Lynk & Co ម៉ូដែលថ្មីមានកម្លាំង 523 សេះ ត្រៀមបង្ហាញវត្តមាននៅលើទីផ្សារប្រទេសចិនឆាប់ៗនេះ

បន្ទាប់ពីការចែកចាយព័ត៌មានជាច្រើនរួចមក នៅថ្ងៃនេះ Lynk & Co 10 EM-P គឺជាឡានប្រភេទ plug-in hybrid sedan របស់ Geely ត្រូវបានគេទម្លាយចេញនូវរូបភាពផ្លូវការណ៌ ហើយថែមទាំងមានការបញ្ជាក់ពីការប្រកាសនៅលើទីផ្សារប្រទេសចិនថែមទៀតផង។ ឡានកូនកាត់អគ្គិសនីថ្មីនេះ នឹងមានការបង្ហាញវត្តមាននៅលើទីផ្សារនាត្រីមាសទី 3 ឆ្នាំ 2025 ខាងមុខនេះ ជាមួយនិងកម្លាំង 523 សេះ នឹងអាចរត់ជាមួយអគ្គីសនីសុទ្ធបានចម្ងាយ 192km។ រថយន្តនេះមានការឌីស្សាញពណ៌ Xirallic body color។ 

សូមជំរាបថា Lynk & Co 10 EM-P ថ្មីនេះ ត្រូវបានគេទម្លាយចេញជាលកដំបូងនៅថ្ងៃទី 11 ខែមិថុនា ដែលនេះជាសមាជិក plug-in hybrid ថ្មីរបស់ម៉ូដែល Z10 BEV sedan ដែលបង្ហាញខ្លួនកន្លងមក ហើយទាក់ទងជាមួយលក្ខណៈសម្បត្តិទូទៅនៅលើរថយន្ត Lynk & Co 10 EM-P នេះ ក៏ត្រូវបានស្ថាប័ន Chinese Ministry of Industry and Information Technology (MIIT) ធ្លាប់បង្ហាញចេញកាលពីថ្ងៃទី 20 ខែមិថុនានេះរួចហើយ។ នៅថ្ងៃទី 27 ខែមិថុនានេះ ក្រុមហ៊ុន Lynk & Co ក៏បានបន្តចែករំលែកនូវរូបភាពផ្លូវការណ៌របស់ម៉ូដែលថ្មីនេះ រួមជាមួយនិងលក្ខណៈសម្បត្តិថ្មីៗមួយចំនួនផងដែរ។

សម្រាប់រូបភាព Lynk & Co 10 EM-P ដែលចេញមកនៅពេលនេះ គឺមានពណ៌ Xirallic body paint ដែលគេស្គាល់ច្បាស់ថា គឺជាពណ៌ប្រណិតបំផុត។ កន្លងមកក្រុមហ៊ុននេះបានបង្ហាញថា ពណ៌នេះ គឺជាពណ៌ “Gilded Gold” ដោយសារតែមានការលាយចូលគ្នាជាមួយនិងពណ៌មាស និងពណ៌បៃតង។ សម្រាប់ការឌីស្សាញថ្មីនេះ Lynk & Co PHEV នៅតែបន្តយកលំនាំតាមម៉ូដែល sedan ដែលបង្ហាញចេញកន្លងដដែល។

ឡានថ្មីនេះមានការប្រើប្រាស់យ៉ាន់ពីរពណ៌មានទំហំ 21 អ៊ីង និងមានដៃទ្វាលាក់ចូលក្នុងហើយនិងមានផ្នែកខាងក្រោយមានភាពរលោងស្អាតមែនទែន។ ចំពោះផ្នែកខាងមុខវិញ គឺមានការតម្លើងនូវសិនស័រ mm-wave radar ហើយនិងមានសិនស័រ LiDAR នៅលើកញ្ចក់ខាងមុខផងដែរ។ Lynk & Co 10 EM-P នេះប្រើប្រាស់ម៉ាស៊ីន 1.5-liter ICE រួមជាមួយនិង DHT Evo drivetrain ហើយនឹងមានម៉ូទ័រ P4 នៅផ្នែកខាងក្រោយ។ Lynk & Co 10 EM-P មានកម្លាំង 390 kW (523 សេះ) និងកម្លាំរមួល755 Nm។

និយាយពីការឌីស្សាញរូបរាងវិញ Lynk & Co 10 EM-P គឺមានវិមាត្រ 5050/1966/1487mm ខណៈដែលកម្លាតកង់មុខក្រោយមានប្រវែង 3,005mm និងមានការប្រើប្រាស់កង់ទំហំ R19 ឬ R21។ រថយន្តថ្មីនេះមានសមត្ថភាពអាចដឹកបាន 2,137kg ទៅ 2,257 kg អាស្រ័យលើទំហំអាគុយ។