យោងតាមព័ត៌មានថ្មីៗនេះ បាននិយាយថា រថយន្ត Ford Ranger ស៊េរីថ្មី ទទួលបាននូវពិន្ទុខ្ពស់ចំណាត់ថ្នាក់ផ្កាយ 5 ពីស្ថាប័នធ្វើតេស្តសុវត្ថិភាពមួយ ដែលមានការផ្អែកទៅលើលក្ខណៈវិនិច្ឆ័យពីស្ថាប័នឯករាជ្យមួយរបស់អូស្រ្តាលី។ រថយន្តស៊េរីថ្មីនេះដែលទទួលនូវចំណាត់ថ្នាក់សុវត្ថិភាពផ្កាយ 5 (five-star) ចេញពីកម្មវិធីវាយតម្លៃរថយន្តថ្មីរបស់អូស្រា្តលី (ANCAP) គឺម៉ូដែល Ford Ranger 2023។
នៅក្នុងការតេស្តទៅលើគ្រប់រថយន្តទាំងអស់ លើកលែងតែប្រភេទ Dual-cab V6 petrol Raptor នោះ ការទទួលបាននូវចំណាត់ថ្នាក់ផ្កាយ 5 សម្រាប់រថយន្ត Ford Ranger នេះ គឺជារថយន្តទី 4 បន្ទាប់ពីការតេស្តទៅលើរថយន្ត 2020-22 បន្ទាប់ពីរថយន្ត GWM Ute, Isuzu D-Max និង Mazda BT-50 twins។
សម្រាប់ការតេស្តទៅលើរថយន្តFord នេះ ទទួលបាននូវពិន្ទុ 84% ទៅលើការពារ Adult Occupant Protection និង 93% សម្រាប់ការការពារ Child Occupant Protection ព្រមទាំង 74% សម្រាប់ការការពារទៅលើ Vulnerable Road User Protection ( អ្នកថ្មើរជើង និងអ្នកជិះកង់) ខណៈដែល 83% គឺសម្រាប់បច្ចេកវិទ្យា Safety Assist ។ ANCAP បានផ្តល់នូវចំណាត់ថ្នាក់ល្អ "good" ឬគ្រប់គ្រាន់ "adequate" នៅក្នុងការតេស្តទៅលើផ្នែកខាងមុខ និងផ្នែកការប៉ះពីចំហៀង។
នៅក្នុងការវិនិច្ឆ័យចុងក្រោយរបស់ ANCAP នេះ រថយន្តនេះ ទទួលបាននូវពិន្ទុខ្ពស់នៅក្នុងការតេស្តទៅលើការបុកពីមុខផងដែរ។ សម្រាប់ពោងសុវត្ថិភាពចំនួន 9 គឺជាស្តង់ដារដែលប្រើប្រាស់នៅលើរថយន្ត Ford Ranger ដែលអាចការពារបានសុវត្ថិភាពទៅលើអ្នកបើកបរ និងអ្នករួមដំណើរមិនថាអង្គុយនៅពីមុខ នៅកណ្តាល ឬនៅចំហៀងនោះទេ។
ខណៈពេលដែលការការពារ (child occupant protection) ទទួលបាននូវចំណាត់ថ្នាក់ល្អ "good" នោះ ANCAP បានកត់សម្គាល់ថា “រថយន្ត Ford Ranger និង Ford Everest ផ្តល់នូវប្រព័ន្ធការពារការប៉ះទង្គិច active collision avoidance systems ដើម្បីជួយការពារនៅក្នុងពេលបើកបរបានយ៉ាងមានប្រសិទ្ធិភាពខ្ពស់។ វាក៏មានការតេស្តទៅលើប្រព័ន្ធហ្វ្រាំងស្វ័យប្រវត្តិ Autonomous Emergency Braking, ប្រព័ន្ធចូលចំណត Lane Keep Assistance និងប្រព័ន្ធគ្រប់គ្រងល្បឿន Speed Assistance ផងដែរ។”
បើសំដីដែលបាននិយាយនៅក្នុងសេចក្តីថ្លែងការណ៍មួយរបស់លោក Carla Hoorweg ដែលជានាយកប្រតិបត្តិរបស់ ANCAP គឺបានអោយដឹងថា “នេះគឺជាដំណឹងដ៏ល្អសម្រាប់អ្នកប្រើប្រាស់ដែលចង់បានម៉ូឌែលរថយន្តសម្រាប់ការកម្សាន្ត និងការធ្វើការងារ។ ការទទួលបានសុវត្ថិភាពផ្កាយ 5 នេះ គឺមិនមែនជារឿងដែលងាយស្រួលក្នុងការសម្រេចបាននោះទេ ហើយវាពិតជាល្អសម្រាប់អ្នកប្រើប្រាស់ ដែលរើសយកនូវម៉ូឌែល Ranger និង Everest ក្នុងការប្រើប្រាស់៕”