ការលក់រថយន្ត Ford ប្រចាំឆ្នាំ 2023 នៅទីផ្សារអាមេរិកមានការកើនឡើងប្រមាណ 7% ធៀបនឹងឆ្នាំ 2022

ថ្មីៗនេះក្រុមហ៊ុនផលិតរថយន្តម៉ាក Ford របស់អាមេរិកបានធ្វើការប្រកាសចេញនូវតួរលេខនៃការលក់រថយន្តរបស់ខ្លួនប្រចាំនៅទីផ្សារសហរដ្ឋអាមេរិក។ នៅក្នុងរបាយការណ៍បានបង្ហាញថាការលក់រថយន្តរបស់ Ford ប្រចាំខែវិច្ឆិកា កន្លងទៅមានការធ្លាក់ចុះបន្តិច គឺធ្លាក់ចុះប្រមាណ 0.5% ធៀបពីមួយឆ្នាំទៅមួយឆ្នាំ ដោយក្រុមហ៊ុកលក់រថយន្តសរុបបានចំនួន 145,559 គ្រឿង។

ទោះជាយ៉ាងសម្រាប់តួរលេខនៃការលក់ប្រចាំឆ្នាំ 2023 របស់ Ford គឺមានការកើនឡើងដោយក្រុមហ៊ុនលក់រថយន្តបានសរុបដល់ 1.8 លានគ្រឿង កើនប្រមាណ 7% បើធៀបនឹងឆ្នាំ 2022។ បើគិតតាមតួរលេខ ការលក់រថយន្តម៉ាក Ford មានការធ្លាក់ចុះបន្តិច គឺប្រមាណ 1% នៅខណៈពេលដែលម៉ាកយីហោរថយន្តប្រណិតរបស់ Ford គឺ Lincoln មានការកើនឡើងប្រមាណ 2%។ ហើយបើគិតពីតួរលេខក្នុងការលក់ពីមួយឆ្នាំទៅមួយឆ្នាំនៃរថយន្តម៉ាក Ford គឺមានការកើនឡើងប្រមាណ 8% ស្របពេលដែលម៉ាក Lincoln មានការធ្លាក់ចុះនៃការលក់ប្រចាំឆ្នាំប្រមាណ 5%។

សម្រាប់រថយន្តអគ្គីសនីម៉ាក Ford F-150 Lightning បានឈានមុខគេក្នុងការលក់ប្រចាំខែវិច្ឆិកាកន្លងទៅ ដោយម៉ូដែលនេះ លក់បានចំនួន 4,393 គ្រឿង។ ចំនែកម៉ូដែល Ford Mustang Mach-E មានកំណើនការលក់ប្រចាំឆ្នាំប្រមាណ 21% រីឯលក់សម្រាប់រថយន្តម៉ូដែល Ford E-Transit មានការធ្លាក់ចុះប្រមាណ 59%។ ចំពោះការលក់រថយន្តប្រភេទ BEV របស់ Ford ពីមួយឆ្នាំទៅមួយឆ្នាំ គឺបានកើនឡើងលើសពី 62,000 គ្រឿង កើនឡើងប្រមាណ 16% ធៀបនឹងឆ្នាំមុន និងមានចំនួន 3.6% នៃចំនួនដែលលក់បានសរុប។ កំណើននេះ គឺជាបង្ហាញពីភាពល្អប្រសើរបំផុត ក្នុងការជម្រុញដ៏ការអភិវឌ្ឍន៍យ៉ាងឆាប់រហ័សនៅក្នុងឧស្សាហកម្មមួយនេះ និងគោលដៅដ៏មហិច្ឆតារបស់ Ford នាពេលអនាគត៕