Samsung បានបញ្ចប់ការអាប់ដេត Android នៅលើ Galaxy Fold ស្មាតហ្វូនបត់បានជំនាន់ដំបូងរបស់ខ្លួនហើយ

Samsung គឺជាក្រុមហ៊ុនម៉ាកយីហោមួយនៅក្នុងចំនោមម៉ាកយីហោក្រុមហ៊ុនជាច្រើន ដែលបានប្រកាសចេញនូវស្មាតហ្វូនដែលមានអេក្រង់អាចបត់បាន ហើយនិងបានចេញលក់នៅលើទីផ្សារជុំវិញពិភពលោករួចហើយ។ នារយៈពេល 3 ឆ្នាំកន្លងទៅនេះ ស្មាតហ្វូន Samsung Galaxy Fold ស្មាតហ្វូនដែលមានអេក្រង់អាចបត់បានដំបូងបំផុតរបស់ក្រុមហ៊ុនកូរ៉ខាងត្បូង ដែលបានបង្ហាញខ្លួន ហើយពេលនេះ ស្មាតហ្វូននេះ ក៏ដល់ពេលដែលលែងទទួលបាននូវការអាប់ដេត Android OS ទៀតហើយ។

សូមជំរាបថា មុនពេលនៃបង្ហាញវត្តមានរបស់ស្មាតហ្វូនដែលមានអេក្រង់អាចបត់បាន Galaxy Fold នេះ គឺមានការពន្យារពេលជាច្រើនលើកទាំរាំពេលនៃបង្ហាញខ្លួនជាផ្លូវការ ហើយកាលពីដំបូងវាប្រើប្រាស់នូវប្រព័ន្ធប្រតិបត្តិការ Android 9 Pie នៅក្នុងឆ្នាំ 2019។ ប៉ុន្តែចាប់ពីពេលនោះមក ក្រុមហ៊ុនបច្ចេកវិទ្យាយក្សរបស់កូរ៉េខាងត្បូងនោះ ក៏បានធ្វើការអាប់ដេតជាបន្តបន្ទាប់ ហើយស្មាតហ្វូនបត់បានដំបូងបំផុតរបស់ក្រុមហ៊ុននេះគឺប្រើប្រាស់នូវប្រព័ន្ធប្រតិបត្តិការ Android 12 OS ។ នេះមានន័យថា ស្មាតហ្វូននេះ នឹងមិនទទួលបាននូវការអាប់ដេតទៅកាន់ Android 13 OS ផ្អែកនៅលើ  One UI 5.0 នោះទេ។

គួរបញ្ជាក់ផងដែរថា ក្រុមហ៊ុន Samsung គឺតែងតែផ្តល់នូវការអាប់ដេត OS រយៈពេល 3 ឆ្នាំដើម្បីធ្វើការ patch ទៅលើចន្លោះប្រហោងនានាដែលកើតមាននៅលើស្មាតហ្វូនរបស់ខ្លួន។ សម្រាប់វត្តមានរបស់ស្មាតហ្វូន Glaxy Z Fold និង Galaxy Z Flip វិញ គឺបានបង្ហាញខ្លួននៅក្នុងឆ្នាំ 2021 និង 2022 ដូច្នេះ ស្មាតហ្វូនទាំងនេះ អាចនឹងអាប់ដេតទៅកាន់  Android 14  នៅឆ្នាំក្រោយនេះ៕