GB អង្គចងចាំ 1TB។ សម្រាប់ទីផ្សារសកល ស្មាតហ្វូននេះ នឹងមានថាមពលថ្មទំហំ 5820mAh។ ស្មាតហ្វូនបត់បាន Honor Magic V5 នឹងបំពាក់នូវបច្ចេកវិទ្យា AI និងបច្ចេកវិទ្យាកាមេរ៉ាឆ្លាតវៃជាច្រើនទៀត។ ស្មាតហ្វូននេះ ក៏អាចនឹងមានការ upgrade ទៅលើ Eagle Eye និងគន្លឹះកម្រិតខ្ពស់ដើម្បីធន់ទៅនឹងការប្រើប្រាស់ផងដែរ៕
