ថ្មីៗនេះ ក្រុមហ៊ុន LG និងក្រុមហ៊ុនផលិតរថយន្ត Magna បានបណ្តាក់ទុនរួមគ្នាហើយក្រុមហ៊ុនទាំងពីរនេះ ក៏ជិតឈានដល់កិច្ចព្រមព្រៀងក្នុងការផលិតរថយន្ត Apple Car ផងដែរ។ ជាមួយនឹងឈ្មោះហៅថា “LG Magna e-Powertrain” នោះ ក្រុមហ៊ុននេះ គឺជិតឈានដល់កិច្ចព្រមព្រៀងជាមួយនឹងក្រុមហ៊ុនផលិតស្មាតហ្វូន iPhone នេះ ជាលើកដំបូងបំផុត។
នៅក្នុងរបាយការណ៍ចេញពី TheKoreaTimes បានបញ្ជាក់ថា កាចុះកុងត្រារវាងក្រុមហ៊ុន LG និង Magna International គឺជាការបណ្តាក់ទុនរួមគ្នានៅក្នុងការផលិតរថយន្ត Apple Car។ ក្រុមហ៊ុននេះ ត្រូវគេរំពឹងថា នឹងផលិតរថយន្តអគ្គិសនីនៅត្រឹមឆ្នាំ 2025 ខាងមុខ។ នៅក្នុងការផលិតទៅលើរថយន្តអេឡិចត្រូនិចនេះ ក្រុមហ៊ុននេះ គឺប្រហែលជាសហការជាមួយនឹងក្រុមហ៊ុន LG និង Magna ដែលនឹងបញ្ឈប់នៅឆ្នាំក្រោយនេះ ហើយក្រុមហ៊ុនផលិតស្មាតហ្វូន iPhone នេះ គឺជាអតិថិជនដ៏សំខាន់របស់ក្រុមហ៊ុននេះ។
កាលពីដើមឆ្នាំនេះ មានរបាយការណ៍នៅលើពាក្យចចាមអារ៉ាមអំពីរថយន្តអគ្គិសនីរបស់ក្រុមហ៊ុន Apple។ យើងក៏បានធ្វើការរាយការណ៍ទៅលើដៃគូផលិតជាច្រើនដែលមានក្រុមហ៊ុន Hyundai និង Kia ដែលមានតម្លៃ 4 ពាន់លានដុល្លារអាមេរិកផងដែរ។ ដូចអ្វីដេលយើងបានដឹងរហូតមកទល់ពេលនេះ រថយន្តនេះ គឺស្ថិតនៅក្រោមម៉ាកយីហោរបស់ក្រុមហ៊ុន Apple។
កាលពីពេលមុននេះ ក៏មានសេចក្តីរាយការណ៍ថា ក្រុមហ៊ុន Kia និង Hyundai បានធ្វើការចាកចេញពីកិច្ចព្រមព្រៀងជាមួយនឹងក្រុមហ៊ុន Apple ផងដែរ។ គិតចាប់តាំងពីឆ្នាំ 2015 មកដល់ពេលនេះ មានពាក្យចចាមអារ៉ាមជាច្រើន បាននិយាថា ក្រុមហ៊ុន Apple បានធ្វើការជាមួយនឹងរថយន្តអេឡិចត្រូនិចជាច្រើន។ រថយន្តស៊េរីថ្មីនេះ នឹងមានបច្ចេកវិទ្យារថយន្តឆ្លាតវៃដោយខ្លួនឯង។ យើងនឹងធ្វើការអាប់ដេតទៅលើព័ត៌មាននេះ បន្ថែមទៀតនាពេលខាងមុខនេះ៕
