FOXCONN មានគម្រោងផែនការក្នុងការផលិតជាមួយនឹងស្លាកសញ្ញា “ផលិតនៅក្នុងប្រទេសឥណ្ឌា”

មួយរយៈចុងក្រោយនេះ គេសង្កេតឃើញថា ក្រុមហ៊ុន Apple ហាក់ដូចជាងាកចង្កូតរបស់ខ្លួននៅក្នុងប្រទេសឥណ្ឌាវិញហើយខណៈពេលដែលដៃគូរបស់ខ្លួននោះគឺក្រុមហ៊ុន Foxconn ក៏មានគម្រោងក្នុងការវិនិយោគទឹកប្រាក់ចំនួន 1 ពាន់លានដុល្លារអាមេរិកនៅក្នុងប្រទេសឥណ្ឌាផងដែរ។ ក្រុមហ៊ុនផលិតរបស់តៃវ៉ាន់នេះ ក៏នឹងធ្វើការពង្រីកនូវរោងចក្ររបស់ខ្លួននៅក្នុងតំបន់ Tamil Nadu ដែលនេះ គឺជាគម្រោងក្នុងការបង្កើនទៅលើការផលិត និងការផ្លាស់ប្តូរផលិតកម្មចេញពីប្រទេសចិនផងដែរ។

តាមការបញ្ជាក់នៅក្នុងរបាយការណ៍មួយចេញពី Reuters នោះគឺបានអោយដឹងថា គម្រោងនេះ គឺជាការផ្លាស់ប្តូរការផលិត iPhone នេះ នៅក្រៅប្រទេសចិន។ ការផ្លាស់ប្តូរនេះ គឺដោយសារតែវាមានសង្គ្រាមពាណិជ្ជកម្មជាយូររវាងអាមេរិក និងចិន។ ការវាយប្រហារដោយមេរោគកូរ៉ូណាវីរុសនោះ ក៏ធ្វើអោយស្ថានភាពកាន់តែអាក្រក់ផងដែរសម្រាប់ខ្សែសង្វាក់ផ្គត់ផ្គង់នោះ។

ប្រភពជាច្រើនបាននិយាយថា “ក្រុមហ៊ុន Apple ក៏បានស្នើសុំទៅកាន់អតិថិជនជាច្រើនរបស់ខ្លួន នៅក្នុងការផ្លាស់ប្តូរនូវផលិតកម្មនៃ iPhone នៅក្រៅប្រទេសចិនផងដែរ។” ក្រុមហ៊ុន  Foxconn គឺជាដៃគូមួយ ដែលលមានគម្រោងក្នុងការវិនិយោគទឹកប្រាក់ 1 ពាន់លានដុល្លារអាមេរិកនៅក្នុងរោងចក្ររបស់ខ្លួននៅ Sriperambudur ដែលការវិនិយោគថ្មីនេះ គឺនឹងផ្តល់នូវឱកាសការងារដល់ទៅ 6000 កន្លែងផងដែរសម្រាប់ប្រជាជននៅឥណ្ឌា៕