Samsung Galaxy S9 និង Galaxy S9+ ទំហំ 128GB ទើបតែបង្ហាញខ្លួនស្ងាត់ៗ នៅលើទីផ្សាររបស់ប្រទេសឥណ្ឌា។ ស្មាតហ្វូនស៊េរីថ្មីត្រកូល Galaxy S9 នេះ បានបង្ហាញខ្លួននៅក្នុងប្រទេសនេះ ជាមួយនឹងទំហំ 64GB និង 256GB ហើយក៏ទើបតែនឹងប្រកាសលក់នៅក្នុងហាងលក់រាយជាច្រើននៅក្នុងសប្តាហ៍នេះផងដែរ។ ពេលនេះ ស្មាតហ្វូន Galaxy S9 និងGalaxy S9+ ទំហំ 128GB ក៏បានចុះបញ្ជីនៅលើ Flipkart ឬ Amazon ផងដែរ។
យោងតាមប្រភពនេះ ស្មាតហ្វូន Galaxy S9 128GB ដាក់លក់នៅក្នុងតម្លៃ Rs. 61,900 ស្របពេលដែលស្មាតហ្វូន Galaxy S9+ ដាក់លក់នៅក្នុងតម្លៃ Rs. 68,900។ សម្រាប់ស្មាតហ្វូន Galaxy S9 ដែលមានទំហំ 64GB និង 128GB គឺមានតម្លៃ Rs. 57,900 និង Rs. 65,900 ខណៈពេលដែលស្មាតហ្វូន Galaxy S9+ ដែលមានទំហំ 64GB និង 128GB គឺមានតម្លៃ Rs. 64,900 និង Rs. 72,900 ។
ស្មាតហ្វូន Samsung Galaxy S9 and Galaxy S9+ ផ្តល់នូវមុខងារ AR Emoji ដែលអាចប្រើប្រើប្រាស់ជាមួយនឹង Keyboard App ទៅកាន់ Apps ហើយវាក៏ប្រើប្រាស់នូវ Bixby Vision នៅក្នុងកម្មវិធីកាមេរ៉ាផងដែរ។ ស្មាតហ្វូន Galaxy S9 ទាំងពីរម៉ូដែលនេះប្រើប្រាស់នូវ Dual Speakers របស់ក្រុមហ៊ុន AKG Acoustics និង Dolby Atmos Surround Sound ផងដែរ។ វាអាចធ្វើការថតវីដេអូនៅក្នុងកម្រិត 960fps ជាមួយនឹង f/1.5-f/2.4 ផងដែរ។
ស្មាតហ្វូន Samsung Galaxy S9 និង Galaxy S9+ ប្រើប្រាស់នូវបន្ទះឈីប Samsung Exynos 9810 SoC នៅក្នុងប្រទេសឥណ្ឌា។ ស្មាតហ្វូននេះប្រើប្រាស់នូវប្រព័ន្ធប្រតិបត្តិការ Android Oreo និង IP68 ហើយវាមានការតភ្ជាប់ដូចជា Gigabit LTE, dual-band Wi-Fi 802.11ac, USB Type-C, Bluetooth 5.0 និងរន្ធដោតកាសស្តាប់ 3.5mm headphone jack ។ ស្មាតហ្វូននេះមានរន្ធដោត microSD ទំហំ 400GB ផងដែរ។
ស្មាតហ្វូន Samsung Galaxy S9 ប្រើប្រាស់នូវ 5.8-inch QHD+ Curved Super AMOLED 18.5:9 display រ៉េមទំហំ 4GB ថាមពលថ្ម 3000mAh និងកាមេរ៉ា Super Speed Dual Pixel 12-megapixel autofocus f/1.5-f/2.4 sensor ជាមួយនឹងមុខងារ OIS ។ វាមានវិមាត្រ 147.7x68.7x8.5mm និងទំងន់ 163 ក្រាម។
ស្មាតហ្វូន Samsung Galaxy S9+ មានអេក្រង់ 6.2-inch QHD+ Curved Super AMOLED 18.5:9 display រ៉េមទំហំ 6GB ថាមពលថ្ម 3500mAh ប្រព័ន្ធកាមេរ៉ាភ្លោះភ្ជាប់ជាមួយនឹងមុខងារ OIS និងមានកាមេរ៉ា Super Speed Dual Pixel 12-megapixel autofocus f/1.5-f/2.4 sensor (Wide-angle) និង telephoto lens ដែលមានកម្រិត 12-megapixel autofocus f/2.4 sensor ។ ស្មាតហ្វូននេះមានវិមាត្រ 158.1x73.8x8.5mm និងទំងន់ 189 ក្រាមនោះ៕
