នៅថ្ងៃនេះ លោក Zhao Changjiang ដែលជាប្រធានផ្នែកលក់របស់ Denza បានចេញមកបញ្ជាក់ពីពេលវេលានៃការនាំចេញនូវ N9 ដែលជាម៉ូដែល SUV បែបប្រណិតរបស់ខ្លួនហើយ។ យោងតាមការជូនដំណឹងនៅថ្ងៃទី 9 ខែមេសានេះ បាននិយាយថា ក្រុមហ៊ុននឹងធ្វើការដឹកញ្ជូនរថយន្តនេះទៅអោយអតិថិជនដែលបានកក់ទុកមុននៅចន្លោះពី 3 ទៅ 4 សប្តាហ៌ខាងមុខ ខណៈដែលអ្នកដែលត្រូវបានជ្រើសរើសជាពិសេសនោះ នឹងទទួលបានរថយន្តរបស់ខ្លួននៅលើ Stage នាខែឧសភា និងខែមិថុណា។
សូមជំរាបថា Denza N9 បានប្រកាសចេញជាផ្លូវការណ៌ជាមួយតម្លៃចាប់ពី 389,800 យ៉ន់ ដែលប្រហាក់ប្រហែល 53,800 ដុល្លារ ខណៈដែលម៉ូដែល Premium 6 កៅអី មានតម្លៃ 400,000 យ៉ន់ ស្មើរនឹង 55,000 ដុល្លារ។ រថយន្តនេះក៏មានម៉ូដែលពីរផ្សេងទៀតផងដែរ នោះគឺ Prestige មានតម្លៃ 389,800 យ៉ន់ស្មើរនឹង 53,800 ដុល្លារ ហើយចំពោះម៉ូដែល Flagship Edition មានតម្លៃ 449,800 យ៉ន់ ដែលប្រហែលជា 61,500 ដុល្លារ។ Denza N9 មានទំហំ 5,258/2,030/1,830 mm និងគម្លាតកង់មុខក្រោយប្រវែង 3,125mm។ ទំហំនេះ គឺប្រហែលគ្នាជាមួយនិង Aito M9 ដែលមានទំហំ 5,230/1,999/1,800mm និងគម្លាតកង់មុខក្រោយប្រវែង3,110mm។
រថយន្តស៊េរីថ្មីនេះ មានដំបូលរចនាឡើងជាមួយពណ៌ខ្មៅ និងអាចបើកបានពីមុខដល់ក្រោយជា Panoramic sunroof ដែលមានផ្ទៃ 3.2 ម៉ែត្រការ៉េ។ Denza N9 ដំណើរការដោយប្រព័ន្ធម៉ូទ័រអគ្គិសនីចំនួន 3 ដែលគាំទ្រនូវប្រព័ន្ធគ្រប់គ្រង់ឯករាជ្យ Independent steering សម្រាប់ប្រព័ន្ធ dual rear motors។ ប្រព័ន្ធម៉ូទ័រទាំងបីរបស់ Denza N9 គឺប្រើប្រាស់នូវប្រភេទម៉ូទ័រ AC asynchronous motor សម្រាប់ម៉ូទ័រខាងមុខ និង permanent magnet synchronous motor នៅផ្នែកខាងក្រោយទាំងខាងឆ្វេង និងខាងស្តាំ។ សម្រាប់ម៉ូទ័រខាងមុខមានកំលាំង 200kW ឬ 268 សេះ និងកំលាំងរមូល 315Nm ខណៈម៉ូទ័រខាងក្រោយទាំងពីរមានកំលាំង 240KW ឬ 322 សេះ និងកំលាំងរមូល 360Nm សម្រាប់ម៉ូទ័រនីមួយៗ។
ទៅលើការធ្វើតេស្តបើកបរកម្រិត moose test គឺអាចជាន់ល្បឿនដល់ 85.73km/h។ ហើយសម្រាប់ range extender វិញ Denza N9 បានបន្ថែមនូវម៉ាស៊ីន Hybrid ទំហំ 2.0T កំលាំង 204 សេះ និងកំលាំងរមូល 325Nm ព្រមទាំងបំពាក់កញ្ចប់ថ្មប្រភេទ Blade battery មានទំហំ 46.9kWh ដែលសាកភ្លើងពេញម្តងអាចបើកដោយថាមពលថ្មសុទ្ធបានចម្ងាយផ្លូវ 202km និងបានដល់ 1,302km នៅពេលគូបជាមួយនឹងម៉ាស៊ីនចាក់សាំងមួយពេញ។
សម្រាប់អនុភាពកំលាំងវិញ Denza N9 អាចជាន់ស្ទុះពី 0 ទៅ 100km/h ចាយពេញខ្ទង់ 3.9 វិនាទី។ ទៅលើកម្រិតស៊ីសាំងវិញ គឺខ្ទង់ 6.3L/100km ហើយការសាកភ្លើងចូលវិញ គឺគាំទ្របច្ចេកវិទ្យាសាកភ្លើងល្បឿនលឿនដោយសាកពី 30% ទៅ 80% ចាយពេលខ្ទង់ 19 នាទី។ រថយន្ត Plug-in-hybrid SUV មួយនេះ គាំទ្រនូវប្រព័ន្ធ Lingyuan intelligent vehicle-mounted drone system ដែលជាការសហការអភិវឌ្ឍន៍ផលិតរវាង BYD និង DJI រួមនឹងប្រព័ន្ធជំនួយការបើកបរឆ្លាតវៃ God’s Eys B ឬ DiPilot 300 ដែលភ្ជាប់ដំណើរការជាមួយប្រព័ន្ធសែនស័រ LiDAR ចំនួន 128-line, millimeter-wave radars ចំនួន 5 គ្រាប់, ultrasonic radars ចំនួន 12 គ្រាប់ និងសែនស័រកាមេរ៉ាចំនួន 14 គ្រាប់ ដែលផ្តល់នូវកម្រិតសុវត្ថិភាពខ្ពស់ក្នុងការបើករបរនៅគ្រប់ស្ថានភាព។
សម្រាប់កញ្ចប់សុវត្ថិភាពដែល Denza N9 អាចធ្វើបានមានដូចជា ប្រព័ន្ធចាប់ហ្វ្រាំងបន្ទាន់ស្វ័យប្រវត្តិ automatic parking assistance នៅក្នុងស្ថានភាព vertical/lateral/diagonal parking spaces, មុខងារបញ្ជាការចូលចំណោត remote control parking, ប្រព័ន្ធរក្សារថយន្តស្ថិតក្នុងគន្លងផ្លូវ emergency lane keep assist, និងមុខងារប្រាប់ពីឧបសគ្គខាងក្រោយ blind spot monitoring ជាដើម។ សម្រាប់ការបើកបរនៅពេលយប់ប្រព័ន្ធ automatic emergency braking អាចធ្វើការបញ្ឈប់រថយន្តនៅពេលមានឧបសគ្គបាននៅល្បឿន 110km/h។
ចូលមកផ្នែកខាងក្នុងមានការឌីស្សាញជាពីរពណ៌ គឺប្រផេះ និងស ជាមួយការរៀបកៅអីជារបៀប 2x2x2 six-seats layout។ កៅអីជួរទីពីរគាំទ្រនូវមុខងារកំនត់ការប្រើប្រាស់បាន 14 របៀប 14-way electric adjustment ហើយនិងមាន Tablet មួយសម្រាប់ប្រើប្រាស់មុខងារផ្សេងៗ រួមនឹងទូរទឹកកកចំណុះ 11L គាំទ្រមុខងារក្តៅ និងត្រជាក់, កន្លែងសាកថ្មស្មាតហ្វូនឥតខ្សែកំលាំង 50W រួមនឹងមានមុខងារកំដៅកៅអី ខ្យល់ត្រជាក់ និងម៉ាស្សាថែមទៀតផង។ សម្រាប់កៅអីជួរទីបីអាចធ្វើការកំណត់របៀបប្រើប្រាស់បាន 6 របៀប ព្រមទាំងមានមុខកំដៅកៅអីផងដែរ។
កាន់តែទំនើបក្នុងការប្រើប្រាស់ជាមួយ Denza N9 PHEV SUV ជាមួយនឹងប្រព័ន្ធអេក្រង់ក្នុងកាប៊ីនដែលមានទំហំធំដល់ទៅ 17.3-inch កម្រិតបង្ហាញ 2.5K សម្រាប់អេក្រង់កម្សាន្តនៅកណ្តាល អេក្រង់ co-pilot ទំហំ 13.2-inch កម្រិតបង្ហាញ 2.5k គាំទ្រជាមួយប្រព័ន្ធដំណើរការ DiLink 150 system របស់ BYD ព្រមទាំងមុខងារបង្ហាញលើកញ្ចក់ដំបូល AR-HUD ទំហំ 50-inch។
សម្រាប់ម៉ូដែល High End របស់ N9 មានបន្ថែមនៅអេក្រង់បង្ហាញព័ត៌មានខាងក្រោយដៃចង្កូតទំហំ 13.2-inch កម្រិត 2.5K LCD មួយទៀត។ រថយន្ត Full-size PHEV SUV មួយនេះ មានបំពាក់នូវប្រព័ន្ធបំពង់សំឡេងចំនួន 26 គ្រាប់ម៉ាក Devialet ទូរទស្សន៍ទំហំ 17.3-inch ភ្ជាប់នៅលើដំបូលសម្រាប់អ្នករួមដំណើរខាងក្រោយទស្សនា, គាំទ្រមុខងារបញ្ជាតាមទូរស័ព្ទដៃ ជំនួយការសំឡេង AI Voice Assistant និងអាចច្រៀងខារ៉ាអូខេបានថែមទៀតផង៕
