នៅក្នុងនាមជាក្រុមហ៊ុនផលិតរថយន្តមួយដែលមានភាពល្បីល្បាញទូទាំងពិភពលោកនោះ ក្រុមហ៊ុន Bentley ក៏ត្រៀមខ្លួនក្នុងការប្រកាសបង្ហាញនូវរថយន្តអគ្គិសនីម៉ូឌែលថ្មីរបស់ខ្លួនផងដែរ។ លោក Adrian Hallmark ដែលជានាយកប្រតិបត្តិរបស់ក្រុមហ៊ុន Top Gear ថ្មីៗនេះ បានបញ្ជាក់ថា ក្រុមហ៊ុននេះ គឺត្រៀមខ្លួនក្នុងការផលិតនូវរថយន្តអគ្គិសនី Bentley ដ៏ប្រណិតបំផុតរបស់ខ្លួនជាមួយនឹងរថយន្តថ្មីដែលគ្មានការបំភាយឧស្ម័ន។
លោក Hallmark បាននិយាយថា “វាគឺជារថយន្តដែលគួរអោយចាប់អារម្មណ៍បំផុត។ យើងរៀបចំនូវការញ៉ាំអាហារពេលល្ងាចជាមួយនឹងការសម្ពោធរថយន្ត Bacalar នេះ។ នេះ គឺជាអនាគតនៃរថយន្តដ៏អស្ចារ្យរបស់ក្រុមហ៊ុននេះ។ រថយន្តនេះ នឹងមានកម្លាំងម៉ាស៊ីនខ្លាំងក្លា និងការប្រើប្រាស់នូវសមាសធាតុជាច្រើនទៀត ដ៏ស្រស់ស្អាតក្នុងការឌីស្សាញនៅផ្នែកខាងក្នុងរបស់រថយន្តនេះថែមទៀតផង។”
លោក Hallmark បាននិយាយថា ចំនួន 39% នៃរថយន្តប្រណិតរបស់ខ្លួន គឺត្រូវការរថយន្តអគ្គិសនីដែលកំពុងតែមានសន្ទុះខ្លាំងនៅលើទីផ្សារ។ ក្រុមហ៊ុន Bentley កំពុងតែក្លាយជាក្រុមហ៊ុនដែលផលិតរថយន្តដែលប្រើប្រាស់នូវអគ្គិសនីដល់ទៅ 100% តែម្តង។ យើងមានឱកាសដ៏ល្អបំផុតក្នុងការប្រកាសបង្ហាញនូវរថយន្តថ្មីនេះ។ មនុស្ស ចង់បាននូវបច្ចេកវិទ្យាដ៏អស្ចារ្យបំផុត។ ប៉ុន្តែសម្រាប់បច្ចេកវិទ្យានេះ ការបើកបររថយន្តនេះ គឺពិតជាគ្មានគូប្រៀបនោះទេ។
លោក Hallmark ប្រាប់ទៅកាន់ Top Gear ថា យើងនឹងប្រកាសបង្ហាញនូវរថយន្តអគ្គិសនីដំបូងបំផុត របស់យើងនៅពាក់កណ្តាលឆ្នាំ 2020 នេះ ដោយសារតែយើងបានចូលរួមរយៈពេល 5 ឆ្នាំមកហើយនៅក្នុងការបង្កើននូវផលិតផលដែលប្រើប្រាស់នូវថ្មទាំងស្រុងនោះ ដែលមានការពង្រឹងសមត្ថភាពល្អជាងមុនដល់ទៅ 30% ថែមទៀត៕
