កាលពីថ្ងៃទី 4 ខែកក្កដានេះ Lynk & Co 10 EM-P ដែលជាឡានអគ្គិសនីប្រភេទ AWD ដែលមានវត្តមាននៅលើទីផ្សារសកលរួចហើយនោះ បានប្រកាសចេញជាផ្លូវការណ៌នៅលើទីផ្សារចិនហឿយ ដោយមានតម្លៃប្រហែល 200,000 យ៉ន់ដែលស្មើរនឹង 27,900 USD ដុល្លារ។ ជាមួយនិងវត្តមាននៅពេលនេះ Lynk & Co 10 EM-P ត្រូវបានគេបញ្ជាក់ថា ក៏មានការប្រើប្រាស់នូវប្រព័ន្ធ plug-in hybrid ដូចគ្នានៅលើម៉ូដែលឡានអគ្គិសនីសុទ្ធ Z10 អញ្ចឹងដែរ។
ការមកដល់ទីផ្សារចិននេះ ឡានអគ្គិសនី Lynk & Co 10 EM-P គឺមានជម្រើស 3 ពណ៌ រួមមានដូចជា Purple, Gold និង Beige ហើយនឹងមានវិមាត្រI 5050/1966/1487mm កម្លាតកង់មុខក្រោយប្រវែង 3005mm។ ប្រៀបធៀបរវាងឡានអគ្គិសនី Lynk & Co Z10 និង Lynk & Co 10 EM-P គឺម៉ូដលថ្មីនេះ វែងជាង 22mm និងមានកំពស់ខ្ពស់ជាងប្រហែល 19mm ទៅ 24 mm។ និយាយពីរូបរាងរបស់ឡានអគ្គិសនី Lynk & Co 10 EM-P នេះ គឺនៅតែបន្តប្រើប្រាស់នូវគំនិត Lynk & Co’s Next Day design concept របស់ខ្លួនដដែល។
នៅលើរថយន្តនេះមានការបំពាក់នូវសិនស័រ lidar នៅលើដំបូលខាងមុខសម្រាប់ទ្រទ្រង់នូវជំនួយការបើកបរ G-Pilot H7 ដែលអភិវឌ្ឍឡើងដោយក្រុមហ៊ុន Zeekr ហើយថែមទាំងមានការគាំទ្រដោយឈីប Nvidia Drive Thor ជំនួយដល់ការចូលចត និងការបើកបរបនៅលើផ្លូវ highway ក៏ដូចជាផែនទីបង្ហាញផ្លូវ urban navigation សម្រាប់ការបើករបរស្វ័យប្រវត្តិថែមទៀតផង។ឡានអគ្គិសនី Lynk & Co 10 EM-P មានការប្រើប្រាស់នូវស្ថាបត្យកម្ម CMA Evo architecture ដែលមានការប្រើប្រាស់នូវគ្រឿងបង្គុំខាងមុខមានភាពរឹងមាំជាងមុន ខណៈដែលខាងក្រោយគឺមានការប្រើប្រាស់ប្រព័ន្ធបូមដាច់ពីគ្នា។
និយាយពីប្រព័ន្ធ plug-in hybrid នៅលើឡានអគ្គិសនី Lynk & Co 10 EM-P គឺមានការប្រើប្រាស់នូវម៉ាស៊ីន 1.5T Evo engine និងម៉ូទ័រភ្លោះ ហើយនិង 3-speed DHT។ សម្រាប់ម៉ាស៊ីនេនះ គឺមានកម្លាំង 120 kW (161 សេះ) ខណៈដែលម៉ូទ័រគឺមានកម្លាំង 180 kW (241 សេះ) និង 90 kW (121 សេះ) ដោយបូកចូលគ្នា គឺមានកម្លាំងសរុប 390 kW (523 សេះ) និងមានកម្លាំងរមួល 755 Nm។ ឡានអគ្គិសនី Lynk & Co 10 EM-P អាចបង្កើតល្បើមពី 0 ទៅ 100 km/h ប្រើប្រាស់ពេលត្រឹមតែ 5.1 នាទីប៉ុណ្ណោះ។ សម្រាប់ការជិះ 100km គឺស៊ីប្រេងត្រឹម 4.2 L ប៉ុណ្ណោះ។
នៅលើឡានអគ្គិសនី Lynk & Co 10 EM-P មានអាគុយពីរទំហំ គឺទំហំ 18.4 kWh និង 38.2 kWh ដែលមានសមត្ថភាពអាចរត់បានជាមួយនិងអគ្គិសនីសុទ្ធ 120km និង 240km តាមស្តង់ដារ CLTC។ សម្រាប់ការសាកពី 30% ទៅ 80% ប្រើពេលត្រឹមតែ 15 នាទីប៉ុណ្ណោះ។ និយាយពីខាងក្នុងឡានអគ្គិសនី Lynk & Co 10 EM-P នេះ គឺមាន 4 ពណ៌ រួមមានពណ៌ Orange, white, black និង black + gold ហើយថែមទាំងមានប្រព័ន្ធសម្លេង Harman Kardon speakers ចំនួនដល់ទៅ 23 គ្រាប់។
