ក្រុមហ៊ុន Apple ទើបតែបង្ហាញនូវស្មាតហ្វូន iPhone ចំនួន 4 ម៉ូដែលដូចគ្នាទៅនឹងស្មាតហ្វូនជំនាន់មុន iPhone 12 Series ផងដែរ។ ខណៈពេលដែលស្មាតហ្វូន iPhone បំពាក់នូវមុខងារថ្មីៗជាច្រើនក៏ដោយ សម្រាប់ស្មាតហ្វូន iPhone 13 Pro និង iPhone 13 Pro Max វិញនោះ គឺមានការពង្រឹងទៅលើអេក្រង់ដែលមានកម្រិត Refresh Rate ខ្ពស់ក្នុងការប្រើប្រាស់ផងដែរ។
ស្មាតហ្វូន iPhone 13 Pro ថ្មីនេះមានអេក្រង់ប្រភេទ 120Hz ProMotion ដែលអាចធ្វើការកែប្រែកម្រិតអេក្រង់ពី 10Hz និង 120Hz ប៉ុន្តែអេក្រង់របស់ស្មាតហ្វូនទាំងនេះគឺមិនមានការផ្លាស់ប្តូរនោះទេ។ ស្មាតហ្វូន iPhone 13 Pro មានអេក្រង់ទំហំ 6.1-inch Super Retina XDR ខណៈពេលដែលស្មាតហ្វូន iPhone 13 Pro Max មានអេក្រង់ 6.7 អ៊ីង។ ដូចគ្នាទៅនឹងស្មាតហ្វូន iPhone 13 និង iPhone 13 Mini ដែរ ស្មាតហ្វូនប្រភេទ Pro នេះមាន Notch តូចជាងមុន។ វាការពារដោយកញ្ចក់ប្រភេទ Ceramic Shield ដែលក្រុមហ៊ុន Apple អះអាងថា ពិតជារឹងមាំក្នុងការប្រើប្រាស់មែនទែន។
ស្មាតហ្វូនទាំងពីរនេះប្រើប្រាស់នូវបន្ទះឈីប Apple A15 Bionic chipset ។ ស្មាតហ្វូន iPhone 13 Pro និង iPhone 13 Pro Max ប្រើប្រាស់នូវកាមេរ៉ាថ្មី 12MP f/1.8 ultrawide angle ជាមួយនឹងកម្រិត 120° field of view ។ វាអាចថតវីដេអូបានច្បាស់ជាងមុនដល់ទៅ 92% នៅក្នុងទម្រង់ slow motion និង time-lapse mode ។ ស្មាតហ្វូននេះមានកាមេរ៉ា 12MP f/2.8 telephoto ដែលមាន 3x optical zoom និង 15x digital zoom ។ វាក៏មាន 12MP f/1.5 wide ផងដែរ។ ក្រុមហ៊ុន Apple ក៏បន្ថែមនូវមុខងារ Cinematic Mode សម្រាប់ការថតវីដេអូថ្មីនៅលើស្មាតហ្វូននេះផងដែរ។ មុខងារថ្មីមួយទៀតដែលគួរអោយចាប់អារម្មណ៍នោះគឺ Photographic Styles ដែលអ្នកអាចថតស្ទាយ៍ជាច្រើនតាមចិត្តបាន។
ស្មាតហ្វូន iPhone 13 Pro មានថាមពលថ្មប្រើប្រាស់បានយូរជាងមុន 2.5 ម៉ោង ខណៈពេលដែលស្មាតហ្វូន iPhone 13 Pro Max មានថាមពលថ្មដែលប្រើប្រាស់បានយូរជាងមុន 1.5 ម៉ោងផងដែរ។ ស្មាតហ្វូននេះទ្រទ្រង់នូវ Wired charging 20W និង MagSafe wireless charging 15W ។ វាក៏ទ្រទ្រង់នូវបច្ចេកវិទ្យាសាកថ្ម Qi wireless charger 7.5W ផងដែរ។
ស្មាតហ្វូន iPhone 13 Pro នេះមានពណ៌ Sierra Blue, Silver, Gold និង Graphite ។ ស្មាតហ្វូននេះមានទំហំ 128GB, 256GB, 512GB និង 1TB ។ នេះគឺជាតម្លៃរបស់ស្មាតហ្វូននេះ៖
ស្មាតហ្វូននេះអាចធ្វើការ Pre-order បានចាប់ពីថ្ងៃសុក្រនេះ ហើយវាអាចរកទិញបាននៅថ្ងៃទី 24 ខែកញ្ញានេះ៕