ឡានប្រណិត Range Rover Sport SV ម៉ូដែលពិសេស Black Edition នឹងបង្ហាញវត្តមាននៅឆ្នាំ 2026

នៅថ្ងៃនេះ ក្រុមហ៊ុនផលិតរថយន្ត Land Rover បានប្រកាសចេញនូវរថយន្ត SUV ជំនាន់ថ្មីរបស់ខ្លួនម៉ូដែល Range Rover Sport SV Black Edition ដែលដំណឹងនេះគឺជាសញ្ញានៃការត្រឡប់មកសារជាថ្មីនៃស្រឡាយ SUV ដ៏ប្រណិតរបស់ក្រុមហ៊ុននេះបន្ទាប់ម៉ូដែលពិសេសចំនួនពីរនៃម៉ូដែលថ្មីនេះ គឺត្រូវបានលក់អស់ស្តុក។

តាមប្រភពខាងលើនេះ និយាយថា ឡានថ្មីម៉ូដែលពិសេសនេះ នឹងមានការប្រកាសចេញនៅលើទីផ្សារនាឆ្នាំ 2026 ខាងមុខ ហើយសម្រាប់ SV Black Edition នេះ គឺត្រូវបានក្រុមហ៊ុនធ្វើផលិតចេញមានការសម្រិតសម្រាំងជាពិសេសដោយភ្ជាប់ជាមួយនិងពណ៌ខ្មៅក្រិបតែម្តង។

ជាមួយនិងឈ្មោះថា Range Rover Sport SV Black Edition នេះ គឺក្រុមហ៊ុនឌីស្សាញតាមស្ថាបត្យកម្ម ‘Narvik Black’ ដែលមានន័យថា គឺធ្វើអោយច្បាស់តាំងពីរមុខដល់ក្រោយ។ នៅលើរថយន្តទាំងមូលនេះ គឺមានការឌីស្សាញជាមួយពណ៌ខ្មៅ ទាំងស្រុង រួមនិង Carbon fiber bonnet ក៏ដូចជាយ៉ាន់កង់ទំហំ 23-អ៊ីង alloy wheels ហើយនឹងក្រចាប់ហ្រាំងជាដើម។ យោងតាមក្រុមហ៊ុន Land Rover បានអោយដឹងថា ពណ៌ខ្មៅ ត្រូវបានលាតពេញនៅរថយន្តនេះ។ សម្រាប់ផ្នែកខាងក្នុងវិញ្ SV Black Edition នេះគឺមានការរចនាចេញជាមួយនិងខ្មៅ black ‘Windsor’ គឺខ្មៅក្រឹបគ្រប់កន្លែង។

Range Rover Sport SV Black Edition ថ្មីនេះ ដំណើរការនៅលើម៉ាស៊ីនចំនុះ 4.4-litre twin-turbocharged petrol V8 engine មានកម្លាំង 467kW និងកម្លាំងរមួល 750Nm ដែលបង្កើតល្បឿនពី 0 ទៅ 100km/h ប្រើប្រាស់ពេលត្រឹមតែ 3.9 វិនាទីប៉ុណ្ណោះ។ ឡាននេះអាចបើកក្នុងល្បឿនលឿនបំផុតបាន 290km/h។

Range Rover Sport SV Black Edition គឺមានការប្រព័ន្ធ mild-hybrid system សម្រាប់ជំនួយផងដែរ ដោយស៊ីប្រេង 11.7L ក្នុងចម្ងាយ 100km។ Range Rover Sport SV Black Edition នឹងមានការដាក់បញ្ជាអោយទិញមុនបាននៅចុងឆ្នាំ 2025 ហើយនឹងអាចដល់ទីផ្សារនាឆ្នាំ 2026។