យោងតាមរបាយការណ៌ថ្មីមួយកាលពីថ្ងៃទី 24 ខែមករា ដកស្រង់ដោយ IT-home BYD ដាក់គោលដៅនាំចេញទៅកាន់ទីផ្សារក្រៅប្រទេសចិន អោយបាន 1.3 លានគ្រឿងនៅឆ្នាំ 2026។ ជាមួយនិងគោលដៅនៃការដាក់ចេញនេះ គឺមានកំណើន 25% ប្រៀបធៀវបជាមួយតួរលេខនៃការនាំចេញកាលពីឆ្នាំ 2025។ តាមរយៈនៃសេចក្តីប្រកាសខាងលើនេះ គឺបានបញ្ជាក់ច្បាស់អំពីលទ្ធផលនៃការវិនិយោគកើនឡើងក្រៅប្រទេសរបស់ក្រុមហ៊ុន BYD ស្របពេលជាមួយនិងកំណើននៃប្រើប្រាស់រថយន្តអគ្គិសនីដូចគ្នា។
Li Yunfei ដែលជាអគ្គនាយកគ្រប់គ្រង និងជាប្រធានផ្នែកទំនាក់ទំនងសាធារណៈរបស់ក្រុមហ៊ុន BYD បាននិយាយថា នៅឆ្នាំ 2026 ក្រុមហ៊ុន BYD មានគម្រោងនៅក្នុងការនាំចេញឡានអគ្គិសនីរបស់ខ្លួនទៅកាន់ទីផ្សារសកលអោយបាន 1.3 លានគ្រឿង។ ការប្រកាសនេះ ត្រូវបានធ្វើឡើងនៅទីក្រុងសៀងហៃកាលពីថ្ងៃសៅរ៍សប្តាហ៌មុននេះបើតាមរបាយការណ៌ពីសារព័ត៌មាន IT Home របស់ចិន។
សូមជំរាបថា កាលពីឆ្នាំ 2025 កន្លងទៅនេះ BYD បាននាំចេញសរុបបានចំនួន 4.6 លានគ្រឿង ដោយឡានចំនួន 2.26 លានគ្រឿង គឺជាប្រភេទឡានអគ្គិសនីសុទ្ធ។ ហើយចំនូនដែលនៅសល់នៃតួរលេខសរុបនេះ ភាគច្រើនគឺជាឡានប្រភេទPlug-in hybrid ដែលលក់នៅលើទីផ្សារក្នុងស្រុក។ ទៅលើការនាំចេញសម្រាប់ទីផ្សារសកលកាលពីឆ្នាំ 2025 កន្លងទៅ គឺមានចំនួន 1.04 លានគ្រឿង ដែលមានរថយន្តដឹកអ្នកដំណើរ និងរថយន្តភីកអាប់។ IT Home បានបន្ថែមថា ចំនួននេះ គឺច្រើនជាងកាលពីឆ្នាំ 2024។
មកដល់ពេលនេះ BYD បានពង្រីកទីផ្សារទៅប្រទេសជាច្រើនរួចមកហើយ ក្នុងនោះភាគច្រើននៅលើ អាមេរិកឡាទីន និងអាស៊ីប៉ាស៊ីហ្វិក។ របាយការណ៌ដដែលនេះបញ្ជាក់ទៀតថា គិតត្រឹមដំណាច់ឆ្នាំ 2025 ក្រុមហ៊ុន BYD បានឈានចូលទីផ្សារបានចំនួន 110 ប្រទេសហើយ។
