កាលពីដើមខែកន្លងទៅនេះ មានសេចក្តីរាយការណ៌ជាច្រើន ធ្លាប់បាននិយាយពីការបង្ហាញវត្តមានរបស់ស្មាតហ្វូនជំនាន់ថ្មី Xiaomi 17 Max ដែលសមាជិកថ្មីមួយទៀតនៃត្រកូល Xiaomi 17 Series ដោយនៅក្នុងនោះ ក៏មានការបញ្ជាក់ពីថាមពលថ្ម និងបន្ទះឈីបដែល នឹងមានប្រើប្រាស់នៅលើស្មាតហ្វូននេះផងដែរ។ នៅថ្ងៃនេះ យោងតាមការបែកធ្លាយថ្មី បានបង្ហើបពីលក្ខណៈសម្បតិ្តកាមេរ៉ានៅលើស្មាតហ្វូនថ្មីនេះថែមទៀតហើយ រួមជាមួយនិងកាលបរិច្ឆេតនៃការប្រកាសចេញស្មាតហ្វូនថ្មីនេះថែមទៀតផង។
យោងតាមអ្នកទម្លាយ Digital Chat Station បានអោយដឹងថា Xiaomi 17 Max នឹងមានការប្រើប្រាស់នូវបច្ចេកវិទ្យាកាមេរ៉ាជំនាន់ថ្មី ដោយបំពាក់នូវកាមេរ៉ាគោលទំហំ 200MP ទ្រទ្រង់ដោយសិនស័រ 1/1.4-អ៊ីង Samsung HPx។ សូមជំរាបថា ស្មាតហ្វូនម៉ូដែលស្តង់ដារ Xiaomi 17 គឺមានការបំពាក់នូវកាមេរ៉ាគោលទំហំ 50MP ទំហំប៉ុណ្ណោះ។ សម្រាប់វត្តមានម៉ូដែលថ្មីនេះ ក៏នឹងមានការប្រើប្រាស់នូវកាមេរ៉ា 50MP សិនស័រ1/1.95 អ៊ីង Sony IMX8-series periscope telephoto និងមួយគ្រាប់ទៀតទំហំ 50MP ultrawide។
បន្ថែមពីនេះ DCS ក៏មានការបញ្ជាក់ទៀតថា ស្មាតហ្វូន Xiaomi 17 Max អាចនឹងបង្ហាញចេញនៅលើឆមាសទី 2 ឆ្នាំ 2026 ខាងមុខនេះហើយស្មាតហ្វូននេះ ក៏នឹងមានការដាក់អោយប្រើប្រាស់នូវបច្ចេកវិទ្យាកាមេរ៉ា Leica ដូចម៉ូដែលផ្សេងៗរបស់ Xiaomi 17 series អញ្ចឹង។
សូមជំរាបថា ការបែកធ្លាយមុននេះ គឺបាននិយាយថា ម៉ូដែល Max នេះ ក៏អាចនឹងប្រើប្រាស់បន្ទះឈីប Snapdragon 8 Elite Gen 5 SoC ផងដែរ។ ស្មាតហ្វូននេះ នឹងមានថ្មទំហំ 8,000mAh គាំទ្រដោយកម្លាំងសាក 100W wired និង 50W wireless charging support។ ទៅលើរូបរាងនិងការឌីស្សាញស្មាតហ្វូននេះ គឺដូចគ្នាទៅនឹងម៉ូដែលស្តង់ដារ ដែលចេញថ្មីៗនេះដែរ។
