BYD ចេញឡានថ្មីរត់បានចម្ងាយ 2,000km មានតម្លៃត្រឹមតែមួយម៉ឺនប្រាំពាន់ដុល្លារទេ

នៅពេលនេះ ឡានអគ្គិសនី BYD Seal 06 DM-i ម៉ូដែល PHEV station wagon បានប្រកាសចេញជាផ្លូវការណ៌នៅលើទីផ្សារប្រទេសចិនហើយដោយមានតម្លៃចាប់ពី 109,800 យ៉ន់ ដែលស្មើរនឹង 15,230 ដុល្លារប៉ុណ្ណោះ។ សម្រាប់ម៉ូដែលថ្មីនេះ គឺអាចបើកបរបានចម្ងាយ 2,000km ចំពោះការសាកពេញ និងចាក់សាំងពេញម្តង។ បន្ថែមពីនេះទៅលើការបើកបរចម្ងាយផ្លូវ 100km ស៊ីប្រេងត្រឹមតែ 3.15 លឺត្រប៉ុណ្ណោះ។ ជាមួយនិងវត្តមានម៉ូដែល Seal 06 DM-i wagon នេះ គឺមានការផ្តោតខ្លាំងទៅលើទីផ្សារាសកលភាគច្រើន។

និយាយពីការឌីស្សាញរបស់ BYD Seal 06 DM-i wagon នេះ គឺជាមានគំនិតស្រដៀងគ្នាបន្តិចជាមួយនិងម៉ូដែល sedan ទៅលើផ្នែកខាងក្នុង។ សម្រាប់ម៉ូដែលថ្មីនេះ គឺមានតួខ្លួន យកលំនាំាតាម “Marine Aesthetics” ដែលមានវិមាត្រ4850/1890/1505mm និងមានគម្លាតកង់មុខក្រោយប្រវែង 2,790mm។ ឡាននេះគឺមានទម្រង់ 0.284 Cd។

Seal 06 DM-i wagon ដំណើរការនៅលើប្រព័ន្ធ  plug-in hybrid system ជំនាន់ទី 5 របស់ BYD ដែលមានការប្រើប្រាស់នូវម៉ាស៊ីនចំនុះ 1.5-liter មានកម្លាំង 74 kW (99 សេះ) និងមានអមដោយម៉ូទ័រកម្លាំង 120-kW (161 សេះ) ដោយអាចបង្កើតល្បឿនពី 0 ទៅ 100 km/h ប្រើពេល 8.7 នាទី ហើយសម្រាប់ការជិះលើផ្លូវចម្ងាយ 100km គឺស៊ីប្រេងត្រឹមតែ 3.15 liters ប៉ុណ្ណោះ។ ឡាននេះប្រើប្រាស់អាគុយ FinDreams-made LFP 10.08-kWh អាចរត់ដោយអគ្គិសនីសុទ្ធបានចម្ងាយ 80km ជាមួយស្តង់ដារ CLTC។

សម្រាប់ម៉ូដែលមួយទៀត ក៏មានការប្រើប្រាស់នូវម៉ាស៊ីនដូចគ្នានេះដែរ ប៉ុន្តែទៅលើម៉ូទ័រគឺខ្លាំងជាងម៉ូដែលមុន ដោយមានកម្លាំង 160 kW (215 សេះ) និងអាចបង្កើតល្បឿនពី 0 ទៅ 100km ប្រើពេលត្រឹមតែ 7.7 វិនាទីប៉ុណ្ណោះ។ ឡាននេះប្រើអាគុយ LFP កម្លាំង 18.71 kWh អាចរត់ជាមួយអគ្គិសនីសុទ្ធបានចម្ងាយ 150km ជាមួយស្តង់ដារ (CLTC)។ សម្រាប់ការសាកភ្លើងពី 30% ទៅ 80% គឺប្រើពេល 25 នាទី។ ម៉ូដែលនេះស៊ីប្រេង 4.25 liters ក្នុងចម្ងាយផ្លូវ 100km ហើយនឹងមានធុងប្រេងចំនុះ 65-liter fuel tank។ សម្រាប់ការសាកពេញ និងចាក់សាំងពេញម្តង រត់បាន 2,000 km។

BYD Seal 06 DM-i wagon ថ្មីនេះ មានការបំពាក់នូវអេក្រង់ទំហំ 12.8-អ៊ីង និងអេក្រង់ LCD instrument cluster ទំហំ 8.8-អ៊ីង ហើយនិងឧបាល័រ 6 គ្រាប់, ពោងសុវត្ថិភាព 6 គ្រាប់, LED headlights, និងកៅអីមុខមានប្រព័ន្ធកម្តៅ heated & ventilated ។ នៅលើម៉ូដែលតូចជាងគេក៏មានការប្រើប្រាស់នូវជំនួយការបើកបរ DiPilot 100 (“God’s Eye C”) ផងដែរ។ BYD Seal 06 DM-i wagon ថ្មីនេះមានកាមេរ៉ា 12 គ្រាប់, 5mm-wave radars, សិនស័រ Ultrasonic radars 12 គ្រាប់។

ចំពោះមូដែលខ្ពស់ជាងគេរបស់ BYD Seal 06 DM-i station wagon គឺមានអេក្រង់ទំហំ 15.6-អ៊ីង, ឧបាល័រ 8 គ្រាប់ និងពោងសុវត្ថិភាព 7 គ្រាប់។ ចំណុចពិសេសគឺមានប្រព័ន្ធ DiSus-C សម្រាប់ជំនួយនៅក្នុងការបើកបរតែម្តង។ 

-BYD Seal 06 DM-i wagon ម៉ូដែល 80km Noble តម្លៃ 109,800 យ៉ន់ (15,320 USD)

•BYD Seal 06 DM-i wagon ម៉ូដែល 150km Exclusive តម្លៃ 119,800 យ៉ន់ (16,720 USD)

•BYD Seal 06 DM-i wagon ម៉ូដែល 150km Flagship តម្លៃ 129,800 យ៉ន់ (18,115 USD)