Samsung អាចនឹងប្រើប្រាស់នូវស្លាកសញ្ញាពាណិជ្ជកម្ម ‘Samsung Blade’ ទៅលើស្មាតហ្វូន Galaxy S21 Series មុនគេ

នៅពេលនេះ ក្រៅពីស្មាតហ្វូនដែលអាចបត់បាន ក្រុមហ៊ុន Samsung ក៏មានប៉ាតង់ និងស្លាកសញ្ញាពាណិជ្ជកម្មទៅលើស្មាតហ្វូនធម្មតាផងដែរ។ កាលពីសប្តាហ៍មុននេះ ក្រុមហ៊ុន Samsung Display គឺមានស្លាកសញ្ញាពាណិជ្ជកម្ម “Blad Bezel”សម្រាប់ស្មាតហ្វូន កាមេរ៉ាឌីជីថល អេក្រង់វីដែអូ និងជាច្រើនទៀត។ ពេលនេះ ក្រុមហ៊ុន Samsung Electronics ក៏មានស្លាកសញ្ញាពាណិជ្ជកម្មហៅថា  ‘Samsung Bade’ ផងដែរ។

កាលពីសប្តាហ៍មុននេះ  ស្លាកសញ្ញាពាណិជ្ជកម្មរបស់ក្រុមហ៊ុន Samsung នៅក្នុងសប្តាហ៍នេះ គឺមានការទម្លាយដោយ LetsGoDigital ។ តាមការចុះផ្សាយនេះ ក្រុមហ៊ុនបច្ចេកវិទ្យា Samsung Electronics ក៏ស្នើសុំទៅលើឈ្មោះហៅថា  ‘Samsung Blade’ ទៅកាន់ស្ថាប័ន EUIPO (European Union Intellectual Property Office នៅក្នុងក្រុម Class 9 ផងដែរ។

សម្រាប់ការពិពណ៌នាទៅលើស្លាកសញ្ញាពាណិជ្ជកម្មនេះគឺមានដូចជា៖

•Display panel

•Flat-panel display screens

•Displays for smartphones

•OLED (Organic light-emitting diode) display panels

•Touch screens

ប្រភពដដែលបញ្ជាក់ថា សម្រាប់ស្លាកសញ្ញាពាណិជ្ជកម្ម ‘Samsung Blade’ នេះ គឺមានការបង្ហាញថា ក្រុមហ៊ុនបច្ចេកវិទ្យាយក្សរបស់កូរ៉េខាងត្បូងនេះប្រហែលជាប្រើប្រាស់នូវឈ្មោះនេះសម្រាប់ស្មាតហ្វូន Galaxy S21 series ជាពិសេសសម្រាប់ស្មាតហ្វូន Galaxy S21 និង Galaxy S21+ ដែលនឹងមានអេក្រង់រាបស្មើជាជាងអេក្រង់គែមកោង។ ស្មាតហ្វូន Galaxy S21 series នេះនឹងបង្ហាញខ្លួននៅក្នុងខែមករាខាងមុខនេះ៕