ត្រឹម 1 ម៉ោងប៉ុណ្ណោះ!‍ Xiaomi YU7 SUV មានការកក់មុន 289,000 គ្រឿងហើយ

នៅពេលនេះ Xiaomi បានប្រកាសសម្ពោធជាផ្លូវការណ៌នូវរថយន្តអគ្គិសនីស៊េរីថ្មីរបស់ខ្លួនម៉ូដែល YU7 SUV នៅលើទីផ្សារប្រទេសចិនហើយ គឺនៅក្នុងកម្មវិធីមួយដែលមានឈ្មោះថា “Human x Car x Home” រៀបចំកាលពីថ្ងៃទី 26 ខែមិថុនានេះ។ សម្រាប់វត្តមានរបស់ mid-size fastback SUV ថ្មីនេះ គឺមានតម្លៃចាប់ពី 253,500 យ៉ន់ ដែលប្រហែលជា 35,000 ដុល្លារអាមេរិក សម្រាប់ម៉ូដែលស្តង់ដារ និងតម្លៃ 279,900 យ៉ន់ប្រហែល 38,700 ដុល្លារសម្រាប់ម៉ូឌែល Pro ខណៈដែលម៉ូដែល Max trim គឺមានតម្លៃ 329,900 យ៉ន់ប្រហែល 45,600 ដុល្លារ។

គិតត្រឹមរយៈពេល 60 នាទីក្រោយការដាក់សម្ពោធជាផ្លូវការណ៌នូវរថយន្តអគ្គិសនីនេះ មានការចេញនូវរបាយការណ៍លក់ពីក្រុមហ៊ុនមកថា ឡានអគ្គិសនីស៊េរីថ្មី Xiaomi YU7 SUV ថ្មីនេះ គឺមានការកក់ទុកមុនចំនួន 289,000 គ្រឿង រួចហើយ ដែលតួរលេខនេះ គឺខ្ពស់ជាងការបង្ហាញវត្តមានរបស់ SU7 កាលពីឆ្នាំមុន។ 

ឡានអគ្គិសនីស៊េរីថ្មី Xiaomi YU7 SUV នេះ គឺមានការឌីស្សាញរូបរាងពិតជាទាក់ទាកខ្លាំងមែនទែន ដោយមានការបំពាក់នូវ fastback silhouette ជាមួយនិង aerodynamic design ដែលមានការរួមបញ្ចូលនូវ active grille shutters ហើយនិងដៃទ្វា hidden electric door handles រួមជាមួយរូបរាងតាមស្តង់ដារ 0.245 ថែមទៀតផង។ ឡានថ្មីនេះ នៅតែបន្តធ្វើការរចនាតាមរចនាបទ Modena EV platform ដែលមានប្រវែង 4,999mm ទទឹង 1,996mm និងកំពស់ 1,608 mm ហើយនិងមានគម្លាតកង់មុខក្រោយ 3,000mm។ ឡានអគ្គិសនីថ្មីនេះ មានការប្រើប្រាស់នូវកង់ 2 ជម្រើស គឺទំហំ 19 អ៊ីង និងទំហំ 21 អ៊ីង។

ឡានអគ្គិសនីស៊េរីថ្មី Xiaomi YU7 SUV នេះ មានជម្រើស 9 ពណ៌ ដូចបូករួមទាំង “Gemstone Green” ដែលជាពណ៌ផ្លូវការណ៌ផងដែរ។ សម្រាប់ខាងក្នុងគឺមានជម្រើសពណ៌ Turquoise Grey, Coral Orange, Twilight Blue និង Iris Purple។ គ្រប់ម៉ូដែល YU7 គឺមានការប្រើប្រាស់ប្រព័ន្ធសាកបញ្ចូលថាមពល Xiaomi 800V silicon carbide high-voltage architecture ហើយនឹងមានការប្រើប្រាស់នូវម៉ូទ័រ V6s Plus motors របស់ក្រុមហ៊ុនទៀតផង។ 

សម្រាប់ម៉ូដែល YU7 គឺមានការប្រើប្រាស់នូវ rear-wheel-drive model គឺមានម៉ូទ័រកម្លាំង 235kW គាំទ្រដោយអាគុយទំហំ 96.3kWh LFP battery អាចបង្កើតល្បឿនពី 0–100 km/h ប្រើប្រាស់ពេល 5.88 វិនាទី។ ចំពោះម៉ូដែល Pro គឺជាប្រភេទ Dual Motors សម្រាប់ AWD មានកម្លាំង 365kW អាចបង្កើតល្បឿន 0–100km/h ប្រើប្រាស់ពេលត្រឹមតែ 4.27 វិនាទី។ រីឯម៉ូដែល Max គឺមានការប្រើប្រាស់នូវ Dual Motors មានម៉ូទ័រកម្លាំង 508 kW ស្មើរនឹង 690សេះ និងមានកម្លាំងរមួល 866Nm មានសមត្ថភាពអាចបង្កើតល្បឿនពី 0 ទៅ 100 km/h ប្រើប្រាស់ពេលត្រឹមតែ 3.23 វិនាទីប៉ុណ្ណោះ។ ឡាននេះ គឺមានការបសមត្ថភាពអាចរត់បានល្បឿន 253 km/h។ ឡាននេះ គឺប្រើប្រាស់ទំហំ 101.7 kWh NCM battery។

និយាយការបើកបរវិញឡានអគ្គិសនី YU7 ម៉ូដែលស្តង់ដារអាចរត់បាន 835 km (RWD) ម៉ូដែល Pro អាចរត់បាន 770 km ហើយនិងម៉ូដែល Max អាចរត់បាន 760km តាមស្តង់ដារ CLTC ដូចៗគ្នា។ បន្ថែមពីនេះ YU7 ក៏មានការទ្រទ្រង់ជាមួយនិង 5.2C ultra-fast charging ដែលសាកត្រឹមតែ 15 នាទីប៉ុណ្ណោះអាចរត់បានចម្ងាយ 620km។