ថ្មីៗនេះ ក្រុមហ៊ុន Subaru ទើបតែបង្ហាញនូវរថយន្តអគ្គិសនីដំបូងបំផុតរបស់ខ្លួនដែលមានឈ្មោះហៅថា Solterra ។ ក្រុមហ៊ុនផលិតរថយន្តដ៏ល្បីល្បាញរបស់ជប៉ុនមួយនេះ នឹងបង្ហាញវត្តមានរបស់រថយន្តនេះ នៅក្នុងទីផ្សាររបស់ជប៉ុនឆាប់ៗនេះហើយ។
ក្រុមហ៊ុនផលិតរថយន្តរបស់ជប៉ុននេះ បានប្រកាសថា រថយន្ត Solterra ក៏នឹងបង្ហាញខ្លួននៅក្នុងសហរដ្ឋអាមេរិកនៅសប្តាហ៍ក្រោយនេះផងដែរ។ រថយន្ត Solterra គឺជារថយន្តអគ្គិសនីដំបូងបំផុតរបស់ក្រុមហ៊ុននេះ មានការរចនារូបរាងយ៉ាងទាន់សម័យដែលអាចប្រកួតប្រជែងបានជាមួយនឹងរថយន្ត Toyota BZ4X បាន។
សម្រាប់រថយន្ត Solterra នេះគឺមានអេក្រង់ Touchscreen ជាមួយនឹងប៊ូតុង haptic buttons ថែមទៀត។ រថយន្តនេះ បំពាក់នូវថ្មដែលមានកម្លាំង 71.4 kilowatt ដែលអាចធ្វើដំណើរបាន 330 ម៉ាយ៍ក្នុងការសាកថ្មពេញម្តង។
រថយន្ត Solterra នេះ ក៏មានទ្រទ្រង់នូវបច្ចេកវិទ្យាសាកថ្មលឿន DC fast chargingដល់ទៅ 150 kW ហើយវាអាចសាកថ្មបានពេញ 80% នៅក្នុងពេលតែ 30 នាទីប៉ុណ្ណោះ។ រថយន្តនេះ ក៏មានភ្ជាប់ជាមួយនឹងមុខងារជាច្រើនទៀតនោះគឺ wireless Apple CarPlay និង Android Auto ហើយវាក៏បំពាក់នូវប្រព័ន្ធចតរថយន្តស្វ័យប្រវត្តិថែមទៀតផង។
រថយន្តនេះនឹងដាក់លក់នៅក្នុងពេលណាមួយនៅពាក់កណ្តាលឆ្នាំ 2022 នេះ៕