លក្ខណៈសម្បត្តិ និងតម្លៃរបស់ OnePlus Ace 3V ត្រូវបានគេទម្លាយចេញមុនការសម្ពោធជាផ្លូវការ

នៅពេលនេះ ក្រុមហ៊ុន OnePlus បានត្រៀមខ្លួនប្រកាសចេញនូវស្មាតហ្វូន OnePlus Ace 3V នៅក្នុងប្រទេសចិននាថ្ងៃនេះហើយ។ ស្មាតហ្វូននេះត្រូវបានគេរាយការណ៌ថា នឹងមានការបំពាក់នូវបច្ចេកវិទ្យាការពារទឹក និងធូលី កម្រិត IP65 ហើយនិងដំណើរការនៅលើប្រព័ន្ធប្រតិបត្តិការណ៌ Android 14 ចេញពីប្រអប់ ព្រមទាំងមានការអាប់ដែតសូហ្វែរាបានដល់ទៅ 4 ឆ្នាំទៀតផង។ 

យោងតាមការបែកធ្លាយនៅថ្ងៃនេះ ដែលបានបង្ហោះនៅលើបណ្តាញសង្គម X ដោយគណនីដែលមានឈ្មោះថា @ZionsAnvin បានបង្ហាញថា OnePlus Ace 3V នឹងមាន 3 ទំហំរួមមានទំហំ 12GB+256GB, 12GB+512GB និង 16GB+512GB។ សម្រាប់តម្លៃស្មាតហ្វូនដែលមានទំហំ 12GB+256GB អាចនឹងមានតម្លៃ ¥2299 ($320) និងទំហំ 12GB+512GB អាចនឹងមានតម្លៃ ¥2699 ($375) ខណៈដែលទំហំធំជាងគេ 16GB+512GB អាចនឹងមានតម្លៃ ¥2899 (~$400)។ 

សូមជំរាបថា កន្លងមក OnePlus បានចេញមកបបញ្ជាក់ថា ស្មាតហ្វូន Ace 3V នេះនឹងមានអេក្រង់ OLED កម្រិត 1.5K resolution និងមានគាំទ្រដោយបច្ចេកវិទ្យា 2160Hz PWM dimming ដែលជួយការពារភ្នែកថែមទៀតផង។ស្មាតហ្វូននេះ ដំណើរការនៅលើបន្ទះឈីប Qualcomm Snapdragon 7+ Gen 3 រ៉េម LPDDR5x RAM និងអង្គចងចាំទំហំ 512GB of UFS 4.0 storage។ ស្មាតហ្វូននេះ មានថ្មទំហំ 5000mAh គាំទ្រនូវកម្លាំងសាក 100W wired fast charging។