ឡានអគ្គិសនី Leapmotor B01 ផ្តើមលក់មុននៅចិនជាមួយតម្លៃតែជាង 1 ម៉ឺនដុល្លារប៉ុណ្ណោះ

កាលពីថ្ងៃទី 29 ខែមិថុនាកន្លងទៅនេះ ក្រុមហ៊ុនផលិតរថយន្ត Leapmotor បានប្រកាសដាក់លក់មុនទៅលើទៅលើឡានអគ្គិសនីស៊េរីថ្មី Leapmotor B01 នៅលើទីផ្សារប្រទេសចិនហើយ ដោយមាន 5 ម៉ូដែលផ្សេងគ្នា មានតម្លៃចាប់ពី 105,800 យ៉ន់ ទៅ 135,800 យ៉ន់ ប្រហាក់ប្រហែល 14,760 ដុល្លារ ទៅ 18,950 ដុល្លារ។ សូមជំរាបថា ឡានអគ្គិសនីស៊េរីថ្មី Leapmotor B01 គឺជាម៉ូដែលអគ្គិសនីសុទ្ធដំបូងគេ ដែលស្ថិតនៅក្នុងត្រកូល Leapmotor B series ដែលមានការឌីស្សាញរូបរាងតាមស្តង់ដារ LEAP 3.5 និងមានសមត្ថភាពអាចរត់បានចម្ងាយ 550km និង 650km។ 

តាមការបញ្ជាញ់របស់ក្រុមហ៊ុនបាននិយាយថា ការប្រកាសចេញជាផ្លូវការណ៌ទៅលើឡានអគ្គិសនីស៊េរីថ្មី Leapmotor B01 ថ្មីនេះ នឹងធ្វើឡើងនៅខែកក្កដាខាងមុខ។ សម្រាប់ម៉ូដែលនេះ ត្រូវបាន Leapmotor ឌីស្សាញតាមស្ថាបត្យកម្ម 0.197 Cd ដែលមានវិមាត្រ 4770/1880/1490mm និងគម្លាតកង់មុខក្រោយប្រវែង 2735 mm។ និយាយពីការប្រើប្រាស់នៅលើរថយន្តអគ្គិសនីថ្មីនេះ គឺមាន 2 ម៉ូដែល មានការបំពាក់នូវសិនស័រ roof lidar ចំនួន 27 គ្រាប់ គាំទ្រដោយបន្ទះឈីប Qualcomm Snapdragon 8650 ទៅលើជំនួយការបើកបរថែមទៀតផង។ នៅក្នុងនោះក៏មានបូករួមទាំងការបើកបរនៅលើ highway និង urban navigation សម្រាប់ការបើកបរដោយស្វ័យប្រវត្តិ ក៏ដូចជាជំនួយការចូលចតផងដែរ។

ជាមួយគ្នានេះ នៅលើ Leapmotor B01 ក៏មានញការដាក់អោយដំណើរការនៅលើឈីបប 5nm automotive-grade Qualcomm Snapdragon 8295P ដែលមានការគាំទ្រដោយប្រព័ន្ធ Leapmotor OS 4.0 Plus cockpit system ដែលមានការតម្លើងមកជាមួយនូវបច្ចេកវិទ្យា AI voice assistant ទៀតផង។ បន្ថែមពីនេះ នៅលើឡានអគ្គិសនីស៊េរីថ្មី Leapmotor B01 ក៏មានការបំពាក់នូវអេក្រង់ទំហំ 8.8 អ៊ីង full LCD instrument panel និងមួយទៀតមានទំហំ 14.6-អ៊ីង កម្រិត 2.5K នៅចំកណ្តាលផងដែរ។

ឡានអគ្គិសនីស៊េរីថ្មី Leapmotor B01 ប្រើប្រាស់នូវម៉ូទ័រក្រោយកម្លាំង 132 kW (177 សេះ) ឬ 160 kW (215 សេះ) ផ្អែកលើអាគុយទំហំ 56.2 kWh និង 67.1 kWh នឹងមានសមត្ថភាពអាចរត់បានចម្ងាយ 550km និង 650km ព្រមទាំងសាកបញ្ចូលថ្មពី 30% ទៅ 80% ប្រើប្រាស់ពេលត្រឹមតែ 18 នាទីប៉ុណ្ណោះ។