iQOO 15 Ultra នឹងបំពាក់កាមេរ៉ា 50MP ចំនួន 3 គ្រាប់ ហើយនិងបន្ទះឈីប Snapdragon 8 Elite 2

ក្រុមហ៊ុន iQOO ត្រូវបានគេរាយការណ៍ថា បាននឹងកំពុងតែធ្វើការនៅលើស្មាតហ្វូនលំដាប់ Flagship ជំនាន់ថ្មីរបស់ខ្លួន iQOO 15 ហើយដោយស្មាតហ្វូនថ្មីនេះ នឹងមានម៉ូដែល iQOO 15 និង iQOO 15 Ultra។ យោងតាមការបែកធ្លាយចុងក្រោយដែលចែកចាយដោយអ្នកទម្លាយ Digital Chat Station គឺបានទម្លាយអំពីលក្ខណៈសម្បត្តិរបស់ស្មាតហ្វូនទាំងពីរនេះហើយ។

 នៅក្នុងការបែកធ្លាយនេះ បង្ហាញថា ស្មាតហ្វូនប្រភេទ Standard និង Ultra របស់ iQOO 15 នេះនឹងមានបន្ទះឈីប SM8850 (ឬ Snapdragon 8 Elite 2)។ បន្ទះឈីបជំនាន់ថ្មីនេះត្រូវគេទម្លាយថា ប្រើប្រាស់នូវស្ថាបត្យកម្ម Qualcomm Oryon CPUហើយនៅលើ Geekbench 6 បង្ហាញថា នឹងមានពិន្ទុ 4,000 នៅក្នុងការតេស្ត single-core និងច្រើនជាង 11,000 នៅក្នុងការតេស្ត multi-core។ 

ស្មាតហ្វូនទាំងពីរនេះ នឹងមានកាមេរ៉ាសិនស័រទំហំ 50-Megapixel គាំទ្រដោយកម្រិតហ៊្សូម 3x periscope telephoto ថែមទៀតផង។ ស្មាតហ្វូនថ្មីនេះ នឹងមានកាមេរ៉ាចំនួន 3 គ្រាប់ ដោយកាមេរ៉ាគោលទំហំ 50-Megapixel និងទីពីរ Telephoto ខណៈដែលមួយគ្រាប់ចុងក្រោយជាសិនស័រ ultra-wide។ 

គួរបញ្ជាក់ថា តាមការបែកធ្លាយជាច្រើនមុននេះ ធ្លាប់បានបង្ហាញថា ស្មាតហ្វូនជំនាន់ថ្មី iQOO 15 Ultra នេះ នឹងមានអេក្រង់ទំហំ 6.85-អ៊ីងជាកញ្ចក់ Samsung 2K LTPO Panel ទ្រទ្រង់ជាមួយនឹងគែម bezels កម្រាស់ស្តើងមែនទែនក្នុងការប្រើប្រាស់។ អេក្រង់នេះ នឹងទ្រទ្រង់នូវ Pol-less polarisation removal, anti-reflective coating រួមជាមួយនឹងប្រើប្រាស់នូវបច្ចេកវិទ្យា LIPO packaging technology ដែលអាចកាត់បន្ថយទៅលើទំហំនៃគែមរបស់ស្មាតហ្វូននេះបានថែមទៀតផង។ 

សម្រាប់ស្មាតហ្វូន Ultra edition នេះនឹងបំពាក់នូវ Gaming Shoulder Buttons, Active Cooling Fan ហើយនិង Wireless Charging ផងដែរ។ សម្រាប់ថាមពលថ្មនៅលើស្មាតហ្វូន Ultra នេះ នឹងមានថាមពលថ្មទំហំ 7,000mAh ជាមួយនឹងបច្ចេកវិទ្យាសាក 100W charging ថែមទៀតផង។ ស្មាតហ្វូន iQOO 15 Series នឹងបង្ហាញខ្លួនជាផ្លូវការណ៌នៅក្នុងប្រទេសចិននាខែតុលាឆ្នាំនេះហើយ៕