ក្រុមហ៊ុន OPPO ទើបតែ បង្ហាញនូវស្មាតហ្វូនស៊េរីថ្មី OPPO A9x ដែលជាប្រភេទស្មាតហ្វូនថ្នាក់កណ្តាលរបស់ខ្លួននៅក្នុងប្រទេសចិននៅក្នុងខែឧសភាកន្លងទោនេះ ដែលនេះគឺជាប្រភេទ Version ខ្ពស់ជាងស្មាតហ្វូន OPPO A9។ កាលនោះ ស្មាតហ្វូន A9x នេះ បានបង្ហាញខ្លួនជាមួយនឹងរ៉េមទំហំ 6GB និងម៉េមូរីទំហំ 128GB។ ប៉ុន្តែនៅពេលថ្មីៗនេះ នៅក្នុងបញ្ជីនៃស្មាតហ្វូននេះនៅលើប្រព័ន្ធទិន្នន័យរបស់ TENAA របស់ចិន ក៏ធ្វើការអាប់ដេតជាមួយនឹងរ៉េមដែលមានទំហំដល់ទៅ 8GB ផងដែរ។ ដូចនេះ វាគឺអាចទៅរួចដែលថា ឆាប់ៗនេះ ក្រុមហ៊ុន Oppo ប្រហែលជាបង្ហាញនូវរ៉េម 8GB edition សម្រាប់ស្មាតហ្វូន OPPO A9x នេះ។
ខាងក្រោមនេះ គឺជារូបភាព Screenshot ដែលបង្ហាញអំពីទំហំ 8GB edition ថ្មីរបស់ស្មាតហ្វូន OPPO A9x រួមជាមួយនឹងម៉េមូរីទំហំ 128GB ផងដែរ។ សម្រាប់ព័ត៌មាននៃលក្ខណៈសម្បត្តិផ្សេងទៀតរបស់ស្មាតហ្វូននេះ គឺដូចគ្នាទៅនឹងប្រភេទម៉ូដែល 6 GB ផងដែរ។ ស្មាតហ្វូន OPPO A9x នេះ មានអេក្រង់ full HD+ 6.53-inch IPS LCD displayជាមួយនឹង waterdrop notch ។ វាប្រើប្រាស់នូវបន្ទះឈីប Helio P70 chipset និង Color OS 6.0 ដែលផ្អែកនៅលើប្រព័ន្ធប្រតិបត្តិការ Android 9 Pie OS ។ ផ្នែកខាងក្រោយរបស់ស្មាតហ្វូននេះជាកាមេរ៉ាភ្លោះដែលមានទំហំ 48-megapixel + 5-megapixel ។ សម្រាប់កាមេរ៉ា Selfie វិញនោះ វាមានទំហំ 16-megapixel។
ស្មាតហ្វូននេះមានថាមពលថ្មទំហំ 4,020mAh និងការទ្រទ្រង់ទៅលើបច្ចេកវិទ្យាបញ្ចូលថាមពលថ្ម 20W VOOC fast charging ផងដែរ។ ស្មាតហ្វូននេះក៏មានប្រព័ន្ធស្កេនក្រយ៉ៅដៃនៅខាងក្រោយផងដែរ។ ស្មាតហ្វូននេះមានពីរពណ៌សម្រាប់ធ្វើការជ្រើសរើសនោះគឺ Meteorite Black និង Ice Jade White មានតម្លៃ $290។ បើធៀបជាមួយនឹងស្មាតហ្វូន OPPO A9x នេះ ស្មាតហ្វូន OPPO A9 បានបង្ហាញខ្លួនជាផ្លូវការនៅក្នុងខែមេសាឆ្នាំនេះ ហើយវាមានកាមេរ៉ាភ្លោះដែលមានទំហំ 16-megapixel + 5-megapixel ។ ស្មាតហ្វូននេះមានរ៉េមទំហំ 4GB-6GB ហើយវាមិនមានបច្ចេកវិទ្យាបញ្ចូលថាមពលថ្មលឿន Fast Charging នោះទេ។ សម្រាប់លក្ខណៈសម្បត្តិជាច្រើនទៀតរបស់ស្មាតហ្វូន A9 នេះគឺស្រដៀងគ្នាទៅនឹង A9X ៕