ពេលនេះ តម្លៃរបស់ស្មាតហ្វូន Galaxy S20, S20+ និង S20 Ultra បានបែកធ្លាយហើយ។ ដូចអ្វីដែលអ្នកបានរំពឹងទុកនោះ តម្លៃរបស់ស្មាតហ្វូនទាំងនេះ គឺមានតម្លៃខ្ពស់ជាងស្មាតហ្វូនកាលពីឆ្នាំមុននេះ។ នេះ គឺដោយសារតែស្មាតហ្វូននេះ នឹងដំណើរការជាមួយនឹងបច្ចេកវិទ្យា 5G ។ ម្យ៉ាងវិញទៀតនោះ ស្មាតហ្វូនដែលអាចបត់បាន Z Flip នឹងមានតម្លៃថោកជាងស្មាតហ្វូន Galaxy Fold ។ នៅក្នុងរយៈពេល 3 សប្តាហ៍ខាងមុខទៀតនេះ ក្រុមហ៊ុន Samsung នឹងប្រកាសចេញនូវស្មាតហ្វូនស៊េរីថ្មីរបស់ខ្លួនត្រកូល Galaxy S ហើយ។
ស្មាតហ្វូនថ្មីនេះ នឹងមានឈ្មោះហៅថា ស្មាតហ្វូន Galaxy S20 នៅក្នុងឆ្នាំនេះមិនមែនជាស្មាតហ្វូន S11 នោះទេ។ សម្រាប់ស្មាតហ្វូនម៉ូឌែលនេះ ក៏មានការទម្លាយជាច្រើនកាលពីប៉ុន្មានសប្តាហ៍មុននេះផងដែរ។ យើងបានដឹងស្ទើរតែអ្វីគ្រប់យ៉ាងរបស់ស្មាតហ្វូន S20, S20+, S20 Ultra និង Galaxy Z Flip ។ វាគឺជាស្មាតហ្វូនដែលអាចបត់បានស៊េរីថ្មីរបស់ក្រុមហ៊ុនបច្ចេកវិទ្យាSamsung ដែលក្រុមហ៊ុនធ្លាប់ប្រកាសបង្ហាញជាច្រើនលើកមកហើយនៅលើអនឡាញនោះ។ អ្វីដែលនៅមិនទាន់ដឹងនោះគឺទៅលើតម្លៃរបស់ស្មាតហ្វូនទាំងនេះ។តម្លៃរបស់ស្មាតហ្វូន GALAXY S20 គឺថ្លៃជាងមុនបន្តិច នៅពេលនេះ យើងអាចដឹងអំពីតម្លៃរបស់ស្មាតហ្វូន S20 ។ តម្លៃរបស់ស្មាតហ្វូនទាំងនេះគឺ៖
S20 5G: €900-1000
S20+ 5G: €1050-1100
S20 Ultra 5G: €1300
ស្មាតហ្វូនGalaxy Z Flip នឹងមានតម្លៃប្រហែលជា €1400 ប៉ុន្តែវាអាចនឹងមានការប្រែប្រួលនៅពេលដែលប្រកាសជាផ្លូវការនោះ Max Weinbach (@MaxWinebach) ថ្ងៃទី 20 ខែមករា ឆ្នាំ 2020។
យោងតាមពាក្យចចាមអារ៉ាមថ្មីៗជាច្រើន ពេលនេះ បានបង្ហាញអំពីតម្លៃរបស់ស្មាតហ្វូននេះជាអ៊ឺរ៉ូ។ វាមានការទម្លាយចេញពី Max Weinbach ដែលជា Editor ដ៏ល្បីឈ្មោះរបស់ XDA-Developers ហើយអាចជាប្រភពដែលអាចជឿជាក់បានថែមទៀតផង។ តាមការបញ្ជាក់របស់គាត់នោះ ស្មាតហ្វូន S20 5G នឹងមានតម្លៃនៅចន្លោះ 900€ ($999) និង 1,000€ ($1,100) ។សម្រាប់ស្មាតហ្វូន S20 នេះគឺសម្រាប់ជំនួសទៅលើ S10e ដែលមានតម្លៃ €759 ($850) នៅពេលដែលវាបង្ហាញខ្លួនជាផ្លូវការ។ ស្មាតហ្វូន S20+ នេះនឹងមានតម្លៃចន្លោះពី €1,050 (1,150$) និង €1,100 ($1,200) ខណៈពេលដែលស្មាតហ្វូន S20 Ultra 5G នឹងមានតម្លៃ €1,300($1,450) ។ សម្រាប់ស្មាតហ្វូន Galaxy Z Flip វិញនោះ នឹងដាក់លក់នៅក្នុងតម្លៃ €1400 ($1550) ដែលមានតម្លៃថោកជាងស្មាតហ្វូន Galaxy Fold ដែលមានតម្លៃខ្ទង់ €2,000 ($2,400) នៅពេលដែលវាដាក់លក់នៅលើទីផ្សារនោះ។ អ្វីគ្រប់យ៉ាងនឹងបង្ហាញខ្លួននៅថ្ងៃទី 11 ខែកុម្ភៈខាងមុខនេះ៕