ក្រុមហ៊ុនផលិតរថយន្តម៉ាក Wuling ទើបតែបានបញ្ចេញលក់រថយន្ត mid-side SUV ស៊េរីថ្មីរបស់ខ្លួនដែលស្ថិតនៅក្រោមស្លាកយីហោ Silver Label Series ដែលមានតម្លៃចាប់ពីខ្ទង់ $14,000 ដល់ $18,200 នៅទីផ្សារប្រទេសចិន។ រថយន្ត SUV ស៊េរីថ្មីនេះ មានចំនួន 6 ស៊េរីដែលមានទាំងជម្រើសម៉ូដែល PHEV (Plug-in-hybrid) និង EV (electric vehicle)។
Wuling Starlight S ត្រូវបានប្រកាសជាផ្លូវការណ៍ថាជារថយន្ត “first dual-power SUV” ដែលដំណើរការនៅលើប្រព័ន្ធ SGMW ដែលបានរួមបញ្ចូលនៅលើប្រព័ន្ធ Tianyu D architecture ដែលកំនត់ឲ្យរថយន្ត SUV ស៊េរីថ្មីនេះបានបណ្តោយប្រវែង 4,745mm / ទទឹង 1,890mm/ កម្ពស់ 1,685 (1,680) mm និងប្រវែងគម្លាតចន្លោះកង់មុខទៅកង់ក្រោយ 2,800mm។
រថយន្តស៊េរីថ្មីនេះ មានទំងន់សរុប 1,680kg ដល់ 1,790kg។ សម្រាប់ម៉ូដែល Wuling Starlight S-EV គឺបានបំពាក់នូវប្រព័ន្ធម៉ូទ័រអគ្គិសនីមុខមួយដែលមានកំលាំង 150kW ឬ 201 សេះ និងកំលាំងរមូល 310Nm និងបំពាក់កញ្ចប់អាគុយទំហំ 60kWh Shenlian 2C (Lithium iron phosphate) ដែលសាកភ្លើងមួយពេញម្តងអាចបើកបរបានចម្ងាយផ្លូវ 510kW តាមការបញ្ជាក់ពីស្ថាប័ន CLTC។
បើតាមការបញ្ជាក់ពី Wuling បានឲ្យដឹងថា រថយន្តអគ្គិសនី SUV ស៊េរីថ្មីរបស់ខ្លួនគាំទ្របច្ចេកវិទ្យាសាកភ្លើងល្បឿនលឿនកម្រិត 2C Fast Charging ដែលមានសមត្ថភាពសាកភ្លើង 15 នាទីអាចបញ្ចូលថាមពលក្នុងការបើកបរបានចម្ងាយផ្លូវ 200km។ ចំនែកការសាកភ្លើងល្បឿនយឺតវិញ គឺចំនាយពេលប្រមាណ 10 ម៉ោងសាកពី 10% ទៅ 80%។ រថយន្តអគ្គិសនី mid-size SUV ស៊េរីថ្មីនេះអាចជាន់សន្ទុះល្បឿនលឿនបំផុតដល់ 175km/h។
ចំនែកម៉ូដែល PHEV វិញ គឺមានបំពាក់នូវម៉ាស៊ីន Hybrid ទំហំ 1.5-Liter ដែលមានកំលាំង 78kW ឬ 105 សេះ និងកំលាំងរមូល 130Nm ដំណើរការរួមគ្នាជាមួយនឹងប្រព័ន្ធម៉ូទ័រអគ្គិសនីមួយកំលាំង 150kW និងកំលាំងរមូល 310Nm និងដំណើរការដោយប្រអប់លេខ E-CVT។ ម៉ូដែល PHEV របស់ Wuling Starlight S នៅមានបំពាក់កញ្ចប់អាគុយពីរទំហំ គឺ 9.5kWh និង 20.5kWh ដែលអាចសាកភ្លើងមួយពេញអាចបើកបរដោយប្រថាមពលអគ្គិសនីសុទ្ធបាន 60km និង 130km។ រថយន្តនេះមានធុងសាំងដែលអាចផ្ទុកបានចំណុះ 53 លីត្រ ហើយអាចជាន់ល្បឿន Top Speed បានដល់ 170km និងអាចបើកបរបានដលចម្ងាយផ្លូវ 1,100km ឯណោះ។
នៅផ្នែកខាងក្នុងរបស់ Wuling Starlight S មានបំពាក់នូវអេក្រង់កម្សាន្តទំហំ 15.6-inch អេក្រង់បង្ហាញព័ត៌មានទំហំ 8.8-inch និងមានការឌីស្សាញដៃចង្កូតបែប Flat-bottom steering wheel។ ប្រព័ន្ធដំណើរការលើអេក្រង់របស់ Starlight S គឺប្រើនូវប្រតិបត្តិការ Ling OS ដែលអាចធ្វើបច្ចុប្បន្នភាពតាមរយះ OTA, គាំទ្រមុខងារបញ្ជាដោយសំឡេង និងការបញ្ជាតាមរយះស្មាតហ្វូនជាដើម។ រថយន្តនេះក៏គាំទ្រប្រព័ន្ធជំនួយការបើកបរកម្រិត 2-level advanced driving assistant ផងដែរ។
បន្ថែមពីនេះ Wuling Starlight S នៅមានបំពាក់កៅអីស្បែកដំណើរការដោយប្រព័ន្ធអេឡិចត្រូនិចអាចបញ្ជា ឬកំណត់បាន 6 របៀបសម្រាប់កៅអីតៃកុង។ ហើយកៅអីខាងមុខមានបំពាក់នូវមុខងារកម្តៅ និងម៉ាស្សា ខណៈកៅអីជួរក្រោយមានមុខងារកម្តៅផងដែរ ហើយកៅអីខាងក្រោយនេះ ក៏អាចកាច់បាន 127 ដឺក្រឹងថែមទៀតផង។ រថយន្ត mid-size SUV នេះ មានបំពាក់ពោងសុវត្ថិភាពចំនួន 6 កន្លែង, កន្លែងទុកដាក់របស់របរចំនួន 23 កន្លែង រួមជាមួយដំបូលបើក panoramic sunroof ទំហំ 1.18㎡ និងឃ្លប់ខាងក្រោយអាចផ្ទុកអីវ៉ាន់បានចំនុះ 610 លីត្រ និងដល់ 1,768 លីត្រនៅពេលកាច់កៅអីជួរទីពីរចុះ៕
