កាលពីថ្ងៃទី 13 ខែឧសភា ឆ្នាំ 2021 នេះ ក្រុមហ៊ុន Huawei បានប្រកាសជាផ្លូវការថា ខ្លួននឹងត្រៀមខ្លួនក្នុងការរៀបចំនូវសន្និសិទថ្មីមួយសម្រាប់ការបង្ហាញចេញនូវផលិតផលថ្មីរបស់ខ្លួននៅចុងខែនេះ។ នៅក្នុងព្រឹត្តិការណ៍នេះ ក្រុមហ៊ុននេះ នឹងបង្ហាញនូវផលិតផលថ្មីៗជាច្រើននៅក្រោមបដាថា “All Scenario Smart Life” ដែលនឹងធ្វើឡើងនៅថ្ងៃទី 19 ខែឧសភា ឆ្នាំ 2021 នេះនៅក្នុងប្រទេសចិន។
ព្រឹត្តិការណ៍សន្និសិទនេះ នឹងមានការប្រកាសចេញនូវផលិតផលថ្មីៗជាច្រើនរបស់ក្រុមហ៊ុនបច្ចេកវិទ្យាយក្សរបស់ចិននេះ ដែលមានដូចជាទូរទស្សន៍ កាសស្តាប់ និងនាឡិកាជាដើម។ ខណៈពេលដែលក្រុមហ៊ុននេះ នៅមិនទាន់ប្រកាសជាផ្លូវការអំពីផលិតផលដែលខ្លួននឹងបង្ហាញបង្ហាញនៅក្នុងសន្និសិទនេះ នៅពេលនេះ យើងទទួលបានដំណឹងអំពីផលិតផលជាច្រើនដែលយើងនឹងប្រកាសនៅក្នុងថ្ងៃនោះ។ បន្ថែមពីនេះក៏នូវមានផលិតផលដែលនឹងប្រកាសបង្ហាញខ្លួនផងដែរនោះគឺ Huawei Children’s Watch 4X និង Huawei Body Fat Scale 3 Pro ផងដែរ។
ជាមួយគ្នានេះ ក្រុមហ៊ុននេះ ក៏បានត្រៀមខ្លួនក្នុងការប្រកាសចេញនូវទូរទស្សន៍ថ្មីជាច្រើនដែលជាផ្នែកមួយនៃត្រកូល SE Series របស់ខ្លួនថែមទៀត ផង។ ដូច្នេះ Huawei នឹងមានផលិតផលជាច្រើនទៀតដែលនឹងបង្ហាញខ្លួននៅចុងខែនេ។ លឺថា ក្នុងនោះក៏មានវត្តមានរបស់នាឡិកា Huawei Watch3 Series ផងដែរ។ យើងបានរាយការណ៍កាលពីពេលមុននេះថា ក្រុមហ៊ុននេះ ក៏បានត្រៀមខ្លួនក្នុងការប្រកាសបង្ហាញនូវកុំព្យូទ័រ 16 inch MateBook Notebook ផងដែរ។ មកទល់ពេលនេះ នៅមិនទាន់មានព័ត៌មានអំពីផលិតផលទាំងនេះច្រើននោះទេ។ ពួកយើងនឹងរង់ចាំសម្រាប់ព័ត៌មានជាច្រើនទៀតពីក្រុមហ៊ុន Huawei ដែលនឹងបង្ហាញខ្លួននៅប៉ុន្មានថ្ងៃខាងមុខនេះ៕
