កង់អគ្គីសនី Zectron Electric Bike ម៉ូដែលថ្មីសាកថ្មម្តង មានសមត្ថភាពអាចធ្វើដំណើរបាន 250km

ថ្មីៗនេះ Zectron បានចាប់ផ្តើមបង្កើតនូវកង់អគ្គីសនីថ្មីមួយជាមួយ Indiegogo។ កង់អគ្គីសនី Zectron Electric Bike មានការឌីស្សាញជាមួយរូបរឹងមាំ និងមានភាពស៊ីវីល័យ ហើយនិងអាចបត់បានថែមទៀតផង។ កង់អគ្គីសនី Zectron Electric Bike អាចរត់នៅលើដងផ្លូវបានជាមួយល្បឿន 20mph (32 Km/h) នៅក្នុងទីផ្សារសហរដ្ឋអាមេរិក និងល្បឿន 16mph (25 Km/h) សម្រាប់ទីផ្សារតំបន់អឺរ៉ុប។ ក្រុមហ៊ុននេះបានបញ្ជាក់ថា កង់អគ្គីសនី Zectron Electric Bike អាចប្រើប្រាស់បានមួយសប្តាហ៌សម្រាប់ការសាកបញ្ចូលភ្លើងម្តង ។

Zectron Electric bikes នឹងធ្វើការប្រចេញតាមរតៈ Indiegogo ហើយនិងមានការលក់ជាដំណាក់កាល 3 ដង គឺ Super Early Bird, Early Bird និង Indiegogo Special ជាមួយបពេលកំណត់មួយ។ កង់អគ្គីសនី Zectron Electric Bike គឺមានតម្លៃ $1999 ប៉ុន្តែសម្រាប់អ្នកដែលបានចុះឈ្មោះទិញផ្ទាល់គឺមានតម្លៃត្រឹមតែ $899 ប៉ុណ្ណោះ ដោយក្រុមហ៊ុននេះបានបញ្ចុះដល់ទៅជាង 50%។ ជាមួយនិងការបង្ហាញខ្លួនកង់អគ្គីសនី Zectron Electric Bike នេះនៅលើទីផ្សារអាមេរិក គឺក្រុមហ៊ុតម្លើងនូវម៉ូទ័រ 350W ខណៈដែលម៉ូដែលស្តង់ដារមុន គឺប្រើត្រឹម 250W នឹងអាចរត់បានល្បឿន 20mph (32Km/h) និង 16mph (25Km/h)។ 

កង់អគ្គីសនី Zectron Electric Bike អាចរត់បានចំងាយ 150miles (241km) នៅក្នុងពេលសាកពេញម្តង។ កង់អគ្គីសនី Zectron Electric Bike មានទំហំអេក្រង់ 3.9-អ៊ីង សម្រាប់បង្ហាញព័ត៌មាននានា ដូចជា កុងទ័រល្បឿន និងល្បឿននៃការសាកថ្ម។ បន្ថែមពីនេះ Zectron ក៏អនុញាតអោយអ្នកប្រើប្រាស់ធ្វើការតាមដានកង់របស់ខ្លួនតាមរយៈ GPS នៅលើស្មាតហ្វូនរបស់ខ្លួនបានផងដែរ។  កង់អគ្គីសនី Zectron Electric Bike អាចបត់បាន ជាមួយវិមាត្រ 85x65x80cm និងមានទម្ងន់ 25kg ហើយនិងអាចទ្រទម្ងន់បាន 120kg។