បែកធ្លាយតម្លៃរបស់ Google Pixel 10 Series ដែលគ្រោងដាក់លក់នៅលើទីផ្សារអឺរ៉ុប

ក្រុមហ៊ុន Google ត្រូវបានគេរាយការណ៌ថា នឹងមានការប្រកាសសម្ពោធជាផ្លូវការណ៌នូវស្មាតហ្វូនជំនាន់ថ្មីរបស់ខ្លួនម៉ូដែល Pixel 10 Series នៅថ្ងៃទី 20 ខែសីហាខាងមុខនេះហើយ។ ថ្ងៃនេះមុនការបង្ហាញវត្តមានរបស់ស្មាតហ្វូនទាំងនេះ មានការបែកធ្លាយព័ត៌មានបែកធ្លាយតម្លៃរបស់ Google Pixel 10 Series ដែលគ្រោងនៅអឺរ៉ុបហើយក្នុងនោះក៏មានតម្លៃរបស់ការស្តាប់ស៊េរីថ្មីម៉ូដែល Pixel Buds 2a ថែមទៀតផង។ 

ខាងក្រោមនេះគឺជាតម្លៃរបស់ Google Pixel 10 Series ប្រៀបធៀបជាមួយជំនាន់មុន Google Pixel 9 Series។ 

តាមការបែកធ្លាយថ្មីនេះបានបង្ហាញថា Pixel 10 Pro XL នឹងអង្គចងចាំទំហំចាប់ពី 256GB ឡើងទៅ ដែលខុសពីម៉ូដែលមុនមានចាប់ពី 128GB ហើយសម្រាប់ទំហំ 1TB នឹងមានទាំងនៅលើម៉ូដែល Pixel 10 Pro និង Pixel 10 Pro Fold ប្រៀបធៀបជាមួយនិងម៉ូដែលមុន Pixel 9 Pro និង Pixel 9 Pro Fold គឺមិនមានទំហំធំនេះទេ។

ប្រភពដដែលនេះបន្តថា ស្មាតហ្វូនជំនាន់ថ្មីនៃត្រកូល Pixel 10 នេះ គឺនឹងមានការបំពាក់នូវបន្ទះឈីប Google Tensor G5 នដែលជាឈីបដំបូងត្រូវបានអភិវឌ្ឍឡើងដោយក្រុមហ៊ុន TSMC។ សម្រាប់ការឌីស្សាញរូបរាងវិញ មើលទៅគឺអាចនឹងស្រដៀងនឹងជំនាន់មុនអញ្ចឹងដែរ ប៉ុន្តែសម្រាប់ម៉ូដែលស្តង់ដារថ្មីរបស់ Pixel 10 នេះ នឹងមានការតម្លើងមកជាមួយនូវ Telephoto ហើយនៅលើស្មាតហ្វូនទាំងនេះក៏អាចនឹងមានការបំពាក់នូវកាមេរ៉ា Macro ទៀតផង។ ចំពោះ Pixel Buds 2a អាចនឹងមានតម្លៃចាប់ពី €149 យូរ៉ូ។