នៅថ្ងៃទី 30 ខែមិថុនានេះ រថយន្ត MG5 2026 ត្រូវបានក្រុមហ៊ុនធ្វើការប្រកាសដាក់លក់ជាផ្លូវការណ៌នៅលើទីផ្សារប្រទេសចិនហើយ ដោយមាន 4 ជម្រើស និងមានតម្លៃចាប់ពី 59,900 យ៉ន់ ដល់ 69,900 យ៉ន់ ដែលប្រហាក់ប្រហែល 8,360 ដុល្លារទៅ 9,760 ដុល្លារ។ MG5 2026 ដែលបង្ហាញវត្តមានឆ្នាំនេះ គឺនៅតែបន្តការឌីស្សាញរូបរាងដូចជំនាន់មុនអញ្ចឹងដែរ ដោយមានការផ្លាស់ប្តូរពណ៌នៅខាងក្នុងថ្មីចំនួន 2 ដែលមានពណ៌ទឹកក្រូច និងប្រផេះ ខណៈដែលនៅលើខាងលើមានពណ៌ក្រហម និងពណ៌ស។
.jpg)
MG5 2026 បង្ហាញខ្លួននៅលើទីផ្សារចិននាពេលនេះ មានវិមាត្រ 4715mm/1842mm/1473mm និងមានគម្លាតកង់មុខក្រោយប្រវែង 2680mm។ សម្រាប់តួរថយន្តទាំងមូលនៃរថយន្តនេះ គឺមានស្តង់ដារ 25866 Nm/deg ខណៈដែល 65% គឺមានការផលិតចេញពីដែកមានគុណភាពខ្ពស់ ហើយនឹងមានពោងសុវត្ថិភាពចំនួន 6 គ្រាប់។
រថយន្តនេះ មាន 2 ជម្រើសម៉ាស៊ីន 1.5L និង 1.5T។ សម្រាប់ប្រភេទម៉ាស៊ីន 1.5L មានកម្លាំង 95kW (127 សេះ) កម្រិតកម្លាំងរមួល 158Nm និងមាន 8-speed CVT ហើយនឹងរត់ចម្ងាយ 100km តាមស្តង់ដារ WLTC ស៊ីប្រេងត្រឹមតែ 6.38 លីត្រប៉ុណ្ណោះ។ ម៉ូដែលនេះអាចបើកបរល្បឿនលឿនបំផុត 180 km/h។
ក្រឡេកមើលម៉ូដែលប្រើប្រាស់ម៉ាស៊ីន 1.5T គឺមានកម្លាំង 133kW (178 សេះ) កម្លាំង 285Nm ប្រើប្រាស់នូវ 7-speed DCT ហើយនិងបើកបរតាមស្តង់ដារ WLTC ចម្ងាយផ្លូវ 100km ស៊ីប្រេងត្រឹមតែ 6.45 លីត្រប៉ុណ្ណោះ។ ឡាននេះអាចបើកបរល្បឿនលឿនបំផុតបាន 200 km/h និងអាចបង្កើតល្បឿនពី 0 ទៅ 100 km/h ចំណាយពេលត្រឹមតែ 6.9 វិនាទីប៉ុណ្ណោះ។ ចំពោះម៉ូដែលស្តង់ដារ គឺប្រើប្រាស់ធុងប្រេងចំណុះ 50 លីត្រ។
និយាយពីការឌីស្សាញខាងក្នុងរបស់ MG5 2026 នេះ គឺមានការឌីស្សាញពណ៌ថ្មីលាយគ្នា orange/black ខណៈដែលពណ៌ស គឺនៅតែប្រើប្រាស់ដូចម៉ូដែលមុនដដែល។ នៅក្នុងឡាននេះមានអេក្រង់ទំហំ 12.3-អ៊ីង instrument panel និងអេក្រង់ floating central control screen ទំហំ 12.3-អ៊ីង ឬទំហំ 10.25-អ៊ីងសម្រាបម៉ូដែលស្តង់ដារ។
សម្រាប់កៅអី គឺមានការឌីស្សាញចូលគ្នារវាងស្បែក និង fabric បន្ថែមពីនេះនៅលើម៉ូដែលខ្ពស់ជាងគេ គឺមានការប្រើប្រាស់ប្រព័ន្ធសម្លេងល្អបំផុត ជាមួយនិងឧបាល័រ 8 គ្រាប់។ ជាមួយគ្នានេះ ក៏នៅមានពណ៌ 256-color ambient lights ដែលអាចផ្លាស់ប្តូរស្វ័យប្រវត្តិតាមបទចំរៀងផងដែរ។
