Infinix GT 20 Pro ដែលជាស្មាតហ្វូនលេងហ្គេមជំនាន់ថ្មីនោះ បានបង្ហាញខ្លួនជាផ្លូវការនៅក្នុងប្រទេសអារ៉ាប៊ីសាអូឌីតហើយ។ ដោយសារតែទទួលបាននូវភាពជោគជ័យទៅលើស្មាតហ្វូន GT 10 Pro កាលពីឆ្នាំមុននេះ ក្រុមហ៊ុននេះ បានសម្រេចធ្វើការឌីស្សាញទៅលើស្មាតហ្វូននេះ ជាមួយនិងស្ទីល Cyber Mecha ដែលមានការគាំទ្រដោយអំពូល C-shaped RGB-light ថែមទៀតផង។
ស្មាតហ្វូន Infinix GT 20 Pro ថ្មីនេះ មានការបំពាក់នូវអេក្រង់ដែលមានទំហំ 6.78-អ៊ីង AMOLED ទ្រទ្រង់ជាមួយនូវគែម bezels ស្តើង។ ក្រុមហ៊ុននេះ បានបញ្ជាក់ថា គែម bezel ខាងក្រោមរបស់ស្មាតហ្វូននេះ គឺមានកម្រាស់ 2.1mm ជាមួយនឹងកម្រិត screen-to-body ratio 94.3%។ អេក្រង់នេះ មានកម្រិត FHD+ resolution ល្បឿន 144Hz refresh rate, និងមានកម្រិត 2340Hz PWM dimming។ អេក្រង់នេះ មានពន្លឺ 1,300 nits ហើយនិងមានការទ្រទ្រង់នូវបច្ចេកវិទ្យា DCI-P3 color gamut។ អេក្រង់នេះ ក៏មានប្រព័ន្ធស្កេនក្រយ៉ៅដៃក្រោមអេក្រង់បន្ថែមនូវសុវត្ថិភាពថែមទៀតផង។
ស្មាតហ្វូន GT 20 Pro នេះមានបន្ទះឈីប Dimensity 8200 Ultimate និងមានរ៉េមទំហំ 8GB និង 12GB LPDDR5x RAM រួមនិងម៉េមូរីទំហំ 256GB UFS 3.1។ នៅលើស្មាតហ្វូននេះ ក៏មានការទ្រទ្រង់នូវបច្ចេកវិទ្យាបន្ថែមរ៉េមទំហំ 12GB virtual RAM ផងដែរ។ បន្ថែមពីនេះនៅលើស្មាតហ្វូនថ្មីនេះ ក៏មានការបំពាក់បន្ថែមនូវបន្ទះឈីបអេក្រង់ gaming display និងPixelworks X5 Turbo ដែលមានបច្ចេកវិទ្យា MEMC រួមជាមួយនិង Game Optical Optimization technology នៅក្នុងការសម្រេចបាននូវ 120fps gaming frame rates ថែមទៀតផង។
ស្មាតហ្វូន Infinix GT 20 Pro នេះ មានថាមពលថ្មទំហំ 5,000mAh និងមានភ្ជាប់នូវបច្ចេកវិទ្យាសាកកម្លាំង 45W fast charging។ ជាមួយគ្នានេះនៅលើស្មាតហ្វូននេះ ក៏មានបច្ចេកវិទ្យា PD 3.0, Hyper Charge mode និង Bypass charging ។ ស្មាតហ្វូននេះ ដំណើរការនូវប្រព័ន្ធប្រតិបត្តិការ Android 14 ជាមួយនឹង XOS 14 ហើយវាក៏អាចអាប់ដេតនូវ OS បាន 2 ឆ្នាំ និងការអាប់ដេត patch សុវត្ថិភាពបាន 3 ឆ្នាំថែមទៀតផង។ សម្រាប់បទពិសោធន៍នៃការលេងហ្គេមដ៏អស្ចារ្យនោះ ស្មាតហ្វូន GT 20 Pro នេះក៏មានបំពាក់នូវ JBL dual speakers និង x-axis linear motor ផងដែរ។ ស្មាតហ្វូន GT 20 Pro នេះមានកាមេរ៉ាទំហំ 108-Megapixel primary ជាមួយនឹង OIS, 2-megapixel ចំនួន 2 គ្រាប់ និងកាមេរ៉ាខាងមុខទំហំ 32-megapixel ។
ស្មាតហ្វូន Infinix GT 20 Pro នេះមានការបំពាក់នូវបច្ចេកវិទ្យា Wi-Fi 6, Bluetooth, GPS, NFC, IR blaster និង USB-C port ។ ស្មាតហ្វូន GT 20 Pro នេះក៏មាន IP54 សម្រាប់ការពារធូលី និងទឹកថែមទៀត។ ស្មាតហ្វូននេះ មានវិមាត្រ 164.26x75.43x8.15mm និងមានទម្ងន់ 194g។ ស្មាតហ្វូន Infinix GT 20 Pro នេះមាន 2 ទំហំគឺ 8GB+256GB និង 12GB+256GB។ ស្មាតហ្វូននេះ មានតម្លៃ SAR 1299 (~$346) នៅលើ Extra.com។ ស្មាតហ្វូននេះមាន 3 ពណ៌គឺ Mecha Silver, Mecha Blue និង Mecha Orange ៕
