រយៈពេលជិតមួយឆ្នាំ ក្រុមហ៊ុន Geely លក់ឡានអគ្គិសនីម៉ូដែល Galaxy E5 នេះបានចំនួន 15 ម៉ឺនគ្រឿង

កាលពីថ្ងៃទី 4 ខែកក្កដានេះ ក្រុមហ៊ុន Geely Galaxy បានប្រកាសថា ឡានអគ្គិសនី Geely Galaxy E5 លក់បាន 150,000 គ្រឿង នៅក្នុងរយៈពេលជិតមួយឆ្នាំមកនេះ។ សូមជំរាបថា ឡាននេះត្រូវបានក្រុមហ៊ុនបង្ហាញចេញជាផ្លូវការណ៌កាលពីខែសីហាឆ្នាំមុន ហើយនៅក្នុងឆ្នាំ 2024 កន្លងទៅ ក្រុមហ៊ុននេះបានលក់រថយន្តនេះបានចំនួន 77,685 គ្រឿង។ ឡានអគ្គិសនីនេះមានសមត្ថភាពអាចរត់បានចម្ងាយ 440 km និង 530 km ហើយនឹងមាន 5 ជម្រើស ព្រមទាំងមានតម្លៃចាប់ពី 15,000 ដុល្លារទៅ 20,100 ដុល្លារ។ 

ឡានអគ្គិសនី Geely Galaxy E5 មានជម្រើស 8 ពណ៌ រួមមានដូចជា ពណ៌ក្រហម ផ្កាឈូក ប្រផេះ បៃតង ពណ៌ស ពណ៌ទឹកប្រាក់ ទឹកបិក និងពណ៌ខ្មៅ។ សម្រាប់វត្តមានម៉ូដែលថ្មីនេះ ត្រូវបានក្រុមហ៊ុននេះដាក់លក់នៅលើទីផ្សារសកលជាមួយនិងឈ្មោះ Geely EX5។ ឡានអគ្គិសនី Geely EX5 ត្រូវបានក្រុមហ៊ុនដាក់លក់នៅលើទីផ្សារប្រទេសក្រិក ឥណ្ឌូនេស៊ី និងអូស្ត្រាលីរួចហើយ។ ឡានថ្មីនេះ ត្រូវបានក្រុមហ៊ុនផលិតឡើងមានតួខ្លួនឌីស្សាញតាមស្តង់ដារ Geely’s GEA (Global Electric Architecture)។

Geely Galaxy E5 មានវិមាត្រ 4615/1901/1670mm ជាមួយនិងគម្លាតកង់មុខក្រោយប្រវែង 2750mm និងមានរចនាបទតាមស្តង់ដារ 0.269 Cd។ សម្រាប់ថាមពលវិញ ឡាននេះមានម៉ូទ័រមុខមួយកម្លាំង 160 kW (215 សេះ) និងមានកម្លាំងរមួល 320 Nm ហើយនឹងមានការបំពាក់នូវថ្ម lithium iron phosphate ពីរជម្រើសគឺទំហំ 49.52 kWh និងទំហំ 60.22 kWh មានសមត្ថភាពអាចបើកបរបានចម្ងាយ 440km និង 530km។ សម្រាប់ការបង្កើតល្បឿនពី 0 ទៅ 100km/h ចំណាយពេលត្រឹមតែ 6.9 វិនាទីប៉ុណ្ណោះ។ ឡាននេះរត់បានល្បឿនលឿនបំផុត 180km/h។ ចំពោះកសាកពី 30% ទៅ 80% ចំណាយពេលត្រឹមតែ 20 ប៉ុណ្ណោះ។

ចំពោះផ្នែកខាងក្នុងវិញ គឺមានការឌីស្សាញពណ៌ស ពណ៌ទឹកក្រូច និងពណ៌ខៀវ ហើយនឹងមានការបំពាក់នូវអេក្រង់នៅមុខដៃចង្កូតទំហំ 10.2-អ៊ីងហើយនឹងអេក្រង់នៅកណ្តាលទំហំ 15.4-អ៊ីង 2.5K (ឬ 14.6-អ៊ីងសម្រាប់ម៉ូដែល top-of-line trim)។ ឡាននេះគឺជាប្រភេទឡាន 5 កៅអី និងដំណើរការនៅលើប្រព័ន្ធ Galaxy Flyme Auto cockpit system គាំទ្រដោយបន្ទះឈីប 7nm Dragon Eagle-1។ សម្រាប់ប្រព័ន្ធ Flyme Sound system នៅលើរថយន្តនេះ គឺមានឧបាល័រ 16 គ្រាប់។