ទូរទស្សន៍ Samsung Neo QLED និង QD-OLED TVs អាចធ្វើការ Pre-Order នៅក្នុងប្រទេសកូរ៉េបានហើយ!

កាលពីខែមុននេះ ក្រុមហ៊ុន Samsung បានប្រកាសចេញនូវទូរទស្សន៍ឆ្លាតវៃឆ្នាំ 2023 របស់ខ្លួន នៅក្នុងព្រឹត្តិការណ៍ CES 2023 ដែលរៀបចំឡើងទីក្រុងឡាសវេហ្កាសសហរដ្ឋអាមេរិក។ នៅពេលនេះ ទូរទស្សន៍ត្រកូល Neo QLED និង QD-OLED អាចធ្វើការ Pre-Order បានហើយសម្រាប់អតិថិជនដែលរស់នៅក្នុងប្រទេសកូរ៉េខាងត្បូង ហើយសម្រាប់កាលបរិច្ឆេទនៃការលក់ទូរទស្សន៍នេះនៅក្នុងប្រទេសនេះ គឺនឹងចាប់ពីថ្ងៃទី 9 ខែមីនាឆ្នាំ 2023 ខាងមុខនេះហើយ។ 

នៅក្នុងអំឡុងពេលនៃការ Pre-Order នេះ អតិថិជនជាច្រើននឹងទទួលបាននូវការបញ្ចុះតម្លៃ និងអត្ថប្រយោជន៍ជាច្រើននៅពេលដែលពួកគេទិញទូរទស្សន៍ Neo QLED ឬ QD-OLED TV ថ្មីនេះ ចេញពីក្រុមហ៊ុន Samsung ។ ចាប់ពីថ្ងៃនេះ អតិថិជនជាច្រើននៅក្នុងប្រទេសកូរ៉េខាងត្បូងអាចធ្វើការ Pre-Order ទៅលើទូរទស្សន៍ 4K Neo QLED, 8K Neo QLED TVs និង 4K QD-OLED TVs ចេញពីវេបសាយ Samsung.com បានហើយ។ 

សម្រាប់ទូរទស្សន៍ QN700C 8K QLED TV គឺមានទំហំ 65-អ៊ីង និង 75-អ៊ីង ខណៈពេលដែលទូរទស្សន៍  QNC85 4K Neo QLED TV គឺមានទំហំ 55-អ៊ីង, 65-អ៊ីង, 75-អ៊ីងនិង 85-អ៊ីង។ ទូរទស្សន៍ QNC90 4K Neo QLED TV នេះអាចធ្វើការ Pre-Order បានសម្រាប់ទំហំ 48-អ៊ីងនិង  55-អ៊ីង ។ ទូរទស្សន៍  SC95 QD-OLED TV គឺមានទំហំ 55-inch, 65-inch និង 77-inch ។

នេះគឺជាតម្លៃរបស់ទូរទស្សន៍ Neo QLED និង  QD-OLED TVs សម្រាប់ឆ្នាំ 2023 នៅក្នុងប្រទេសកូរ៉េខាងត្បូង

ទូរទស្សន៍ 8K Neo QLED TVs

•75-អ៊ីង QNC900: KRW 12.8 million (ប្រហែលជា $9,867)

•85-អ៊ីង QNC900: KRW 15.7 million (ប្រហែលជា $12,103)

ទូរទស្សន៍ 4K Neo QLED TVs

•75-អ៊ីង QNC95: KRW 8.09 million (ប្រហែលជា $6,236)

•85-អ៊ីង QNC95: KRW 9.49 million (ប្រហែលជា $7,315)

ទូរទស្សន៍ QD-OLED TVs

•55-អ៊ីង SC95: KRW 3.09 million (ប្រហែលជា $2,382)

•65-អ៊ីង SC95: KRW 5.29 million (ប្រហែលជា $4,078)

•77-អ៊ីង SC95: KRW 7.99 million (ប្រហែលជា $6,159)