ក្រុមហ៊ុន vivo បានបញ្ជាក់ផ្លូវការណ៍នៅថ្ងៃដែលត្រូវប្រកាសចេញស្មាតហ្វូនជំនាន់ថ្មី vivo S15 និង S15 Pro រួមនឹងកាសស្តាប់ឥតខ្សែ vivo TWS Air គឺនៅថ្ងៃទី 19 ខែឧសភា សប្តាហ៍ក្រោយនេះវេលាម៉ោង 7 PM (Local Time)។ ហើយនៅក្នុងព្រឹត្តិការណ៍នោះ vivo ក៏អាចនឹងបញ្ចេញពណ៌ថ្មីរបស់ vivo Pad និង vivo Watch 2 ផងដែរ។
សម្រាប់ស្មាតហ្វូនជំនាន់ថ្មី vivo S15 និង S15 Pro ត្រូវបានស្ថាប័ន TENAA និង 3C ក្នុងប្រទេសចិនបានបញ្ជាក់ថាមានលេខកូដម៉ូដែល V2199A និង V2203A។ នៅលើបញ្ចីស្ថាប័ន TENAA បានបញ្ជាក់ថា vivo S15 គឺមានអេក្រង់ទំហំ 6.62 អ៊ីញ OLED FHD+, បំពាក់បន្ទះឈីប Qualcomm Snapdragon 870 និងមានថ្មទំហំ 4,500mAh។
ស្មាតហ្វូនជំនាន់ថ្មីនេះ នឹងមានកាមេរ៉ាក្រោយចំនួន 3 គ្រាប់ដែលនឹងមានភ្ជាប់ប្រើដោយសែនស័រមេទំហំ 64GB រួមជាមួយ Ultra-wide ទំហំ 8MP និង macro/depth sensor ទំហំ 2MP។ រីឯកាមេរ៉ាមុខទុកសម្រាប់សែលហ្វីវិញ អាចនឹងមានទំហំ 16MP។
ដោយឡែកសម្រាប់ម៉ូដែល vivo S15 Pro វិញ នឹងមានអេក្រង់ទំហំ 6.56 អ៊ីញ OLED FHD+ 120Hz ហើយអាចនឹងមានបំពាក់ឈីបអេក្រង់ផ្ទាល់ខ្លួនដែលភ្ជាប់នៅលើបន្ទះឈីប MediaTek Dimensity 8100 SoC រួមជាមួយថ្មទំហំ 4,500mAh គាំទ្របច្ចេកវិទ្យាសាកភ្លើងកំលាំង 80W fast Charging និងមានកាមេរ៉ាក្រោយ 3 គ្រាប់ភ្ជាប់ប្រើដោយសែនស័រមេទំហំ 50MP។ ស្មាតហ្វូនជំនាន់ថ្មីទាំងពីរនាក់បងប្អូននេះ នឹងដំឡើងមកជាមួយ Android 12 និងស្រោបដោយផ្ទៃកម្មវិធី OriginOS Ocean UI ចេញពីប្រអប់ស្រាប់៕
