នៅថ្ងៃនេះ OPPO Reno 9 Pro+ ត្រូវបានប្រកាសសម្ពោធជាផ្លូវការណ៌នៅក្នុងប្រទេសចិនហើយ។ ស្មាតហ្វូននេះ បានបង្ហាញខ្លួនជាមួយនិងសមាជិកពីរទៀតគឺ Reno 9 និង Reno 9 Pro ដែលប្រើប្រាស់នូវបន្ទះឈីប Snapdragon 778G និង Dimensity 8100 ខណៈដែលស្មាតហ្វូន Reno 9 Pro+ គឺប្រើប្រាស់បន្ទះឈីប Snapdragon 8 Plus Gen 1 ហើយស្មាតហ្វូននេះ ក៏ម៉ូដែលដំបូងបំផុតនៃត្រកូល Reno-series ផងដែរ ដែលត្រូវបានក្រុមហ៊ុនដាក់អោយប្រើប្រាស់នូវមុខងារទប់លំនឹង Optical Image Stabilization (OIS)។ ខាងក្រោមនេះគឺជាលក្ខណៈសម្បត្តិរបស់ Reno 9 Pro+។
OPPO Reno 9 Pro+ មានអេក្រង់ទំហំ 6.7-អ៊ីងប្រភេទកញ្ចក់ AMOLED display បង្ហាញចេញបានកម្រិត Full HD+ និងមានល្បឿន 120Hz refresh rate ហើយនិងមានកម្រិតនៃការឆ្លើយតប 240Hz touch sampling rate ព្រមទាំងមានការគាំទ្រដោយកម្រិត2160Hz PWM dimming ថែមទៀត។ អេក្រង់នេះ គឺប្រភេទអេក្រង់កោង និងមានរន្ធនៅចំកណ្តាលអេក្រង់ ដូចគ្នាជាមួយនិងអេក្រង់របស់ស្មាតហ្វូន Reno 9 និង Reno 9 Pro អញ្ចឹងដែរ។
ស្មាតហ្វូន Reno 9 Pro+ មានកាមេរ៉ាមុខទំហំ 32-Megapixel (Sony IMX709) និងមានមុខងារ Autofocus ថែមទៀតផង។ សម្រាប់កាមេរ៉ាក្រោយរបស់ស្មាតហ្វូននេះ គឺមាន 3 គ្រាប់ ដោយកាមេរ៉ាគោលគឺមានទំហំ 50-Megapixel (OIS) (Sony IMX890) និងគ្រាប់ទីពីរមានទំហំ 8-Megapixel ultra-wide ខណៈដែលគ្រាប់ទីបីមានទំហំ 2-Megapixel mono។ នៅក្បែរកាមេរ៉ានេះក៏មាន LED flash មួយគ្រាប់ផងដែរ។ ស្មាតហ្វូន Reno 9 Pro+ ត្រូវបានក្រុមហ៊ុនតម្លើងមកជាមួយនូវបន្ទះឈីប MariSilicon សម្រាប់ជាជំនួយដល់លារផលិតរូបភាពអោយបានកាន់តែច្បាស់ និងអាចបន្ថែមពន្លឺនៅពេលដែលថត low-light ថែមទៀតផង។ ស្មាតហ្វូននេះអាចផលិតវីដេអូវបានកម្រិត 4K@60fps។
Reno 9 Pro+ បំពាក់នូវបន្ទះឈីប Snapdragon 8 Plus Gen 1 រត់បានល្បឿន 2.99GHz និងមានរ៉េម 16GB LPDDR5x ហើយនិងមានអង្គចង់ចាំទំហំ 512GB UFS 3.1។ Pro+ មានថ្មទំហំ 4,700mAh គាំទ្រដោយកម្លាំងសាក 80W wired charging និង 50W wireless charging។ ស្មាតហ្វូន Reno 9 Pro+ ដំណើរការនៅលើ Android 13 ផ្អែកនៅលើ ColorOS 13។ ស្មាតហ្វូននេះមាន Dual SIM, 5G, Wi-Fi 802.11ax, Bluetooth 5.2, dual-frequency GPS, NFC, IR blaster, dual stereo speakers និង USB-C port។
Reno 9 Pro+ ចេញលក់នៅលើទីផ្សារប្រទេសេចិន ជាមួយនិងជម្រើសពីទំហំ គឺ 16GB+256GB មានតម្លៃ 3,999 Yuan (~$559) ខណៈដែល 16GB+512GB មានតម្លៃ 4,399 Yuan (~$615)។ ស្មាតហ្វូននេះមាន 3 ពណ៌ គឺពណ៌មាស និងបៃតង ហើយនិងពណ៌ខ្មៅ ហើយនិងចេញលក់ជាផ្លូវការនៅប្រទេសេចិននាថ្ងៃទី 2 ខែធ្នូខាងមុខនេះ។
