ខណៈដែលមានរបាយការណ៍ជាច្រើន បានបញ្ជាក់ថា ស្មាតហ្វូនអេក្រង់បត់បានជំនាន់ថ្មី OPPO Find N6 អាចនឹងបង្ហាញខ្លួននៅប្រទេសចិនក្នុងខែមករានេះនោះ នៅថ្ងៃនេះ មានការលេចញនូវព័ត៌មានថ្មីដោយបង្ហាញថា ស្មាតហ្វូនជំនាន់ថ្មីនេះអាចនឹងបង្ហាញខ្លួននៅចុងខែកុម្ភៈ ឬខែមីនាខាងមុខនេះវិញហើយ។ ផ្អែកតាមការបែកធ្លាយថ្មីៗនេះ បានបញ្ជាក់ថា ស្មាតហ្វូនអេក្រង់បត់ថ្មីនេះ គឺទទួលបានវិញ្ញាបនបត្រជាច្រើនថែមទៀតហើយ ដូច្នេះការប្រកាសជាផ្លូវការទៅលើស្មាតហ្វូន Find N6 នេះអាចនឹងមកដល់ឆាប់ៗនេះហើយ។
នៅថ្ងៃនេះ មានការលេចចេញនូវរូបភាព Screenshot មួយ ដោយបង្ហាញថា ស្មាតហ្វូនអេក្រង់បត់បាន OPPO Find N6 នេះ គឺមានលេខម៉ូដែល CPH2765 ហើយក៏ទទួលបាននូវវិញ្ញាបនបត្រ TDRA ពីប្រទេសអារ៉ាប់ (UAE) ផងដែរ។ កាលពីពេលមុននេះ ស្មាតហ្វូនថ្មីនេះ ធ្លាប់បានគេឃើញបង្ហាញខ្លួននៅលើវិញ្ញាបនបត្រជាច្រើនទៀតដូចជា TUV និង IMDA ផងដែរ។ ខណៈដែលនៅលើបញ្ជី IMDA មិនទាន់បានទម្លាយអំពីលក្ខណៈពិសេសរបស់ស្មាតហ្វូន Find N6 នេះ នៅឡើយនោះមានការទម្លាយអំពីការតភ្ជាប់ Connectivity ជាច្រើនដូចជា eSIM និងការទ្រទ្រង់ទៅលើបច្ចេកវិទ្យា 80W wired chargingផងដែរ។ ស្មាតហ្វូនជំនាន់ថ្មី N6 នេះ អាចនឹងបង្ហាញខ្លួននៅក្នុងត្រីមាសទី 1 ឆ្នាំ 2026 ខាងមុខនេះហើយ។
សូមជំរាបថា យោងតាមរបាយការណ៍ជាច្រើនមុននេះ បានបញ្ជាក់ថា ស្មាតហ្វូនអេក្រង់បត់បាន OPPO Find N6 នេះ នឹងមានអេក្រង់បត់ខាងក្នុងទំហំ 8.12 អ៊ីង LTPO OLED គាំទ្រជាមួយនឹងកម្រិតភាពច្បាស់ 2K resolution និងអេក្រង់ខាងក្រៅ ទំហំ 6.62 អ៊ីង។ អេក្រង់ទាំងពីរនេះ មានកាមេរ៉ាខាងមុខទំហំ 20MP ខណៈដែលកាមេរ៉ាខាងក្រោយរបស់ស្មាតហ្វូននេះមានទំហំ 50MP+ 50MP+ 200MP។
ស្មាតហ្វូនអេក្រង់បត់បាន OPPO Find N6 នេះ មានថាមពលថ្មទំហំ 6,000mAh ជាមួយនឹងរ៉េមទំហំ 12GB និង 16GB ហើយនិងម៉េមូរីទំហំ 1TB ហើយនឹងមានការទ្រទ្រង់ទៅលើបច្ចេកវិទ្យាជាច្រើនទៀតដូចជា satellite connectivity, magnetic accessories, AI stylus រួមជាមួយនិងទម្ងន់ស្រាលត្រឹមតែ 225g ប៉ុណ្ណោះ។ ជាមួយនិងវត្តមានឆ្នាំនេះ ស្មាតហ្វូនអេក្រង់បត់បាន OPPO Find N6 នេះ នឹងមានពណ៌ Original Titanium, Deep Black និង Golden Orange ។
Honor Magic V6 អាចនឹងបង្ហាញខ្លួននៅក្នុងព្រឹត្តិការណ៍ Mobile World Congress (MWC) ដែលនឹងរៀបចំឡើងនៅថ្ងៃទី 2 ខែមីនា និងថ្ងៃទី 5 ខែមីនានៅបាសេឡុណាប្រទេសអេស្ប៉ាញ ហើយអាចនឹងបង្ហាញខ្លួនស្របពេលដូចគ្នានៅក្នុងប្រទេសចិនផងដែរ។ របាយការណ៍ជាច្រើនបញ្ជាក់ថា ស្មាតហ្វូនអេក្រង់បត់បាន Honor Magic V6 ដែលជាគូប្រជែងរបស់ OPPO Find N6 នឹងប្រើប្រាស់នូវបន្ទះឈីប Snapdragon 8 Elite Gen 5 ដូចគ្នា៕
