ការលក់ឡានអគ្គិសនី BYD Xia MPV ជម្រើស 7 កៅអី កាលពីខែមិថុនា បានចំនួនជាង 5 ពាន់គ្រឿង

នៅថ្ងៃនេះ ក្រុមហ៊ុន BYD បានបន្តធ្វើការនាំចេញឡាន Xia MPV ដែលជាម៉ូដែលកំពុងតែមានប្រជាប្រិយភាពទៅកាន់ទីផ្សារប្រទេសមិកសិកូថែមទៀតហើយ។ សម្រាប់ម៉ូដែលនេះត្រូវបានក្រុមហ៊ុនធ្វើការប្រកាសចេញនៅលើទីផ្សារកាលពីថ្ងៃទី 25 ខែមិថុនាកន្លងទៅនេះ។ សូមជំរាបថា នេះគឺជាម៉ូដែលមួយដែលឈ្មោះពី BYD M9 ដែលលក់នៅលើទីផ្សារប្រទេសចិន ហើយនេះក៏ជាម៉ូដែល hybrid MPV ដំបូងគេនៅក្នុងប្រទេសនេះផងដែរ នេះបើតាមការបញ្ជាក់ក្នុងសេចក្តីប្រកាសផ្លួវការណ៌នៅថ្ងៃនេះ។

ជាមួយនិងការដាក់លក់នៅលើទីផ្សារប្រទេសមិកសិកូនេះ ឡានអគ្គិសនី BYD ថ្មីនេះ គឺមានតម្លៃ $52,180 ដុល្លារ។ និយាយពីកម្លាំងនិងការប្រើប្រាស់វិញ្ រថយន្តថ្មីនេះ ដំណើរការនៅលើអាគុយ NEDC មានសមត្ថភាពអាចរត់បានចម្ងាយ 95km ខណៈដែលកាបូកបញ្ចូលគ្នារវាង NEDC និងចាក់សាំងពេញ អាចរត់បាន 945km។ បើតាមការបញ្ជាក់ពី Ray Zou ដែលជានាយកគ្រប់គ្រងក្រុមហ៊ុន BYD ប្រចាំនៅមិកសិកូ បាននិយាយថា ការបង្ហាញវត្តមាននៅលើទីផ្សារថ្មីនេះ គឺជាយុទ្ធសាស្រ្តថ្មីមួយទៀតសម្រាប់ក្រុមហ៊ុននៅក្នុងការពង្រីកទីផ្សារនៅក្នុងតំបន់អាមេរិកខាងត្បូង។ BYD Xia ត្រូវបានប្រកាសដាក់លក់ជាលើកដំបូងនៅលើទីផ្សារចិនកាលពីថ្ងៃទី 8 ខែមករាកន្លងទៅនេះ ជាមួយនិងបច្ចេកវិទ្យា DM hybrid technology ជំនាន់ទី 5។ 

ឡានអគ្គិសនី BYD Xia MPV ជាប្រភេទឡានមានកៅអី 3 ជួ ជម្រើស 7 កៅអី និងមានប្រវែង 5,145mm ទទឹង 1,970mm ហើយនិងកំពស់ 1,805mm ខណៈដែលគម្លាតកង់មុខក្រោយមានប្រវែង 3,045mm។ ឡាននេះមាន 4 ជម្រើសនៅលើទីផ្សារប្រទេសចិន និងមានតម្លៃចាប់ពី $34,870 ដុល្លារឡើង។ BYD Xia MPV ត្រូវបានក្រុមហ៊ុននាំចេញបាន 5,018 គ្រឿងកាលពីខែមិថុនាកន្លងទៅ ដោយបានធ្វើអោយចំនួននៃការនាំចេញសរុបម៉ូដែលនេះ កើនឡើងដល់ 47,785 គ្រឿងហើយមកដល់ពេលនេះ។