Apple Pay នឹងអាចដំណើរការនៅលើកម្មវិធី Browser ដូចជា Chrome, Edge និង Firefox សម្រាប់កំនែប្រែ iOS16 beta 4

កម្មវិធី Apple Pay អាចនឹងដំណើរការបានជាមួយនឹង Internet Brower ផ្សេងក្រៅពី Saferi ដូចជា Google Chrome, Microsoft Edge និង Mozilla Firefox ជាដើម នៅលើកំនែប្រែ iOS16 beta 4 នេះបើតាមការបង្ហោះខ្លឹមសារនៅលើគណនី Twitter របស់លោក Steve Moser មកពីបណ្តាញសារព័ត៌មាន MacRummor។ បើតាមរូបភាព Screenshot ដែលបង្ហាញនៅលើគណនី Tweet របស់លោក Moser បានបង្ហាញឲ្យឃើញពាក្យថា “Continue with Apple Pay” ដែលដំណើរការនៅលើ Page របស់កម្មវិធី Microsoft Edge។

សូមបញ្ជាក់ថា Apple Pay ដែលជាសេវាកម្មកម្មវិធីទូទាត់សាច់ប្រាក់ឌីជីថលដ៏ពេញនិយម និងមានសុវត្ថិភាពខ្ពស់បំផុតនៅទីផ្សារមួយចំនួនក្នុងតំបន់អឺរ៉ុប គឺអាចដំណើរការតែជាមួយកម្មវិធី Saferi ដែលនៅលើផលិតផលរបស់ក្រុមហ៊ុន Apple ដែលដំណើរការដោយ iOS15 ឬទាបជាងហ្នឹង និងបានការពារសុវត្ថិភាពខ្ពស់មិនឲ្យអ្នកប្រាស់អចដំណើរការប្រើប្រាស់ជាមួយ Browser ផ្សេងបានឡើយនៅពេលដោយចង់ធ្វើការទូទាត់ប្រាក់នៅពេលធ្វើការទិញទំនិញអនឡាញ។

ទោះជាយ៉ាងណាលោក Moser មិនបានបង្ហាញទាក់ទងនឹង Apple Pay ដំណើរការនៅលើកម្មវិធី Firefox នោះទេ ប៉ុន្តែ គេបានកត់សំគាល់ឃើញថា ការបង្ហោះនៅលើបណ្តាញ Reddit កាលពីដើមខែនេះដែលបានបង្ហាញពីជម្រើសក្នុងការបង់ប្រាក់ជាមួយ Apple Pay នៅក្នុង iOS 16 beta 2 ដែលដំណើរការនៅលើ Firefox។  រីអ្នកប្រើប្រាស់ម្នាក់ទៀតបានប្រើឧបករណ៍ដែលដំណើរការដោយ iOS 16 beta 3 និយាយថា ពួកគេមានជម្រើសក្នុងការបង់ប្រាក់ជាមួយ Apple Pay នៅលើ Firefox ផងដែរ។ 

យើងមិនប្រាកដថា តើ Apple ចាប់ផ្តើមពង្រីកការប្រើប្រាស់កម្មវិធី Apple Pay ឲ្យគាំទ្រដំណើរការនៅលើ Internet browser ផ្សេងក្រៅពី Saferi របស់ខ្លួន ដែរ ឬអត់ទេ។ ព្រោះថា មិនទាន់មានការជូនដំណឹងណាមួយពីក្រុមហ៊ុន Apple នៅឡើយទេសម្រាប់ការវិវត្តន៍ថ្មីនៃការប្រើប្រាស់ Apple Pay។ ប៉ុន្តែការផ្លាស់ប្តូរចិត្តរបស់ Apple នៅលើការប្រើប្រាស់ផលិតផល iOS ប្រហែលជាទាក់ទងទៅនឹងផែនការរបស់សហភាពអឺរ៉ុបក្នុងការបង្ក្រាបការអនុវត្តប្រឆាំងនឹងការប្រកួតប្រជែងក្នុងទីផ្សារបច្ចេកវិទ្យាដ៏ធំរបស់សកលលោក។ ដោយច្បាប់ទីផ្សារឌីជីថល ឬ Digital Markets ត្រូវបានកំណត់ឱ្យចូលជាធរមាននៅនិទាឃរដូវក្នុងឆ្នាំ 2023 ហើយច្បាប់ថ្មីនេះ នឹងកំនត់ឲ្យធ្វើការកែប្រែច្បាស់ចំនួនលើក្រុមហ៊ុនធំៗដូចជា Apple, Meta និង Google ជាដើម ដើម្បីធ្វើការលើកកម្ពស់ការប្រកួតប្រជែងដល់ក្រុមហ៊ុនបច្ចេកវិទ្យាដែលទើបបង្កើតថ្មីៗ៕